ديـمه

عسى نهاية الصبر احلام تصافح كفوفيّ

[ديـمه @deemahhf]

﴿ كلُّ نَفسٍ ذائقةُ المَوتْ ﴾
اللهُم ارحمني حين ترفع روحي إليك

[ديـمه @deemahhf]

في دبرة الوالي تزين التدابير
يالله عسى كل المقابيل خيره

[ديـمه @deemahhf]

قريت الصفحة إللي كان في روحي لها تأثير
لقيت سطورها ماحرّكت في قلبي أضلاعي

كثر ماكنت أخاف المفارق صرت أشوفه خير
مثل ماكنت اخاف من البحر قبل أطلق شراعي

غديت أودّع المقفي ولا أحب أسمع التبرير
أشوف أن التفاصيل الكثيرة مالها داعي

[ديـمه @deemahhf]

ااااااخ يامجودي 🫠

[ديـمه @deemahhf]

ماقول يانفسي عن الحب توبي

[ديـمه @deemahhf]

يجي بعضك وأنا كِلّي يذوب من الصبر والخوف
واجي كلي ولا كِنّك دريت بخطوة أشواقي

بكيت من القهر دمعٍ سقا ذاك الطريق طيوف
ألم كنّه حلف يبقى كسير بزحمة أوراقي !

يجيني كنّه الرؤيا وأنا في مرقدي ملهوف
قسى واشعل قناديل الظلام وطوّق أحداقي

[ديـمه @deemahhf]

كل مافكرت أحذف حسابي يعترض لي هالبيت :

عنّي نويت أرحل .. وعيّا علي الرحيل
يقول ما به وطن لأوجاعك إلاّ هنا

[ديـمه @deemahhf]

قريت الصفحة إللي كان في روحي لها تأثير
لقيت سطورها ماحرّكت في قلبي أضلاعي

كثر ماكنت أخاف المفارق صرت أشوفه خير
مثل ماكنت اخاف من البحر قبل أطلق شراعي

غديت أودّع المقفي ولا أحب أسمع التبرير
أشوف أن التفاصيل الكثيرة مالها داعي

[ديـمه @deemahhf]

لا صار طبعي يا أبيض الوجه دمّاح
لا تحسبني ميت القلب والروح

بعض الخطايا موجعه كنّها رماح
وبعض الخطايا تاخذ شوي وتروح

[ديـمه @deemahhf]

شعار المرحلة
" أجَاهد زمانٍ عيا يجيني على الكيف "

[ديـمه @deemahhf]

شفت صورتك القديمه بالارشيف القديم
يوم عاد الوصل باقي وتاّثير الغرام

قبل ياتي بيني وبينك .. الليل العتيم
ونتفرق بالهوى مثل تفريق الغمام

[ديـمه @deemahhf]

أنا ماشعاني غير حر عريب انساب
على سنام المراجل ثبّت شداده

وسمني غلاه ... كما ياسم المشعاب
على خد صفرا ماتهيّت ل حساده

عذلت قلبي عن غرامه ... ولا تاب
له القلب منساق وله الروح منقاده

لو إن ما ادرى هرج عاذل ومغتاب؟
تقلدت مسباحه على عنقي قلاده

[ديـمه @deemahhf]

لك الله ما قدرت أسلا بعدك ولا قدرت أطيق
تفاصيل الحياة اللي ما فيها من تفاصيلك 

يثير الليل شوقي والنهار يزيدني تشويق
من الأسرار وش درّا النهار اني صبا ليلك

[ديـمه @deemahhf]

حبيبي لو تضيق الارض وصدور العباد تضيق
يعز إنك علي مْن الزعل تقطع مراسيلك 

انا يا مرهف الاحساس مدري يا سُلاف الريق
بصدري ودي أضمك عن الاحزان واشيلك 

عليك أخاف من جرح الكلام و لوعة التدقيق
وأحنك من قساي ومن قسى الايام و آوي لك

[ديـمه @deemahhf]

ماني لكل مضيّع دياره .. ديار
ولاهو ضروري كلِ يذوق خيّري

انا فدى الّلي؛ ينتظرني على نار
ان غبت عنه مايعّوضه غيرّي

[ديـمه @deemahhf]

الغيم مايحّزن على موت الأشَجار
والشمس تشرق لي وتشرق لـ غيّري

والناسّ تتزاحم على شرب الأنهَار
وانا مكفيني — عن الناس بيرَّي

ويوم الطيورّ تهاجر وتقطع إبحَار
انا مبرَقع داخل الصَّدر طيري

[ديـمه @deemahhf]

أقرب من حدود الوهم وأبعد من حدود اليقين
لا قاطع فيك الامل .. ولا لي بك رجا

[ديـمه @deemahhf]

شفوق لشوفتك و أبغيك و أضما من لهف لاماك
و غيرك من جميع الناس والله .. ما ملو عيني

[ديـمه @deemahhf]

اااه من طيش الهيام ونزوة القلب اللحوح
إكسروني كسرة الابيات بلسان اعجمي

السؤال اللي سلب لُبّ الإجابه وين اروح ؟
وغربتي غربة مشاعر بس لقلبك تنتمي

[ديـمه @deemahhf]

أتحاشى ذكرياتك بالتناسي والنزوح
و اتوارى عن حقيقه قيدت لي معصمي

مشكلة عقلي نبيه ومشكلة قلبي سروح
وبين هذا وبين ذاك اتوه واجن واعتمي

[ديـمه @deemahhf]

أتحاشى ذكرياتك بالتناسي والنزوح
و اتوارى عن حقيقه قيدت لي معصمي

مشكلة عقلي نبيه ومشكلة قلبي سروح
وبين هذا وبين ذاك اتوه واجن واعتمي

[ديـمه @deemahhf]

ما لومه دامني بادرت في وصله وفي فرقاه
ذكرت ان المبادي من تركها قل مقداره

[ديـمه @deemahhf]

شارد الذهن وافكاري تعيد المشهد
في هذاك المكان اللي تمره وامرّه

جالس اجاهد الدنيا واهلها واجاهد
وصلك المنقطع وطيوفك المستمره