s

[s @cvqq0_]

أتماشى بالغنج على كبود العدّا

[s @cvqq0_]

لو في يدي شيء ماقلت الوعد بكره
حزمت حدب الضلوع وقلت لك هيّا

ولو كل غالي يجي دايم على ذكره
ماكنت اشوفك هناك وحبك هنيّا

يا ليتني لا بغيت اكره قدرت اكره
ماكان قلبي ليا جيت اكرهك عيّا

[s @cvqq0_]

اليا اذن المذن تهيأ للصلاه
والله ماتلقى خير من تاخيرها

قد ماتوا اللي يستحقون الحياه
يعني بتبقى حي؟ دوّر غيرها

[s @cvqq0_]

ياسعود ماينفع عتبنا مع اللوم
من يوم راح اللي مغطي ظهرها

قصت شعرها تبي موضة اليوم
حسبي عليها ليه قصت شعرها

[s @cvqq0_]

خليت لك باب المعاذير مفتوح
يمكن مع سود الليالي تعُود

[s @cvqq0_]

عطيتك من بشوت الهقاوي ثلاث بشوت
ولا فيه بشتٍ جاء مقاسك ولا قدك

أحسبك من اللي لا دعيته يرد الصوت
وأثاريك تسمعني وودك ولا ودك

أنا واللّٰه المخطي خطأ ما عليه ثبوت
عطيتك سلاحِ يرتعد في كنف يدك

وذخرتك لو أنك ما تنذخر في لعب بلوت
وتقدمت بك حدٍ ما هو واللّه بحدك

[s @cvqq0_]

رحلت عن دارك وأنا خاطري فيك
رحيل حاكم دولته مستحله

حاولت أكابر وأنسى ماضي لياليك
جتني طيوفك زادت الطين بلّه

سالت دموعي فوق خدي تناديك
عقبك ترى دنياي صارت ممله

شف حالتي وشلون لاحل طاريك
شفني على طاريك دمعي أهلّه .

[s @cvqq0_]

"لا لي بالبشر غاية ولا لي بالثرى أوتاد
خفوقي حر واتبع ما يعز النفس وارضيها"

[s @cvqq0_]

خلنا مثل السعودية ومثل الكويت
لاسمح الله جاء بيني وبينك حدود

انت لو تزعلني بكلمه .. بكلمه رضيت
فارشٍ لك ساحة الصدر بيتٍ بلا عمو

[s @cvqq0_]

تقهويت حبّك يوم عاد حبّك يجيب الراس
وعقب مابرد؟ خليت باقيه لغيري

[s @cvqq0_]

أنا سبايب ماحصل لي وما صار
اسرفت فالكتمان ووجعت روحي
—فهيد بن ثنوا

[s @cvqq0_]

ذبحني شعور الخوف والظن والتخمين
وشعور اني اهوى شي وابطيّت مانلته
—بندر الدويش

[s @cvqq0_]

استباحت غلطة الشاطر عواقبها الوخيمه
غلطةٍ .. بيموت شاطرها قبل يدفع ثمنها

[s @cvqq0_]

"جيتك وأنا جرحي ندي ولا بغيت إلا الضماد
ولا دريت إن الضماد أقسى من الجرح الندي"

[s @cvqq0_]

اراودك مثل الهوى وانازعك لين انزعك
واعيش في حبك غلو و الحب في غيرك ريا

[s @cvqq0_]

" ماقد نصيته فالأمور الصغيره
اجيه بالعسره وتصبح تياسير "

[s @cvqq0_]

أنا وإنت في الحب ماعندنا ذوق
دايم أنا بيني وبينك .. مناوش

نهجر بعض مده ونرجع من الشوق
واليا رجعنا بعد .. يوم انتهاوش

[s @cvqq0_]

اليوم يوم الإثنين
ما عاد حنا إثنين يا صبح الإثنين
جارت علينا ظروف الزمن وأفترقنا

[s @cvqq0_]

مغتنيه من خير ربي قبل خيري
ومكرمه نفسي ولو ما أتبـع هواها

و مارجيت الحاجة اللي عند غيري
عندي أشياء مات غيري ما لقاها

[s @cvqq0_]

بعض العرب من كثر مابه رجوله
تقرا على محياه .. شهم وصدوقي

وبعض العرب ودك ليا شفت زوله
تكتب على علباه .. هذا سلوقي

[s @cvqq0_]

ما من انثى بعدي تغنيك عني
فأنا التوبه وغيري الخطايا

وإن مضيت تبحث عن أنثى غيري
فكأنك تفتش في الدوائر عن الزوايا