عبد المجيد بن ناصر

اكتب و اعيش في خيالي.

[عبد المجيد بن ناصر @cvi22_]

ذي الاقدار مالي منه هروب
الله رزقني بها بدون مجهود

بصبر على بعضها زي صبر ايوب
واطلب تفريجها من المعبود

يالله اسالك و انا كلي ذنوب
تغفر ذنوبي وللذنب ما اعود

ربي عبدك من معاصي وده يتوب
و في لقياك وده يجدد العهود

يالله ودي ان المعاصي تذوب
وتكون في دنياي مالها وجود

يارب يا مغير و هادي القلوب
اكرمني برحمتك يارب الجود

- عبد المجيد بن ناصر -

[عبد المجيد بن ناصر @cvi22_]

حرقت هدايا و فقدت لي ��كاوي
و التزمت الصمت مجمل حياتي

بمواجهة الفرقى ظنيت قاوي
مير الشوق بعثر في حساباتي

و الشوق ؟ جايب فيني البلاوي
و خيب ظنوني و خيب لي هقواتي

من فرقاه .. أيامي كلها شقاوي
و الوله معاناه من معاناتي

سيرت مكان الذكرى وهو خاوي
رجعت ما بين تفكيري و شتاتي

و ياللي على الرجعه مو ناوي
اكتم الفرقى لا تعلم شماتي

- عبد المجيد بن ناصر -

[عبد المجيد بن ناصر @cvi22_]

@r2utt يسلام 👏

[عبد المجيد بن ناصر @cvi22_]

اكتب و امسح و أعدل في القوافي
و جرب في البحور الشعر بحر بحر

و اكتب لك قصيدة و شعورها خافي
و لكن ودي لو شعوري يوصل للبدر

لا تخلي فكري بالارض الفيافي
يكفي الدموع في العيون انتثر

- عبد المجيد بن ناصر -

[عبد المجيد بن ناصر @cvi22_]

ياليت الحبيب يعرف شعوري زين
و يراعيه مثل ما أراعي بشعوره

أحبه و المحبه بالقلب من سنين
و ودي لو أعطيه من المحبة دورة

مدري وراه هو يحب يخليني حزين
و إذا هو " فكر " بالحزن سويت ثورة

- عبد المجيد بن ناصر -

[عبد المجيد بن ناصر @cvi22_]

تزين الايام و تزين الظروف
و إذا ما زانت .. الحياة فانية

خلي الهدف واضح و على مكشوف
و إذ ما تحقق حاول مره ثانية

و لا تكون بالابتسامة عيوف
الابتسامة تورد فيك أمنية

- عبد المجيد بن ناصر -

[عبد المجيد بن ناصر @cvi22_]

@xa_a89 وهو خيره بكل الأحوال .. صح الله لسانك

[عبد المجيد بن ناصر @cvi22_]

@xa_a89 صح بدنك

[عبد المجيد بن ناصر @cvi22_]

يا أمي خلي اسباب حزني مجهولة
لا تفتحي موضوع يشب فيني لهيب

ترى الجرح عندي ينفتح بسهولة
و ما يداويه صديق ولا حتى طبيب

كان لي احلام من ايام الطفولة
و لكن كل الاحلام ما جاها نصيب

و بدلت أحلامي بأحلام مقبولة
و يارب أحلامي المقبولة تصيب

يكفي اعيش بين ا��خيبه و فصولة
يكفي اشوف أحلامي تكبر و تخيب

- عبد المجيد بن ناصر -

[عبد المجيد بن ناصر @cvi22_]

@M_92_14 اللهم امين

[عبد المجيد بن ناصر @cvi22_]

اقبل الظلام و عيا يقبل النور
و اقلبت الهموم على هيئة جبال

تدري وش اللي خلاني أنا مقهور ؟
لما أشوف فعل يعكس كل الأقوال

تدري وش الحاجه اللي عيت تدور ؟
سعادتي اللي عشتها في الخيال

تدري وش اللي أقسى من المذكور ؟
الدمعة اللي تطيح من عين رجال

- عبد المجيد بن ناصر -

[عبد المجيد بن ناصر @cvi22_]

