لو تـامـريـن .. الرمــل عنـك نــلمّه
ولو تعطشين الدم لك مِنّا مسكوب
أنتِ الصـدوق .. البـاقيه .. المهـمة
وأنتِ الحبيب .. وكلنا قلب محبوب
كـلٍ يحــب الأرض .. لا صارت أمــه
بس عشقنا لك غير .. حنا بك نذوب
أحب الماضي من عمري وأحب الجاي به أكثر
لأن اللي مضى يصنع .. سنينٍ مقبلة تغنّي
عن اللي راح من عندي على كل بابٍ أتسكّر
أشوف الخيرة من ربي على ما بعّده عني
أودع عامي وأفرح .. لأني كل ما أكبر
أحب اللي مضى منه وأحب الجاي به منّي🤍
لا انت فارس هالرمال .. ولا نوارس هالبحر أعظـم حروبك خيـال .. واقصر دروبك سفر شايلٍ هم الصديق .. وشايلٍ هم العدا ليه تمشي والطريق .. كل ما خلص بدا وليـت به شيٍ يدوم وانت في الآخر بشر
لا انت حارس للنجـوم .. ولا انت غارس للقمر وما انت حابس للسموم .. ولا انت حاسس بالمطر شايلٍ هم التراب .. وشايلٍ هم السما وانت يغويك السراب .. وانت يقتلك الظما تحمل هموم وهموم وانت في الآخـر بشـر