فـراج الدهيـمي.

اللهُّم أجعل حياتنا ﴿ نُورٌ علىٰ نُورٍ ﴾.

[فـراج الدهيـمي. @cx97i]

تغيرت دنياي بالشكل واللون
لا الأرض مثل أرضي ولا الكون كوني

مدري عقلت وكنت من قبل مجنون
ولا قبل عاقل وجنّت جنوني

مير الوكاد أني من الوقت مغبون
ولا عاد تطربني جداد اللحوني.

[فـراج الدهيـمي. @cx97i]

@S_H_188 شكله حاضر معها بعد 😂😂😂😂

[فـراج الدهيـمي. @cx97i]

فمان الله ي اول من سرق دمعي بدون شعور
وانا كنت اجزم انه ما يطيح الدمع من عيني

فمان الله وابن ادم مقفي والسنين تدور
مصير الوقت وظروف الزمن منك تنسيني

[فـراج الدهيـمي. @cx97i]

يازين الرحابه و الوفا و القبال الزين
وكلمه هلا يامرحبا وَابرك الساعات .

[فـراج الدهيـمي. @cx97i]

عليه اللوم ودموع الهقاوي والسلام الحار
كثر ماكان في صدري حكي قاسي ولا قلته

[فـراج الدهيـمي. @cx97i]

عزّت علي نفسي ولاني بملزوم
أقربك من بعد ما رحت عني

إلى متى في دربك أطيح وأقوم
وأجيك متعني وأرد متعني

ليه أتأمل وأنتظر وصل معدوم
وليه أتمنى وش يفيد التمني

لو إني أدري وش ورا الغيم مقسوم
ما كان حبيتك ولا خاب ظني :)

[فـراج الدهيـمي. @cx97i]

الوصال الستر و البعد بيّاح السدود
وكل يوم يمر من دون وصلك ماطوله

كل شي يهون غير التجاهل والصدود
ماقبله من غيرك و شلون منك باقبله

لا تجاهلني و انا من عريبين الجدود
كان عندك شي لا تستحي مني قله

ماتنسينا الخطايا مواثيق إلعهود
الوفا منا وفينا وحنا من هله

[فـراج الدهيـمي. @cx97i]

كان مالي في دروب الهوى شف ومرام
لين شفته وا شهد انه هواة المهتوي

با سلام الله على السلامة والابتسام
وياسلام الله على اللي ما يبيله مطروي

كن ما لله حط في منطقة خصره عظام
وكن غيره محتوى مثل ما هو محتوى

لاقعد ماوده يقوم وليا قام قام
تلوي اعناق البشر قومته يمه لوي

[فـراج الدهيـمي. @cx97i]

@FHA838 صح لسانك يبو عايش 👌🏻

[فـراج الدهيـمي. @cx97i]

الوصل وصلك والجفا صنع يمناك
وحنّا على الثنتين نقدر ونصبر .

[فـراج الدهيـمي. @cx97i]

تعال وجيب معك بخير وانا اجيب جعله دوم
على مسكة ايدينك صعبه اني امسك اعصابي

قسم بالله ماجاني ' مكابر ' مثل ذاك اليوم
خطيت وقلت ابي منك تفارقني وانا مااابي :)

[فـراج الدهيـمي. @cx97i]

مرت سنه والحال منحاس يا سعود
والصدر الشمالي صار ماهو شمالي.

[فـراج الدهيـمي. @cx97i]

اليوم في غيبتك مانيب عاجز لااجيك
لكني أخاف لامن جيت مالي قدر

أبيك وأكذب عليك إن قلت مآتشتهيك
مشآعري يآنظر عيني وكلك نظر

أما احتضنها وصل ولآ تسلّم عليك
تلقى بدآلي وانا بشحذ زماني صبر.

[فـراج الدهيـمي. @cx97i]

لولاي اعدّي نايفات المراقيب
لضيق من ثوبي واقطّع هدومي

رجمٍ بداه مولّع القلب والذيب
اجرّ به صوتي وافرّق همومي
#فراج_الدهيمي
@FHA838

[فـراج الدهيـمي. @cx97i]

خروج بعض الأشخاص من حياتك مسألة تطهير لعمرك المتبقي لا أكثر " ويقول #عبدالله_بن_زويبن :
"ما راح من دنيا الفنا بألف طقاق
العمر سلفه . . و الاوادم طراقي ".

[فـراج الدهيـمي. @cx97i]

اليا شكى غيري .. الوقت و بلاويه
انا على ماحصل لي يضحك حجاجي

ان جات من غرب ولا جات شرقيه
البحر لا صار لي امواجه امواجي

يخسر ابو نيتين .. و يفوز ابو نيه
في عالم يقطع الرجوى من الراجي
#سعد_علوش

[فـراج الدهيـمي. @cx97i]

@sultanduhaimi صح الله لسانك يبو محمد 👌🏻

[فـراج الدهيـمي. @cx97i]

فمان الله والعذر السمين أبلغ من التبرير
عفى الله عن خطايا اللي خطايانا على شانه

فمان الله يالغصن الليان اللي هجرك الطير
هذا طيرك يبلغك السلام بروس جنحانه

سمحت من المحبه وسامحني على التقصير
وصلنا اخر حدود العشره اللي مالها خانه.

[فـراج الدهيـمي. @cx97i]

@S_H_188 البليهي مهوش له

[فـراج الدهيـمي. @cx97i]

رقدت وصحيت وقمت خايف يفوت الفوت
انا ميتٍ في القصر والبر يحييني
ْ
هبايب صحاري نجد والبر قبل اموت
علي الحرام انها الدوا اللي يداويني 🤍.