يكفي تكتبون في صدري تجريح
أنا لي جروح بصدري ما تشافت

و كافية تطلبوني اكون صريح
أنا نفسي للصراحه ترى عافت

و ضجيج الفكر عيا لا يستريح
من هموم الدنيا اللي تهافت

انشهد ان وضعي يحتاج تشريح
و من كثر ما دموع عيوني جافت

و صدري اكتفى يكون فقط مريح
و العيون لدت من كثر ما شافت

امري و قدري صرت له أنا طريح
و سلمته اللي عيونه ما تغافت

- عبد المجيد بن ناصر-

[عبد المجيد بن ناصر @cvi22_]

ي صديقي مافي أغلى من الروح
و مافي حاجةٍ تسوى الكرامة

إن جت حاجة تمسها ؟ خلها تروح
و صدقني ما عليها ايت ملامة

لا صارت الروح تشتكي و تنوح
و زاد الحزن و زاد بالإقامة

استريح و ادعي الله السبوح
و راح تشوف النور عقب ظلامة

و خليك قدام وجه الوقت سموح
أحيان جرح تداويه ابتسامة

و اللي لسانه لشماته مسموح
لا تخاوه لأن به من الرخامه

و لا صار باب الميانة مفتوح
كثرت عليك سكاكين الندامة

و اللي ريحه غدر من كفه تفوح
ترى حلال إذا تجاهلت سلامة

و خليك واضح اكثر من الوضوح
في الوضوح تشوف الاستقامة

- عبد المجيد ��ن ناصر -

[عبد المجيد بن ناصر @cvi22_]

لا تدورين من عندي عن المال
أنا راسي مالي كله ترى قصيد

و إذا بغيتي شعرٍ جزل و خيال ؟
اطلبي كل يوم الشيء الجديد

إن أعجبك بيت مني و فيه جمال
قولي ��ح لسانك و بغيتك تعيد

أنا ؟ راح أعيد لأجلك يا غزال
اطلب من ابوك مفتونة الغيد

- عبد المجيد بن ناصر -

[عبد المجيد بن ناصر @cvi22_]

أعطيتك محبة يتمونه غالين
طبعي غيرته لأجلك صرت رايف

أعطيتك بدل الوردة بساتين
من بدون تعبٍ او حتى كلايف

و لكن صدق يوم قالو الأولين
ترى كثر العطىٰ يورثٍ حسايّف

- عبد المجيد بن ناصر-

[عبد المجيد بن ناصر @cvi22_]

@alo_taibi1 الله الله .. صح لسانك

[عبد المجيد بن ناصر @cvi22_]

@khalid_yu90 تسلم

[عبد المجيد بن ناصر @cvi22_]

يا زين عطرك يومه حولي يفوح
و يا زين طلتك يوم غط الوصوف

زينك بدرٍ فوق السماء يلوح
و ما يغطيه لا كسوف ولا خسوف

و ضحكتك دوائي من كل الجروح
الكلام منك يزيل مني الخوف

غلاتك عندي ما مثله بالروح
و ما يجاريه لا نوره ولا نوف

و أنا بشوفتك أصير المذبوح
و عيوني في غيرك ما عاد تشوف

-عبد المجيد بن ناصر-

[عبد المجيد بن ناصر @cvi22_]

كل عام وأنتم بألف خير و عافية و عساكم من عواد الأعياد مع من تحبون .. كل عام وأنتم بخير ❤️

[عبد المجيد بن ناصر @cvi22_]

@caf5l عليك

[عبد المجيد بن ناصر @cvi22_]

أهلين و سهلين الف مرحبا بك
يا اول من تربع في بيت خفاقي

انت لا جيت مشاعري تحتفى بك
و انت سعي اللي ما يمله ساقي

أنا لا غبت عنك لا يطل غيابك
ترى غيابك يا شين لي اخلاقي

شوقي لا مرني و وقف عند بابك
يزيد الوله بك بسبب أشواقي

و لاجاني وقت العتب و عتابك ؟
عاتبني لان عتابك انت " راقي "

اعرف أسبابي و بعرف أسبابك
و خل المعاتب بيننا يتلاقي

لان المعاتب يجي بس أحبابك
و أنا ودي اكن من ضمنهم باقي

- عبد المجيد بن ناصر -

[عبد المجيد بن ناصر @cvi22_]

لي صاحبٍ وقت الحاجة موجود
ماهوب مثل اللي بغيتهم شدو

به من الكرم و الصفات الجود
و اللي ما عرفتها إلا من يدو

في ميزان الغلا مالهم وجود
و الله لو جو كلهم عنه ما سدو

- عبد المجيد بن ناصر -