sh

[sh @ddh1201]

حتى الشمعة ستدرك يوماً أنها إحتضنت خيطاً أهلكها...

[معكاز | شعر @M3kkaz]

لي صاحبٍ طيبه مثل عد هداج
ما يعتذر عن لازمي لا زهمته

يصفق على وجه العنا صفق الامواج
جمايله ما تنحصى لا عدمته .

[معكاز | شعر @M3kkaz]

عسى الحاجه اللي دونها تنشف الارياق
ماتجعلني انصى واحدٍ يجهل الحاجه .

[معكاز | شعر @M3kkaz]

بعض التسامح والتغافل رخامه
من كلمة اللي لا مراجل ولا اسلوب

احيان امشّي العايبه بـ ابتسامه
واكسي جسدها ثوب لو مالها ثوب

واحيان اقومـهـا عليهم .. قيامه
الردع في بعض الرياجيل مطلوب .

[معكاز | شعر @M3kkaz]

نمشي على الأرض دام الأرض ممتده
و أن أظلم الليل ما تهنا ولا ضعنا

عشنا التجـارب و ذقنا الليِن والشده
وعجايب الوقت توجعنا و تنفعنا .

[فـــذ @F0_qt]

معه نفس لاعافت تفارق معاد تشين
فلا تختبر صبره معك " طالبك طلبه "
ٰ
يحبك لكن ما ودّه انك تعرفه زين
و لا ودّه . . تشوف الموازين منقلبه
ٰ
ليا صد .. ماعاده مع الذكريات يلين
لو ان " الهوى غلّاب " ماتقدر تغلبه
ٰ
ولو حنّ له قلبه و رفّت عليك العين
يده سكّرت عينه و رجله وطت قلبه !

[معكاز | شعر @M3kkaz]

عسى الله يكثّر خير ابو مرحبا وأهلين
راع المجلس اللي مابعد .. صك بيبانه .

[معكاز | شعر @M3kkaz]

لا صارت امجادك مثل شمس النهار
مالك ومال اللي بعد واللي قبل

اطلع على القمّه مطاليع الحرار
واحدر على العالم محادير الوبل

واليا شرهت إشره على الروس الكبار
اللي تفك القيد .. وتردّ الابل

حلّالة العِقده .. متيّهة البكار
ولا الخبل ما ينشره على الخبل .

[معكاز | شعر @M3kkaz]

كم فضيخٍ بـ المجالس .. لا تردى
لـ آجل عين اللي يجيبه حاشمينه

ما نحسب حساب خبلٍ لا تعدى
تلحق الشرهات .. رجلٍ خابرينه .

[عتيق @_ieey]

هو جادك الغيث وإلا ما بعد جادك ؟
يا لذة الما .. على وش قالت العشبة

توقيت عمري .. بدا من يوم ميعادك
لا تنشد اللي تنهد و ابتسم وش به

كثر الجفا في زمان الوصل وش فادك
هاك اللي باقي بعمري وإن حصل عش به

[فـلآح @f21ah_]

سامرت وجه الحياه اللي عطتني عمر
حتى بدت تسرق القمرا وتسري بها

ماحولي إلا سنا ضو ٍحطبها سمر
وأفكاري اللي تقفي بي وأقفّي بها

وأطقطق الجمر بالملقاط وأسحب جمر
والجمره اللي بجوفي ويش أسوي بها

[معكاز | شعر @M3kkaz]

قامت سنين العمر تمضي عجوله
انا غفلت وراح من عمري اعوام

اللي تقول البارحه , صك حوله
واللي تقول امس الضحى كملت عام

بحل ياصرف الذهب والعموله
الصرف صرف العمر من بنك الايام .

[فـــذ @F0_qt]

بانت ملامح غربتي والتجاعيد
والليل ماخافه اخاف اختلافه

والشمس وشقوق السحب والتغاريد
تشرق على صدري وتروي جفافه

مثل القصيد اللي نشرْه السراهيد
يغنيك في فكره ووزنه وقافه

قولوله اني من رجالٍ صناديد
والدمعتين اللي بـ وجهي مَخافه

مامرّك الماء يا نديم العناقيد
حن الغريب لْضحكته والتفافه

ماكان قربك قيد كيف الهجر قيد ؟
هذا هو اللي ما عرفت اكتشافه

يمديك يا مسافر بليّا مواعيد
تحسب حساب موادعي والمسافه

قادر تسلمني يدين التناهيد
واستقبل طعونك بصبر ولطافه

وينك ؟ وانا احبك واجددْك واعيد
حلمٍ بدا بك يا نهاية مطافه

يمدي حبيب مواجهك يا اتلع الجيد
��لحب ماله في ضميري حسافه

حتى تبّسامي معك ليلة العيد
خطاي لكن ما ندمت اقترافه .

[إرتواء @ertoa12]

خوفي من الله وإتكالي على الله
لا خايفٍ هذا .. ولا راجياً ذاك

ياخالقي يرجعلك الامر كله
المّد مدك والعطايا عطاياك.

[قصايد @hnoof_x]

يا من شرى له علةٍ من حلاله
وأزرى يقلبها من الحط والشيل

إن سامها ماعوّد براس ماله
وإن ردها ردت عليه التفاصيل

ما كل صعبٍ فالحياة استحاله
المستحيل ان الليالي تساهيل

شيٍ نبي نلقى العوض في بداله
نلقاه رغم أنف الليال المقابيل

ترى الجفا لا جاب ربي مجاله
حنا عليه أطيب عيال الرياجيل

[معكاز | شعر @M3kkaz]

الزمان يدور والناس حاكم ومحكوم
والبخيت اللي تقهوى الدلال الفايحه

كنت أحسب البعد بين البسيطه والنجوم
لین شفنا بالعيون .. النجوم الطايحه

من تطيّحه المقادير لا يمكن يقوم
لو سماه مولعه .. بالبروق اللايحه

من تمسك بالعوايد .. وميثاق السلوم
ماتصيح أذنه من اهل الحلوق الصايحه .