البيّنه ماهيب في حاجة خبير
الموت من بعض الامور الخافيه
اليا اختلف ظنّك وضيّعت الشوِير
سنّد على الله دام نِيْتك صافيه
الناس في هالوقت تحتاج لنِذير
ماهي بحاجه للوزن والقافيه
تغيّروا جدًا وفي الوقت الاخير
صارت تجي زلّاتهم متقافيه
والله اني حرة من مواكير الأحرار
معرب ساسي وراسي على العليا رسى
ماعطيت لجاهل الرأي وجهات اعتبار
وما حسبت لنظره الحسد بعيون النسا
قيمتي في عين نفسي عمار في عمار
واللي متمني مطيحي من الخلق يخسى
#رسالة_اليوم