بنـدر الروثي الشـمري.

[بنـدر الروثي الشـمري. @cr_jbr]

يارفيق الضحك غـــشّاني بياض النيه
كنت احسب انك سلاحً فاليمين ومطلق

وانت مثل البندق اللي ، به هقى راعيّه
ويوم وقّع في نحور القوم عيت تطلق!

بندر الروثي

[بنـدر الروثي الشـمري. @cr_jbr]

شاعرك روحه على روحك غدت ملتفه
ومستعْد لجلك يدوس الجمر الاحمر حافـي

لايهـمك شي دامك عاايشه في ضفه
اطنخي وارمي همومك جاي فوق اكتافي

دام قلبي ينبض ، ودم العروق يدفه
لايطبك خووف "لامنـه توقف خاااافي"

بندر الروثي

[عشيرتي البرقع والحبيب @barqa_habib]

نتقدم بخالص الشكر والتقدير لصاحب السمو الملكي الأمير عبدالعزيز بن سعود بن نايف وزير الداخلية على مواساته لنا في فقيدتنا، سائلين الله أن يحفظه ويديم على وطننا الأمن والاستقرار في ظل قيادة خادم الحرمين الشريفين الملك سلمان بن عبدالعزيز وسمو ولي عهده الأمير محمد بن سلمان حفظهما الله

[إمارة منطقة حائل @emara_hail]

سمو #أمير_منطقة_حائل وسمو #نائب_أمير_منطقة_حائل يعزيان أسرتي المياح والروثي في وفاة فقيدتهم سلمى المياح -رحمها الله- وذلك خلال اتصال هاتفي من سمو أمير المنطقة مع شقيقها معاشي رئيس مركز عقدة سابقاً وبرقية عزاء من سمو نائبه، سائلين الله أن يسكنها جنته ويلهم الجميع الصبر والسلوان.

[بنـدر الروثي الشـمري. @cr_jbr]

انشهد ان ايــــران مافيها ولا حوله صلاح
مامن وراها الا المصايب ماتجي بالمنفعه

اللعن من اللي تنقل بنيبانها السم الذحاح
واشرْ من ابليس وحركاته عسى الله يقلعه

كنها الخبيـث اللي ليا منه تعرقل ثم طاح
مايفرح الا كود لامن طيّـح اخوااانه معه

بندر الروثي

[بنـدر الروثي الشـمري. @cr_jbr]

هذي هــي اللي عنها محدً يعيض
وانسى الحياه ان شفتها مع نكدها

سوالفه كنها عيادات تمريض
لو الحروف تحوسها وتعقدها

ماني بدور لابغت شي “تخفيض”
ليا طلبت ماتبشر الا بسعدها

ومسببه من زينها للكل الغيض
هذا وهي مالان عوده ، بعدهاا

من شاف حناها على كفوفه البيض
يحسب بــان الشمس تغرب بيدها

[بنـدر الروثي الشـمري. @cr_jbr]

وللطيب واهله والله انّا من كبار الداعمين
لو يطلب الطيب حدقه العين" جاته بالمقل"

ولا الردي ماله معانا غير لعنة والـدين !
وحقه علينا يدّعم بكل : الوسايل للنقل (:

بندر الروثي

[بنـدر الروثي الشـمري. @cr_jbr]

في كل ساعه حسنك الطاهر يزود
لاقلت ختمت الـجمال ، ابهرتنـي

اشك بانك جاي من دار الخلوود
لو تثبت انـك من ارضنا ، ماقنعتني

بندر الروثي

[بنـدر الروثي الشـمري. @cr_jbr]

بين الثلوج بمنتصف دار اليهود
والجو مامثله وباالي مهتني

سببت لي فوضا بعد وضع الركود
جيييت وبعــد ماجيتني بعثرتني

تمشي على وجه الجلييد بكل برود
لو شففت شكــلك ماتوقع لـمتني !

بندر الروثي

[بنـدر الروثي الشـمري. @cr_jbr]

دام البنادم تاليّه خــام وقبر !
واميّز اللي لي ، واميّز وش علي

باذن الله ان الكسر لالقاله جبر
و اعيش في رتِم المقام المخملي

المسأله تحتااااج لشويّه صبر
واصفط اللكـزز يسار البنتلي (:

بندر الروثي

[بنـدر الروثي الشـمري. @cr_jbr]

جمالك تعدى حد الادراك للانســان !
لو اوّصفك ماجبت ثلثين من وصفك

بس اللي اعـــرفه زين يالــمترف الفتـان
هو انه قـمر نصف الشهر مايجي نصفك (:

بندر الروثي

[بنـدر الروثي الشـمري. @cr_jbr]

حسبت اني ثقيل ، وراسي تميل العرب مامال !
واثــر عينــك لـو يمر الثقييل تهـد له صرحه

ربطتــيني بحبك ، مثل ماهو يربط السلسال
ياويليي من حلاك الزايد ومن روحك المرحه

بندر الروثي

[بنـدر الروثي الشـمري. @cr_jbr]

(نصبح بــدار) ونمسي (بدار غيـره)
العـــبد سعــيّـه فـأرض ربـه عـباده

رح علـم اللــــي مـايفــارق سريـره
الـرزق مــايـلـقـــاه تحــت الوساده

بندر الروثي

[بنـدر الروثي الشـمري. @cr_jbr]

لحيةً ماهي على الدين "خيبه" باختصار
مالها قـــدر وحشيمه لــها ، لعنه ثوى

من كثــر ماهي بنجسه ولافيــها وقـار !
ودك تحلَّــق مع اللي على خبـرك سوى (:

بندر الروثي

[بنـدر الروثي الشـمري. @cr_jbr]

حبيبتي زينه مع الخلق معدوم
ياشيين خلق الله ليا شفت غيره

بنات حوّى كوم ولحالها كوم
مالله خلق مثله على المستديره

من زينها حتى وهي قاعده نوم !!
مـاكنـــه الا طالعه من كوفيره):

بندر الروثي

[بنـدر الروثي الشـمري. @cr_jbr]

الجمال اللي معك مافيه نسخه منه
يعجزز الانسـان من شده حلاك يعبر

ضنتي باسبابـك العالم تروح الجنه
كل من شافك بدون شعور قام يكبّر!

بندر الروثي

[بنـدر الروثي الشـمري. @cr_jbr]

احس القـريحه صايره تـفرح ليا جـيت !
بعد شفت تاثيـرك على الوضع من تالي

تمر الشهـور وماتجيـب القريحه بيـت
والى شفت زولك جات الابيات طوالي (:

بندر الروثي

[بنـدر الروثي الشـمري. @cr_jbr]

نظرات عينك كنه العبرود
ليا رمت ماتخطي فوادي

ضني عيونك كحلها ، بارود !
ماضنتي بانه كــحل عادي

بندر الروثي

[بنـدر الروثي الشـمري. @cr_jbr]

تعبنا نجامل ونتعامل ، بحّسن ولين !
الايام هذي صارت الناس منسفهه

الاغلـب يذكــرني " بــدواسه البنزين "
مايمشي معاك الين تاطى على وجهه (:

بندر الروثي

[بنـدر الروثي الشـمري. @cr_jbr]

معك عين تخلي الداله يصير معاني
اسالك بالله هذي عين او "قديميه" ؟

اح ياحلو العنا منك ليا من جاني !
ناظريني وافتكي فيني بلا ماويه (:

بندر الروثي