فيه فترات كئيبة تمر عليك بحياتك مدتها طويلة نوعا ودك تسوي لها سكب ، او تزيل هالمدة وتقللها باسرع وقت وتسرع الايام عشان تخف عتمة الكآبة وترجع او تتأقلم مع وضعك الجديد بعد التغيير اللي صار ، بس يوم تتذكر انها مرحلة مهمة تصقل فيها شخصيتك وتهذب نفسك ، ماودي اسرعها واحاول اتقبلها
مبدأ الاستسلام اعترف انه محذوف من قاموسي أو ممكن أقول اني اخليه اخر حلولي وبعد ما اوصل اخر حدودي ، لان اتقبل مرحلة الانهيار ، مرحلة الحزن ، مرحلة البؤس، مرحلة الجلوس على الأطلال فترة زمنية مؤقتة قصيرة ،ثم الانطلاق من جديد احترم وقتي بالحزن واعطيه حقه ، لكن ما اسمح له يأخذ حقي كله
مبدئيا كذا تقلبات الايام والحال الى حال اخر، محزن جدا ماكو اشياء سعيدة مستمرة او على الاقل يوم عادي لازم يجيك ايام عادية بعدين يوم سعيد وبعده محزن وترجع تتأقلم على الحزن وتتعايش معه وتكمل دوران الايام العادية وعلى هذي الوتيرة تكون الحياة
اكثر شيء حزين طلابي اللي كنت ادرسهم الصف الاول السنة اللي طافت ماصرت ادرسهم هذي السنة، وفقدوني ، ماكنت اتوقع منهم يقولي ابله تعالي معنا الفصل اجلسي 😔😢😢😢
ما اقدر ادبر اي امر في حياتي بدون ما استخير ياناس انا شخص يهلكني التفكير ، من دون الاستخارة اعتقد ان بيجيني هلوسة قلق ضغط نفسي ، فاتك يالكافر الراحة بعدها ولا دكتور نفسي ولا غيره يطمنك ويعالجك ويريح ضميرك ، تسلم امرك لربك وترتاح يدبرها بأفضل حال