..

[.. @d7_11z]

وقفنا عند بابك مالنا مطلوب غير رضاك
معاصينا كبار وعفوك أكبر من معاصينا

[.. @d7_11z]

الضيق والقيلون والخاطر الشين
مجاني الا عقب ليلة فراقه

طرقاء نزيهة عرض واقبالها زين
ياحظ من ضم اسمها ف البطاقه

[.. @d7_11z]

غبت ياللي تدري اني من الفرقا حزين
ما تخاف الله في الروح واللي ناشها

صار حبك مثل الايام في عمر السجين
تنحسب له من حياته وهو ما عاشها

[.. @d7_11z]

اشوف الجفا يشرى واشوف الجميل يباع
و أنا أخاف بكره . . لا يصير الردى موضه

[.. @d7_11z]

ليا عرضت شقر ٍكما مطرق البان
تلفح جدايلها هبوب الذعاذيع

ما دونها حاجز حوامي و جدران
هيبات أهلها عن حماها موانيع

[.. @d7_11z]

ياا كثر زينك لو أنك ماتزينتي
مدري مزينك رب البيت في عيني

- عبدالله بن عون

[.. @d7_11z]

الحب ، من ذاق خمره من رعابيبه
والله ان يكّد النواصي شيب ما تابي

[.. @d7_11z]

ان طابت النفس عافت كِثر ما حبّت
واعوذ بالله من نفسي اذا طابت

[.. @d7_11z]

من عرف وش لذّة الحسن مايبغى الحياه
ما يبا إلا حسن .. وجهك وحسن الخاتمه

[.. @d7_11z]

تبين التراقي لافهقت الجديل خلاف
بيان القمر لا روح الغيم …. متقافي

[.. @d7_11z]

خضار العروق إللي تحت جلدك الشفّاف
عـناقيد ربلٍ — ما سفى فوقها السافي

— فالح أبوعضيده

[.. @d7_11z]

أوادعه والمشاعر صابها طفره
مثل ابتسامة مريض قدم متعافي

لو ان ذنبه بقلبي يقدر يغفره
ما راح والذكريات فراشها دافي

[.. @d7_11z]

يالله وانا عبدك اللي طامعٍ في رضاك
واحيان اضيع دروب الحق وادلها

لا جيتك بدعوة فيها شعور ارتباك
افتح لها ابوابك اللي في السماء كلها

[.. @d7_11z]

يوم جيت ديار ابو سودٍ مظلة
للقدم وقفة وللقلب التفاتة

ما أختصرها في السلام ورحمة الله
السلام ورحمة الله وبْركاته

ودّي آخذ عندهم فنجال دلة
ونفسي أول من كلاني بالشماتة

يرفع الرجال صبرٍ في محله
وترخص الرجال كثر محاولاته

[.. @d7_11z]

ياهواء البال هذا انا لعينك سريت
كان في ايدك بقايا للوصل هاتها

[.. @d7_11z]

اصبر شويّ.. لين الله يزيّنها
لا تعنّز على كتفي وانا طايح

والله ان انتصف لك لو اطيّنها
ويلزم اسمي لسان الجاي والرايح

-

[.. @d7_11z]

مدام لا معوّق ، ولا صايبه عوق
وراه يمشي مثل مشي المعوّق ؟

اللي على حاله خطر من هل السوق
مفروض يُمنع ما يروح يتسوّق

[.. @d7_11z]

انا مهستر حركاتك وسربوتك
واسهابتي فيك فلتة عالم الذره

ترا خلاياي مدمنة على صوتك
كلمني الصبح مره والمسا ء مره

[.. @d7_11z]

لا تحسبني بخير ، إن كان عادك بخير
أنا على جثة أحلامي ، تحوم السباع

يا كثر ماقف على الأطلال تالي عصير
وقوف من فضّل العزله عن الأجتماع

و أبكي على عمري اللي ضاع منه الكثير
مثل ما يبكي على اخوه الشجاع الشجاع

[.. @d7_11z]

أتلا العهد به يقول أكلمك لا فضيت
واليوم قد له سنه وأكثر وهو ما فضى

[.. @d7_11z]

مشاعرك لاتصخي بها غير عند اثنين
وباقي الأوادم عامله نفس روتينه

ترى المجتمع مليان قسوه وقلّة دين
ولا كل من حبيت دينك على دينه

نصيحه لوجه الله لا تطرد المقفين
ترى من طرد له مقفيً طااح من عينه