مقصد

مجرد عابر

[مقصد @dalyo511]

يا مِترفـة روحي على كل مِرقاب
ألمح ملامحك لو تغرّب مكاني

لا غِبتي، حضر طاريك في سِرب الأحباب
وألقاك في صمت الطريق والمباني

أسافر وأنا من طيفك أجرّ الأتعاب
كنَّك معي… والبعد كذبة زماني

[مقصد @dalyo511]

مرّني لا تـاه دربك ، من زحام الحياه
الغلا اللي رحت منه على حطة يدك

- سعد بن جدلان

[جزل @1Jazil]

أحس گني أبوها أو أخوها
أدرى عليها من العالم مدارات ❣️

[هزاع @DD1T_]

أنا أمارس ـــ بـ التناقض حياتي
وجهي بشوش وذكرياتي حزينه .

[دمــث @v80r_1]

والله إني جبـان .. في ملاقى العيـون
كثر ماني شجاعٍ في ملاقى العدا

محمد ابن الذيب

[دمــث @v80r_1]

لا سلهمت وأرخت الرمشين غي ودلال
هي والله المسكرات ومذهبات الع��ل

مبارك بن رادعه

[دمــث @v80r_1]

مامثل الحبيب إلى صفا الود من يمه
يصايد هواك منين ماهب ذعذاعه

جابر النشيرا

[دمــث @v80r_1]

التواضع زين لكـن . . عذروبـه
حطني عادي وانا ماني بـ عادي

سعد علوش

[جزل @1Jazil]

إذا احتجت يا قلبي
على الضلع الأطول ناد ❤️

[ًً @asl3jmi]

تحت تأثير فنجال قهوه طرا لي هالبيت /

« ما تنحسد إلا طوارف الفنجال
يوم نال شي�� واجد اللي يتمنونه »

[مقصد @dalyo511]

صرت بهواجيس الحاضر والماضي غادي
واتذكر رزق العبد بيد خالقه الهادي

واتناسى الفرص الاوله واقول عادي
بكره يزين الحظ واسمعه ينادي

[مقصد @dalyo511]

وجهك المملوح سرّاق العقول
ملهم الشعّار يا سيد الملاح

[مقصد @dalyo511]

لو رفعتي خصلة الليل عن بدر الجبين
كان يمكن يجبر شعاعك شِقوق القمر .

[مقصد @dalyo511]

وخذيت من البنات الغيد عقبك وحدة وثنتين
عساي أسج عن طاري الهوا وطيوف غاليّه

لكن الوضع هو هو ما تغير والزمان يشين
وحبك كل يوم يزيد في العين الشقاوية

وتراني يوم كلمتك فديتك عقب تسع سنين
ما غير أهيّض العبرات ولاّ النية النية

[‏- @qit_i1]

كم قلت لك في غيبتك وش كثر ابيك
اشتقت لك تقول لي وانا بعد

عوّد .. للموعد اللي زل
لك في عيوني ظل
مشتاقه عيوني .. والشوق ماله حل

[مقصد @dalyo511]

الناس من بعدك هَلا , وأنت لبّيه
الحاضر أنت وماضي الناس ماضي

[دمــث @v80r_1]

اليا تحدتك الظروف القاسيه خلك شجيع
احيان تجبرك الظروف لـ موقعٍ ما تقبله

عبدالعزيز العازمي

[Lama @ililililil95_]

مرت سنه فيها أشترينا وبعنا
شي يدوم وشي أبلته الأيام

كل عام والطيَّب من الناس معنا
ولا الردي جعله يولي مع العام

[مقصد @dalyo511]

عيونك ديار كل ما ضعت تدلني
وصوتك امان لا تعب خاطري وقلبي

[مقصد @dalyo511]

لو الغلا ينشاف كان الكون شافك بي
يا أول أسباب الفرح وآخر مطلي ❤️❤️

[مقصد @dalyo511]

لي وقفةٍ لا ضاق وجه الوقت من حربي
أثبت على حد الصعاب ولا انثني بقلبي