مـشعي ہن مفَرح

راعي الزعج /شاعر ومحب للبر والبل

[مـشعي ہن مفَرح @ddwws12]

كل شئ يسبح لله فلا تكن من الغافلين ..
سبحان الله الحمدلله. لا إله إلا الله. الله اكبر

[🇸🇦فرحان ذياب الرويبي السبيعي (ابوذياب)🇸🇦 @FRHN503]

"عوق الركايب واحداً من أهلها"
مثل ينطبق على من يتبنى الألقاب وصفات الاستنقاص الشائعة في المجتمع ويطلقها على مجتمعه دون التثبت ومن الأمثلة الاعتقاد بأن الأعراب هم ، البدو ، وهذا غير صحيح البدو هم أهل الارتحال والحضر أهل المدن والاستقرار ، والأعراب هم مَن وفدوا من العجم واستوطنوا جزيرة العرب مع أهلها منهم من فقه فالدين وحسن اسلامه ومنهم من ظل همه جمع المال ،،،

[🇸🇦فرحان ذياب الرويبي السبيعي (ابوذياب)🇸🇦 @FRHN503]

@ddwws12 صح الله السانك يابو مشاري
وابو فاهد يستاهل مايقال فيه رمز ووجه من رموز ووجوه القبيله المجملين بالفعل والقول والحضور ومن خير ممن يمثلون ويشرفون القبيله بحضورهم ومشاركاتهم

[مـشعي ہن مفَرح @ddwws12]

زعيم الكرم على السجيه وفالاعلام
ومن كثر ماتندى يمينه ضهر صيته
.
يتعنى له الاعلام في .. مرتع الجهام
مضوفه مشرع عند ذوده وفي بيته
.
ضفر بالمراجل واحتواها وهو غلام
هقاويه لفروع .. المراجل مقديته
.
مسيعيد بن فاهد ولا للحديث ختام
يجف القلم وصروح الامجاد ملكيته
.
مشعي بن مفرح
.

[مـشعي ہن مفَرح @ddwws12]

وجودي وجود اللي نشب موتره في عرق
عدام ٍ خلاء ماحوله من العرب دوعي
.
يبي له طريق ً خابره .. حال دونه طرق
ونزل جفرةٍ من دونه الدرب مقطوعي
.
حبس للكلتش وعطب الدزق معه وحرق
وقام يتطلع فالمراقيب .. مفزوعي
.
بدا فـ الطويل وجض قلبه وكح وشرق
ولايذكر ... الا ترمسٍ فيه قرطوعي
.

[مـشعي ہن مفَرح @ddwws12]

سلامة الصدر لـ الرجال درعً حصين
واما التغافل سلاح الطيبين المباح
.
وراع الحسد والنمائم جعل فاله يشين
تضيع فيه البصائر مثل رضمة رزاح
.
ترا هل الطيب ماسلمو من الحاقدين
لاكن تسير القوافل رغم صوت النُباح
.
يضيق صدر الردي لامدحو .. الطيبين
والملحد يضيق لاسمع الندى للفلاح
.

[مـشعي ہن مفَرح @ddwws12]

في رجاء الله جعل الايام وظروفي تزين
يعتدل حظي وغبر .. السنين يسوقها
.
كان حسادي على طيحتي مستعجلين
استريحو لين الامجاد اخرف عذوقها
.
الهقاوي طيبه ... والرجاء فالله متين
والمطايا .. مع دروب العلا باسوقها
.
اول الامجاد ضمن العباد الخاشعين
وذمةٍ من فضل ربي مايخشى بوقها
.

[مـشعي ہن مفَرح @ddwws12]

تنقده لاجاء .. خلاوي وسجاج وسهوي
وله مع الرجم المطرف علاقه دايمه
.
بيحت .. خافيه .. الايام لاونه .. كنوب
ويتصدد عن مقامً مهوب يلايمه
.
لاتضايق ذب في مرقب الذئب العدوي
في صلافيحً عليها الضواري حايمه
.
مبعدً عن ضجة الناس والعفن الحكوي
صايد الغرات جعل ام خمس تلايمه
.

