Er

يانور نجد ومن سكن في ثرى نجد

[Er @cuui24]

22 - 11 - 1445 هـ

« وكان العمرُ في عينيك أمنًا
وغاب الأمن حين رحلتِ » — اللهم ارحم
من رحلت عنّا وفُجعتنا برحيلها
اللهم انِسها في قبرها واجعلها في مساكن جنتك آمنه مطمئنه

[Er @cuui24]

هلا بك من قدمك لغرتك ليّا شعرك المنثور
هلا في كل شيٍ فيك وأنت أحلى مساييري

أثر صدق الغلا يجبر حطام الخاطر المكسور
وانا مهما منحتك من غلاي أشعر بتقصيري

ولو طالت مشاوير الطريق المظلم المهجور
انا لا من ذكرتك قلت .. أحبك يا مشاويري

[Er @cuui24]

تستاهلين اللي يباهي فيك ويعلن إنتصاره
يا جوهرة غالية ماتثمن بأي موال

[Er @cuui24]

أنا طموحي للثقال من الجواهر يا الخفيف
مانيب أدور عملةٍ ماينعرف صرافها

[Er @cuui24]

جعل واهج غرامك مثل وجدي وناري

[Er @cuui24]

اقبل اليّا شفتني على وشك الإنهيار
وأقوم مثل المريض اللي أونس العافية
- جابر النشيرا

[Er @cuui24]

فاتنه كنها تمشي على كبود العذارى
من حسنها الطاغي يشكون ويغارون

اليا مشت قامت على مفارعها تذارى
من الثقة ��للي فيها كنّها تملك الكون

فداها الأراضي من يمينها واليسارى
وفداها عاشقها اللي بهواها مفتون

[Er @cuui24]

نظرتك هذي حياة وطلتك هذي مثيره
كيف وجهك لمّ شمل المعجزه .. لله درّه

[Er @cuui24]

« لمتى و أنا أعشقك في حدود الإحترام ؟ المحبَّة ما لها إلا البساط الأحمدي »

[Er @cuui24]

حتى لو إنك كنت في عمري سراب
بعض السراب ألذ من بعض الأكيد

[Er @cuui24]

من واجه الوقت وظروفه بوجهٍ طويل
ما همّه الناس مادحها وحذافها

الكلمه اللي لها وجهين مدّة بخيل
يصدّ عنها السنافي كل ما شافها

إهانة الذات ما يرضى بها إلا ذليل
العز في وجهها والذلّ في أطرافها

وأنا معي خاطرٍ يسمح وقلبٍ ثقيل
ماهوب يرجع على الحاجه ليا عافها

[Er @cuui24]

أنت يا قبلة قصيدي ويا نسل الحرار
لا تراودك الطواري و تخلفك الشكوك

لك تقاد الروح قود العسيف من المهار
ماخذٍ على شعوري مواثيق و صكوك

يـارصيدٍ مايقارن بـ مال ولا عقار
قيمته في عيني أثمن من أرصدة البنوك

قلبي اللي قد خذيته جهارٍ من نهار
«عايفٍ غيرك لو انه من عيال الملوك»

[Er @cuui24]

اعتبرني معطيات الواقع اللي يستثيرك
حبني مثل الخيال وخلني مثل المخيله

القبال اللي تشوفه قادر يحدد مصيرك
والقبول اللي لمسته منك يكفي عن قبيله

بعترف لك بالحقيقه كامله وانت وضميرك
بعد ماخضت الحياه بسكة الصبر الطويله

يوم مرتني حياتي كلها ماشفت غيرك
انت صورة كل مشهد وانت قصة كل ليله

[Er @cuui24]

ا��بارحة واجهت لي يا أبو نايف
بنت بدويٍ زادت الهم بالهم

يوم اكشفت من قو حمر الشفايف
كنت أتوقع خشمها منطلق دم

- ماجد النصيف

[Er @cuui24]

ابلجً لا أقبلت عليه شفت المحبه في قبوله
الحفاوه مستمره والبشاشه مستمره

[Er @cuui24]

هنوفٍ مافي تجميلها مكحله وخضاب
لا مرّت على الشعّار هاضت قرايحها

تماري على الغيد و تصدد عن الخطّاب
لكّن جيتها وأنا الصعيبات ناطحها

ما تنغرّ فـ كبار الأسامي ولا الألقاب
لو ان المناكب ما تنزل مشالحها

عيوفٍ ما تقبل غير من يكسب الإعجاب
عشير النشاما قد تقلّد مدايحها

[Er @cuui24]

والله أني في هواك العفّ راضي
مثل ما يرضى -السعودي- عن بلاده
- سعد بن هندي

[Er @cuui24]

لا شفت خبلٍ يدبل الكبد بحكاه
صدّيت عنه وقلت أنا أبخص بروحي"

هذا في باب ماجاء بأعتزال ما يؤذيك يا إنسان
مو كل الحكي يستحق الإنصات إليه

[Er @cuui24]

والله ان كبدي عليكم عراويها ضميّ
والمشارب غير هرجتك ماتقطع ضماي

[Er @cuui24]

عودك معزّل ومتنهّض ومفتول
اليا تعدّل رمح واليا انحنى داب

ومعنّقك فارع و زامي ومنتول
وصدرك جمع مالذ كلّه وماطاب

وسودك طلايع قوم وسيوف وخيول
خيّالها يارد على الموت ماهاب

ايّووه من صحوة هدبها ولاحول
وإن سلّهمت هذا بلا ابوك ياعقاب

[Er @cuui24]

ولا كل من يطرد ورى اللي يبي يلقاه
وكم واحدٍ له مطلبٍ وانثنى دونه