Deepak mishra

Interested in Vedanga studies, indian philosophy and theology, worshiper of Advaita Shiva, servant of Sanskrit.

शिवतत्त्वादृते किञ्चिन्न सत्यं जगतीतले।🙏

[Deepak mishra @deepakmishra989]

जयति गिरिसुतायाश्चारुचन्द्रास्यकान्तिर्
दुरिततिमिरवृन्दध्वंसिवीर्य्यप्रचण्डा।
यदधिकमहिमानं गीयमानं त्रयीयं
निगदति बहु साङ्गा साङ्गतामातनोतु।।

दीपकमिश्रः।
🙏 नमश्चण्डिकायै। 🙏

[Deepak mishra @deepakmishra989]

सदा धर्म्योत्थानं जगति यतमानं बहुविधं
समं विद्यास्थानं हृदि च भजमानं हरिपदम्।
विहायास्मानद्याच्युतपुरमितो यातमनघं
स्वरूपानन्दं श्रीगुरुवरमहं नौमि मनसा।।
🙏 चरणाम्बुजद्वयवन्दनम्। 🙏

[Deepak mishra @deepakmishra989]

उपकृतोऽस्मि ।नमामि सादरम्।

[केಶవో ગોଵିந்দঃ @govindakeshava]

@deepakmishra989

दाक्षिण्यभावामृतपात्रमानसस्
स्वाध्यायदाक्ष्यामलहृत्स दीपकः।
अनेकशास्त्रोत्थितवाग्विशारदश्
चकास्तु लोके प्रथया मुदा सदा॥

शिवस्य देव्या मधुसूदनस्य
रवेर्गणेशस्य गुहस्य लोके।
कृपाप्रसादैर्गुरुपादपांसोः
प्रशस्तपुण्यो यशसा विभातु॥

हार्दाञ्च्छुभाशयान्व्याहरामि॥

[Deepak mishra @deepakmishra989]

दुःस्थानं प्रति विश्वनाथविभवानुत्पाट्य मूलस्थलात्
कृत्वावर्त्तितमन्दिरं पृथगतो देव्यन्नपूर्णामहीम्।
धर्मस्थानसमस्तवाञ्छितततिव्यापारभाजः कथम्
उन्मत्ता जनता नता तदपि हा नेतुस्तले पादयोः।।

दीपकमिश्रः
काशीहिन्दूविश्वविद्यालयः।

[Deepak mishra @deepakmishra989]

@DDNewsHindi @MIB_Hindi @PIBHindi बढ़िया बनाए हैं वीडियो

[Deepak mishra @deepakmishra989]

@Arunendra9415 कहने के लिए। वैसे केवल गोरखपुर

[Deepak mishra @deepakmishra989]

वीरो नरः स्थलजलाम्बरगम्यमान-
सेनाधिपोऽवनिसमर्चनतत्परश्च।
दैवाद्दिवा विपिनरावत एष लोकं
हित्वा गतः सहचरैः परलोकमद्य।।

💐 नारायण। 💐

[Deepak mishra @deepakmishra989]

@samjignyasu @govindakeshava नैवम्। नदीभिश्च इत्यव्यवत्वेन अव्ययीभावश्च इति नपुंसकत्वेन ह्रस्वो नपुंसके० इति ह्रस्वत्वेन पञ्चगङ्गमित्यस्यैव साधुत्वम्। अन्यदसाधु।

[Deepak mishra @deepakmishra989]

@govindakeshava आपने बहुत ही सुन्दर अर्थ किया है। 💐👏

[Deepak mishra @deepakmishra989]

नितरां धन्योऽस्मि महाभागाः। 💐👏

[केಶవో ગોଵିந்দঃ @govindakeshava]

हमारे आदरणीय श्री @deepakmishra989 जी महाभाग के द्वारा रचित भगवान् बिन्दुमाधव को समर्पित यह पद्य

भास्वच्चक्रगदाब्जशङ्खविमलस्रग्भूषिताङ्गं विभुं
नानारत्नकिरीटशोभिचिकुरालम्बं च पीताम्बरम्।
श्यामाङ्गं कृपयावतारवपुषं श्यामार्चितं भक्तिदं
काशीस्थं भज बिन्दुमाधवहरिं श्रीपञ्चगङ्गं तटे॥

[Deepak mishra @deepakmishra989]

शिवौघौजश्चञ्चच्चलजलसुखस्पर्शनिवहैर्
वयं धन्या लोका विमलितशिवोद्भेदगतयः।
किमुद्देश्यं नाकग्रथितविभवप्रेङ्खणमतेर्
यतोऽवाप्तं नीरं तव जननि तीरं त्रिपथगे।।

🙏 नमो जाह्नव्यै।। 🙏

[Deepak mishra @deepakmishra989]

@Arunendra9415 आप सही कह रहे हैं।

[Deepak mishra @deepakmishra989]

विना हेतोर्मातर्मयि करुणया वीक्षणपरा-
ण्यवाच्यान्यौदार्याण्यपि सुरसमभ्यर्चितपदे।
तुला कान्यैर्नाकोन्मुखविधिफलैस्तीर्थनिवहैः
प्रभाते तेऽल्पीयः स्मृतमिह फलं यज्जनयति।।

🙏💐 नमो जगदम्बायै। सुप्रभातम्। 🙏

[Deepak mishra @deepakmishra989]

@govindakeshava नमामि सादरम्

[Deepak mishra @deepakmishra989]

वैदुष्यसौरभमयं शुभजीवनं स्याच्
चारित्र्यदीपकगभस्तिसुदीप्तमेव।
दीपावलिर्भवतु भूतिकृते समेषा-
मेषां शुभानि कुरुताच्छिवजः सलक्ष्मीः।।

🙏 शुभा दीपावली। 🙏

[Deepak mishra @deepakmishra989]

@govindakeshava यथार्थमुक्तं महामते। 🙏

[Deepak mishra @deepakmishra989]

नन्दं नन्दयते भवं कलयतेऽधर्म्योत्थमाक्षिण्वते
संसारं सृजतेऽसुरान् दलयते मायां स्वतस्तन्वते।
सख्यं गोपजनं सुखं विदधते लीलाचयं कुर्वते
स्वात्मानं प्रकटय्य नो रमयते कृष्णाय तस्मै नमः।।

🙏 श्रीकृष्णः शरणं मम। 🙏

[Deepak mishra @deepakmishra989]

@KushagraAniket मन्ये उपर्युक्तं न चिन्तितं भवद्भिः। अत्र तथोक्ते एकपदत्वेन विशेष्यत्वाभावादपि अतथा। अतः कज्जलम् अलम् इत्युभयपदत्वम्।

[Deepak mishra @deepakmishra989]

@KushagraAniket तथा पठनेऽप्रौढता। क्वचित् काव्यस्य गूढविषयत्वात्। तथा च कज्जलमल इत्येकपदस्वीकारे तस्य विशेषणत्वेनोच्यमाने पुनः तस्य विशेष्यत्वाभावात् तदसङ्गतिः स्पष्टैव। न च कपोलस्य विशेष्यत्वं शङ्क्यं तस्य पुंस्त्वात्।