عبدالرحمن القديري

❤️ صانع محتوى ومُطَور | تطبيقات وشروحات مفيدة | 🇰🇼 [email protected]

[عبدالرحمن القديري @dev7e]

واتساب شغالين على ميزة "Scam Alert" عشان تصيد رسايل النصب من الأرقام الغريبة! 🛑

الميزة تحلل الرسايل داخل تلفونك (بدون لا يقرون محادثاتك) وتعطيك تنبيه إذا شكت بشي، والقرار بإيدك: بلوك ولا تكمل محادثتك؟ 🔒

منشن اللي دايماً يصدق الروابط الوهمية وقوله واتساب بيحلون مشكلتك! 👇😂

[عبدالرحمن القديري @dev7e]

لا تطق مشوار والمركز مسكر! 🛑 وزارة الداخلية أعلنت عن مواعيد مراكز الهوية الوطنية اليديدة لفترة الصيف (لي 31 أغسطس 2026).
الدوام صار فترتين: الصبح 7:30 لي 1:30، والمسا 5:00 لي 9:30.
أو ريح راسك وخلص معاملاتك وإنت قاعد بتطبيق "سهل". 📱

إنت من حزب المراجعات ولا تطبيق سهل؟ 👇

[عبدالرحمن القديري @dev7e]

الذكاء الاصطناعي مال انستقرام "جاب العيد"! 🤦‍♂️🤖
هاكرز قدروا يخترقون حسابات مليونية بكل سهولة لأنهم ببساطة "قصوا" على روبوت الدعم الفني، وخلوه يعطيهم روابط تغيير الباسوورد ويتخطى حماية الـ 2FA ويسلمهم الحسابات! ميتا رقعت الثغرة .

[عبدالرحمن القديري @dev7e]

وداعاً لقائمة البنوك في بوابة "كي نت"! 👋🏼💳
ابتداءً من 5 يونيو 2026، النظام راح يتعرف على بنكك تلقائياً بمجرد ما تكتب أرقام بطاقتك. خطوة ممتازة لتسريع الدفع وتسهيل التجربة ومواكبة التطور الرقمي. 🚀
شرايكم بالتحديث الجديد؟ شاركونا 🤔👇🏼
#كي_نت #الكويت #KNET

[عبدالرحمن القديري @dev7e]

شكلنا بنودع "الكليك" والماوس قريباً! 🤯
انفيديا فجرتها وأعلنت عن أول لابتوبات مصممة حق "وكلاء الذكاء الاصطناعي". بدال لا تشتغل وتفتح برامج بإيدك، اللابتوب صار عبارة عن موظف ياخذ أوامرك وينفذ المهام المعقدة بروحه. 🚀

الراحة لها ثمن.. مستعد تدفع حق لابتوب يخلص شغلك؟ 👇
#انفيديا

[عبدالرحمن القديري @dev7e]

تشتري ساعة عشان تضبط صحتك.. وتالي تتوتر من أرقامها! 😅
سويت لكم مقارنة سريعة لأهم أجهزة التتبع في 2026 (ساعات وخواتم).. منو اللي صج يستاهل سعره، ومنو اللي بيشفط فلوسك باشتراكات شهرية؟ 🤔👇

#تقنية #ساعات_ذكية

[عبدالرحمن القديري @dev7e]

نهاية أزمة المذكرات والأوراق! 🛑
وزارة التربية أطلقت "المكتبة الإلكترونية".. كل الكتب، المراجعات، وبنوك الأسئلة (المعتمدة) صارت متوفرة بمكان واحد بتطبيقهم وموقعهم الرسمي (https://t.co/bjxuyyRKSc).

لا تعور راسك بمصادر غير موثوقة.. رتويت وطرشها للي للحين حايس بدراسته! 👇📚

[عبدالرحمن القديري @dev7e]

تسريبات مجنونة! 🤯 أبل تخطط توصل بطارية آيفون 20 برو لـ 6,000mAh مع نظام تبريد مائي (Liquid-Cooling) 📱💧.. يعني توديع رسمي للباور بانك وشحن يصمد براحة!
سؤال: تسوى النطرة عشان هالبطارية الجبارة، ولا مستحيل تصبر لي 2027؟ 👇
#ايفون #ابل

[عبدالرحمن القديري @dev7e]

تخيل إننا بالكويت صرفنا 14 مليار دينار في أول 4 شهور من السنة! 💸 الأغرب إن 80% من هالمبلغ اندفع "إلكتروني" والكاش يادوب 20%.
السؤال الفعلي: هل سهولة الدفع بالبطاقة والتلفون اهي اللي قاعدة تطير المعاش بسرعة بدون ما نحس؟ 🤔 شاركوني رايكم.

#الكويت #اقتصاد_الكويت

[عبدالرحمن القديري @dev7e]

الداخلية تحسمها وتعلن عقوبات تجاوز السرعة: ماكو تساهل! 🚨
المواطن: حجز للموتر وتوصل للسجن إذا طق 200.
المقيم: إبعاد فوري عن الديرة من سرعة 150 وطالع!
ديروا بالكم ومنشن اللي كله طاير قولة يركد ترى ما تسوى عليه 🛑👇
#مرور_الكويت #الداخلية_الكويت

[عبدالرحمن القديري @dev7e]

الذكاء الاصطناعي بطل يجامل! 🤖
تحديث Claude الجديد مبرمج على "الصراحة المطلقة".. يعني إذا عطيته فكرة مشروعك وكانت ضعيفة، ماراح يكتب لك خطة وهمية ترضيك، بيقولك كاش: "فكرتك ما تنفع"!