[مـشعي ہن مفَرح @ddwws12]

الله يبيح .. النسيم اللي ذعاذيعه
لامرت المستريح اقفت على الراحه
.
تفك .. باب العنى على .. مصاريعه
وللي يخش الدموع الزرق فضاحه
.
تجيك بالماضي اللي صعب ترجيعه
وتهيض المشتحن وتنبش جراحه
.
والعين تطلق صراح الدمع واتطيعه
كن يغرف صافي العبرات مياحه
.
مشعي بن مفرح

[مـشعي ہن مفَرح @ddwws12]

سجة البران.. فيها علاجً للجروح
لو سموم القيض طول النهار مركبه
.
لذةً ماذاقها الطايح اللي مايروح
مبطيً بابً يكف .. البلد ماعتبه
.
ماتولع في هوى مزرفله والا الطفوح
ندرً صوت المدوه عليه .. مدربه
.
زينها في خايعً ريح .. زملوقه يفوح
اجمل عطور الطبيعه تقول مركبه
.
مشعي بن مفرح

[مـشعي ہن مفَرح @ddwws12]

انا شف بالي سجة الخايع الممطور
تتالت عليه السحب مع درب قدميه
.
وشوف العشاير كاسراتً على المقهور
وسط هوبجً كنه من العشب زوليه
.
تخالط نباته فيه من كل نوع زهور
وجيه الحماد من النواوير مكسيه
.
وريح الخزامى من عبير النفل مذعور
وعطر الشمطري خالطه قحويانيه
.

[مـشعي ہن مفَرح @ddwws12]

النار فالجو … الخلا والمعاميل
فيها يعين سلوته ضايق البال
.
في ديرةً .. للصيد فيها مداهيل
ماطبها دايج ولا حولها .. ارسال
.
الا ام سالم فيه .. تعلب مواويل
على فنى روض ٍمن الوبل قد سال
.
قفرً وطاه من الوسامي مخاييل
نبته جديد وفيه من كل الأشكال
.
مشعي بن مفرح
.

[مـشعي ہن مفَرح @ddwws12]

حنازيب سودٍ كنها فالوهاد حمام
قرايع شدادٍ كلبوها من ادناها
.
على شفها ماقرعت فالشبوك حيام
تجوس الدير وانا نجي عند مشهاها
.
عسى ديرةً تحبها الرايح الرزام
مزونه على الجفره تدلا رفاياها
.
تهشم نصوبه مايهجع ثمان ايام
على دار سرفات العشاير ومرباها
.
مشعي بن مفرح السبيعي

[مـشعي ہن مفَرح @ddwws12]

وحن قلبي حن مورً تعرض له هلاش
سايقه طب الوعر مايعرفه واكترب
.
ارتكاء في صابره مع عراقيبً دشاش
مخطرً من كثر جوره على القير يخرب
.
ضيقتي .. لاناحر الليل .. ماجتني بلاش
وان تنطحت النسانيس مامنها مهرب
.
#مشعي_بن_مفرح
.
#الرمله #الربع_الخالي
#المنكوس #شاعر_المليون_12
#سهيل

[مـشعي ہن مفَرح @ddwws12]

@hamood2947 الليالي ماراحت به لايمكن تجيبه
والعمار محسوبه والصحايف تجيب

التواريخ تحفظ والوراه تحكيبه
وكل غمرً شباب نهايته للمشيب

ندري ان وقتنا ضيِق صدورً رحيبه
وندري ان الفرج لاراده الله قريب
.

[مـشعي ہن مفَرح @ddwws12]

@N17Qh ماعليك زود الله يسعدك صح بدنك لاعدمتك

[َ @N17Qh]

@ddwws12 @majed_almhl إبداع منقطع النظير كعادتك ، صح الله لسانك

[‏م . سعود @sauda893]

@ddwws12 الله يجبرنا على فقدة ويجعله من الشهداء والمقبولين

[مـشعي ہن مفَرح @ddwws12]

عز الله العزيز انا فقدناك ياعساف
والله العظيم ان ركننا المعتنز طاحي
.
فقدنا الرفيق الغالي المطلق المضياف
وفقدنا .. حصانً للمهمات نطاحي

راعي مجلسً للكيف والطيب فيه اصناف
وتندى يمينه لـ اسمن الحيل ذباحي

يوم انك على وجه الثراء ماعلينا خلاف
وبعد رحت في بطن الثراء ويش بنلاحي

[مـشعي ہن مفَرح @ddwws12]

@d511y ياوجودي لادنا الليل من رؤس الجبال
ونتهى يوماً من العمر معاد ارتجيه
.
وجد من قفى وهو في رجاء كلمة تعال
والتفت من عقب مقفى ولاحدن لد فيه