بعثرهـ

[كيف @kiiiif_]

يا كثر ما صدّيت منعًا لـ الإحراج
و ضيعتكم بين الغباء و النباهة

[معكاز شعر @M3kkaz]

إن ماتصافينا ، وحنا عايشين
دمعك على قبري ماني في حاجته .

[فزاع @fza5111]

السعه هي غاية النفس مامعها خشير
ماخذٍ جوي لحالي وعايش في فضاي

[وَدْق @rrh24_]

اسقيته من صافي الود فنجال
و اسقاني من جوف الاهمال دله

[مدواخ شعر @Medwkh]

حي راسٍ ماتوطيه المصايب
يرتفع عند المصايب في علوه

خالقه ربي لوقفات الصعايب
الصعايب ما تزيده غير قوه .

[كيف @kiiiif_]

نلبس الصمت حشمة عن صغار العقول
ونسرج الحرف حكمه لـ الثقيل إن حكى

[قروب اشعار @aShi3ar]

كتومٍ ستر همّه ورا ضحكة المسرور
يموت الكلام بوسط صدره ولا قاله .

[مـنـايــر 🤍 @MakeupManary]

مو العمر اللي شيّبنا، المواقف اهي اللي شيّبتنا

[‏᷂عسر٨٨ @Qhta10ni]

ماعاد الأعمال بنيات بين البشر
الناس تاخذ نوايانا على كيفها

[‏᷂عسر٨٨ @Qhta10ni]

أنا بجاه الله من الضّعف والفقد
والطيّحه اللي ماعليها مسمَي

[‏᷂عسر٨٨ @Qhta10ni]

كم بنت رجّالٍ عن الفين رجّال
يفخر بها الرجال طيلة حياته

وكم واحدٍ لابس له شماغ وعقال
في ذمتي ماتفْرقه عن خواته

[‏᷂عسر٨٨ @Qhta10ni]

علمو من ينقل الهرج لفلان وفلان
لايجيب الهرج عندي ولا يجلس معي

السوالف فـ القفا ما لها عندي مكان
قبل لا أحشّم لساني حاشمٍ مسمعي

[‏᷂عسر٨٨ @Qhta10ni]

مهما تغافلت عن بعض البشر بالأخير
أنا أعرف المحترم واللي ماهو محترم

[‏᷂عسر٨٨ @Qhta10ni]

افضل كنوز الارض كنز القناعه
وافضل وجيه اوجيه ناسً يصلون

واحسن بيوت ابيوت اهل الشجاعه
الي ليا جار الزمن ما يصدون

[‏᷂عسر٨٨ @Qhta10ni]

وجودي يوم راحت من يدي وانا طويل ذراع
وجود الشايب اللي برّ بعياله وباروا به

[‏᷂عسر٨٨ @Qhta10ni]

إذا الحكي يصنع من الشي لا شي
لله در الصمت وشلون سوى

[‏᷂عسر٨٨ @Qhta10ni]

عسى الله يعين إللي تعود على الكتمان
تجي ساعةٍ ما عاد يقدر يقاومها

[‏᷂عسر٨٨ @Qhta10ni]

شلتك عن الرمضى وعن حرّ الأيام
وابيك تدفعها لياصرت شايب

[‏᷂عسر٨٨ @Qhta10ni]

لاخافت النفس من ظلم البشر والسنين
بتعيش في خوفها وتموت في خوفها

ولا صار حلمك كبير وصار عقلك فطين
احسب حساب الليال السود وظروفها

وسوالف الحاقدين وضحكة الشامتين
بتمرها مع مرور الوقت وتطوفها

[‏᷂عسر٨٨ @Qhta10ni]

البخل مايغني ولا يدفع بلا
والجود بالموجودمن شكرالنعم

وصداقةٍ ماهي على قدر وغلا
لقمة مريضٍ مالها ريح وطعم