رَ

"لكَ منّي ما أراهُ مِنكَ"

[رَ @dji1r]

اقبِل الى شفتني على وشك الانهيار
واقوم مثل المريض الى أونس العافيه .

[رَ @dji1r]

سلام الله على الصدر الوسيع ودامح الزلاّت
مخيّب ظـن نقّال الهروج وراعي الفتنه
-
الى جتْه العلوم التافهه راحت ماكنها جات
واذا جتْه الحمول الكايده عرّض لها متنه .

[رَ @dji1r]

اي والله انك غلاي ومهجة افوادي
وانك حسْين الطبوع وتعٌشق عشاقه

يابو ردوفن عليها ملبسن سادي
من شافها قال ذي في مشيها عاقه

عزالله انك هواي وشربي وزادي
يا متلع الجيد يابو كفن ارقاقه

غادي بحبك ولادري وين انا غادي
حب ابدوين مايسمع فاطيب نياقه

[رَ @dji1r]

ماعاد عندي من سمان المعاذير
غير الخطوط ، اللي على بطن كفّي

دربك "شفوف"ودرب غيرك"مقادير"
و انا ماعَرف اعاتب ، اعَرف اقفّي

باقي عشان انساك ، عمر و مشاوير
والخطوتين اللي معي ، ما تكفّي

[رَ @dji1r]

والله إني حره . . من مواكير الأحرار
معرٍب ساسي و راسي على العليّـا رسا

ماعطيت لجاهل الراي وجهات الإعتبار
ولاحسبت لـ نظرة الحسد بعيون النسـا

قيمتي في عين نفسي عمارٍ في عمـارٍ
و اللي متمني طيحتي من الخلق يخسى

[رَ @dji1r]

في مجتمع مليان شين و قوّ عين
أنبل ردود الفعل . . أنّك تستحي
- واقع -

[رَ @dji1r]

اليا مشى من خشيم الذيب منتلي
يزمي على كبد نجد تقول طبشورة

يصبّح الرين قبل شيوخه تصلي
لا قام يطرخ من الطارق وهج نوره

وقامت طوارف سدول الليل تنشلّي
وهبّت هبوب الصباح وغنت اطيوره

[رَ @dji1r]

" عيا يُوالف خاطري بعض الأوناس
حاولت بس النَاس مهم .. بناسي "
- الأمر خارج عن إرادتي -

[رَ @dji1r]

لذّة إعجاب المحبّة لاشفته شوف عين
لذّة الفنجال الاشقر عقب فردة تمر

- صالح النشيرا

[رَ @dji1r]

واهني اللي دموعه ماتجف من المحاجر
ما بعد جارت عليه الدمعه اللي ماذرفها

كن في كبدي مثل طعن الهنادي والخناجر
علةً عيا الطبيب من المداوي ما صرفها

اتوجد جعلني في كل ماجاني مواجر
كل يوم اشوف لي مهنة توجد واحترفها

ياوجودي كل ماعرض علي طيرً مهاجر
ودي اهاجر معه للديره اللي ماعرفها.

[رَ @dji1r]

انا لي ثلاث ايام و الحال كنه اشلى
شليً بحال و حال ماهوب متشالي

سبايب وليفً كل ماشافني بـ اسلى
يعرض علي ويقول حي الله السالي

[رَ @dji1r]

جلّ من سواك فتنه وصاغك من فخار
وحط فيك الليل والصبح والماء و الجمر

كنّ وجهك شمس وأطرافك أطراف النهار
فيك ما يغني محبيك عن شرب الخمر

كن " أبو شيبه " يغازل ورا ذاك الزرار
اللي يمين الممر واللي يسار الممر

وكنّ « إبن جدلان » يشر على شفاةٍ صغار
ليتنا مثل النخل ما يجيب الا تمر

[رَ @dji1r]

وجعل أمحق دروب اللي على دربك توديني:)

[رَ @dji1r]

انا من اول خوي اللي على دربي
واليوم نفسي قد ادنى شي يجرحها

حتى شماغي ليا من ذعذع الغربي
اقول ماذعذع الا جاي يطرحها

[شبّاب @Theemptyquarter]

تعلقت يافيصل مع أمراً صعيب مراد
سبور المحاجي دون وصله توايقلي

سعيت لمناله سعيّة الصامل الورّاد
لكن القدر عيّا .. نصيبه يوافقلي

-مطحس بن حمد

[رَ @dji1r]

يارب أنا قلبي عزيز وحياوي
شيء يهين النفس لا تقسمه لي

حتى لو إني له شفوق وشفاوي
تغسل فؤادي منه قبل أغسل يديّ

[رَ @dji1r]

محتاج صبر الحليم وسجه الداشر
وقلب يبيع المواجع بيعةٍ . . عجله :)

[لهَف @Nnge]

زوله يحارشني وأنا توبتي هه

[رَوْضَةُ الأَدبِ. @2018Rawdaa]

فينبغي للعاقِلِ تقليلُ الأُلفَة

- ابن الجوزي.

[رَ @dji1r]

كل مامريـت في بـالي أرحّـب بـك و أهـلَّي
لين ماصارت طواريك تجـي . . مِثل المنبه

لاتحسب أن الغلا والشوق نوعٍ من التسلي
و أنت قربك يشـرح الخاطر وطاريـك أحبه