تفضل الـ AI اللي يطبطب عليك ولا اللي يعطيك الصج بويهك؟ 🤔

#الذكاء_الاصطناعي #تقنية

[عبدالرحمن القديري @dev7e]

ليش نخلي الوالد والوالدة ينطرون بالطوابير أو يتعبون بالمشاوير؟ 🛑
بطاقة "أولوية" لكبار السن (65 سنة وفوق) تطلعها من تطبيق سهل وتوفر لهم: مواقف مخصصة، أولوية تخلص معاملاتهم، ورعاية منزلية!
ريّحوهم يستاهلون.. دزها بقروب العايلة، وايد ناس ما يدرون عن هالخدمة وبيدعون لك! 🙏

[عبدالرحمن القديري @dev7e]

من آيفون X (2017) لي آيفون XX (2027).. أبل بتاخذ 10 سنين عشان تعطينا شاشة كاملة بدون "نوتش" أو "جزيرة"! 📱
تطور تقني طبيعي ياخذ وقت؟ ولا قاعدين يعطونا المميزات بالقطارة عشان نشتري كل سنة؟ 👀👇🏼
#ايفون #ابل

[عبدالرحمن القديري @dev7e]

نصيحة قبل لا تدفع: لا تشتري (أيباد، iMac، آبل تي في) هالفترة نهائياً! 🛑💸
حسب دليل ماك رومرز (مايو 2026)، تحديثاتهم عالأبواب وراح تتحسف لو استعجلت. بالمقابل.. أجهزة الماك بوك والآيفون 17e وضعها بالسليم وتقدر تشتريها.
دائماً تذكر: توقيت الشراء بأبل أهم من الجهاز نفسه.. متفقين؟ 🤔

[عبدالرحمن القديري @dev7e]

الكل عباله إعلانات "يوتيوب" هي كنز قوقل، بس الصدمة إن "محرك البحث" يطلّع فلوس أكثر منه بـ 6 مرات! 🤯💸 (60.4 مليار دولار بـ 3 شهور بس).
السؤال: هل الذكاء الاصطناعي بيسحب البساط من سيرش قوقل، ولا بيعرفون شلون يحلبونه أكثر؟ 🤔
#قوقل #تكنولوجيا

[عبدالرحمن القديري @dev7e]

بعد وقفة 55 يوم.. خدمة "نقل ملكية المركبة" رجعت اليوم رسمياً بتطبيق سهل! 🚗🔙

ودّع المراجعات وزحمة المرور، الحين تبيع وتشتري سيارتك وأنت قاعد بالديوانية بخطوات سريعة.

منشن اللي كان ناطرها معطّل بيعته 👇

[عبدالرحمن القديري @dev7e]

تحديث يديد بالواتساب: أي مسج أو فيديو تسوي له "فورورد" من حساب تجاري، الطرف الثاني بيشوف اسم الحساب اللي حولت منه! 😅
الحل المؤقت عشان ما تنصاد؟ انسخ النص أو احفظ الفيديو ودزه كأنه رسالة يديدة منك.
تخيلوا يطبقونها باجر على الحسابات العادية؟ بتصير فضايح! 😂👇
#واتساب #تحديث

[عبدالرحمن القديري @dev7e]

انستقرام قاعد يجرب اشتراك "بلس" يديد.. ادفع أقل من دينار وراقب ستوريات الناس كأنك "شبح" 👻، وبنفس الوقت تقدر تصيد وتعرف منو قاعد يعيد ستوريتك! باختصار حرب استخبارات ياية بالطريق 😂
عن نفسي بسألكم: لو انزلت الميزة، بتشترك عشان تراقب بصمت.. ولا عشان تصيد اللي يراقبك؟ 👀👇🏼
#انستقرام

[عبدالرحمن القديري @dev7e]

عشان تنجح بسوق الأسهم مو شرط تكون عبقري.. بس تحتاج تمشي على قواعد واضحة! 🧠
هذي خلاصة 14 قاعدة ذهبية يعتمد عليها "وارن بافيت" قبل لا يقط أي فلس بأي شركة.
أهمها: افهم البزنس، تأكد من نظافة الإدارة، وعطها "سكيب" ولا تخاف تنسحب من أي صفقة ما ترتاح لها. 🛑
#وارن_بافيت #استثمار

[عبدالرحمن القديري @dev7e]

خبر حلو لعشاق السفر ✈️:
رسمياً من 1 يونيو.. عودة رحلات الطيران العربي والأجنبي لمبنى الركاب T1 في مطار الكويت بشكل تدريجي، بعد الانتهاء من تجديد مرافقه لتسهيل حركة المسافرين. 🧳
تهقون التطويرات اليديدة بتفكنا من زحمة الصيف وتسرّع الإجراءات؟ 🤔
#مطار_الكويت #الطيران_المدني