‏﮼tithkar

رسَمت لك بالقلب صوره جميله واظنـها بتبقى مع الوقت تذكار .

[‏﮼tithkar @dn2evxee]

رسمتك في خيال الفكر صوره والضلوع اسوار
ولا ادري وش حصل يومك تموتني وتحييني
حسبتك غير عن كل الملا والناس والزوار
واثر بعض الهقاوي مجحفه لو دامت سنيني
وراك تشب في وسط الضماير والهجوس النار
وانا الي كنت اشوف الناس من غيرك عدويني..!
#رساله_لقلبك

[‏﮼tithkar @dn2evxee]

@wajdi_6 طال الغياب وفاضت أشواق مغليك ..
. وينك تعبت أنشد عليك الليالي
وينك ضمير أشواقنا دوم يطريك ...
ليتك تجي وتشوف وشلون حالي

[‏﮼tithkar @dn2evxee]

تمر الذكريات اللي لها عام ولها عامين
وتطوف الناس لكن انت ماهي تقدر تطوفك

تشابك في خيالي كل ذكرى ماتسر العين
مثل ماكنت تشبك في كفوفي راحة كفوفك

قبل لاترحل وتقفي وتتركني صويب البين
وتعذر عذرك اللي ما يصغر كبر معروفك

وانا اللي كنت تدعي لي وانا اردد وراك امين
عساني ياحبيبي مانحرم منك ومن شوفك

علامات الوداع تبين من قبل الوداع بحين
قبل تبدي كلامك لي وتشرح معظم ظروفك

قبل ليلين من ذا اللي�� شفت عيونك الثنتين
ودريت اني هذاك الليل اخر مره اشوفك ..

#كلام_من_القلب #بوح_الخاطر

[‏﮼tithkar @dn2evxee]

تصاغرت الشعور اللي وصفته في شعور"أعجاب"
الين احسه بقلبي كبر .. ما ياسعه صبري

تجاهلتك لعلي فالتغابي بأشغل الأهداب
تجاهل غيرك و دار النظر لك رمشي الخدري

كثر ماينكر أحساسي حديث لساني الكذاب
كثر ما تأكد احساسي حوادث قلبي العذري

ياكم عليت صوتي بالكلام و قهقهات الناب
عشان أتوهه الجلاس عن دقات في صدري

و لا زال الهوى تقوى رياحه لين زال الباب
وشرع لك مواطن خافق ماهو على خبري

من الله و الله إني ما نويت وما حسبت حساب
" من الله و الله إني حيل حبيتك و انا مدري "

تمر بدنيتي وجهٍ يحسبونه مثل الأصحاب
و انا لامرني وجهك اغنيله " وطن عمري "

له الدقات في يديني و فـ عيوني له الترحاب
و في بالي تفاصيله قريرة بال ما تطري

الا ياكذبة الصادق و الا يا نزوة التواب
الا ياغفلة العاقل و الا ياكسري وجبري

حفظتك سري الخافي عسى الله ما يجيب غياب
اخاف اقول احبك ما تحب وينكسر قدري

[‏﮼tithkar @dn2evxee]

@malak_h2020 لَعلُ هذا اليوم قـبول أَلأمنيات 🕊️ .

صباح التفائل 🌹

[‏﮼tithkar @dn2evxee]

@wajdi_6 ولك في خيال العاشق المهتني ميعاد
ومجلس على غيمه وليلة قمر نجدي
اسافر معك لبلاد وانزل معك لبلاد
ومن غيمة لغيمة ولا للسما حدي

[‏﮼tithkar @dn2evxee]

استنزف الليل بوح و ضاق صدر الغمام
مع جرت الذكريات و من مداهيلها

استوقفتني عليها الصمت و الاحترام
مشاعري من هنا ما وقفت حيلها

واقلبي اللي من الحرمان فيه انقسام
لا زاد حمل الطواري وابتدى ليلها

يا اصعب احلام عمري ضاع معك الكلام
هذي دلالك تفوح افـ بّنها و هيلها

يلوح برق الغرام و درب وصلك ظلام
سحابة الهجر صبت وانجرف سيلها

قبل ارتبط فيك قلبي كان وضعه تمام
هذا نصيبي من الدنيا و غرابيلها

استوطن الجرح صدري لين فيه استقام
سامرت بعد الوداع المر قنديلها

استسلم الحرف و شعور الهواوي حيام
باخر لقى و امتلى فيّ ايديه منديلها

ما اخذت بعد الرحيل الا التعب والهيام
في وادي الحزن هامة واسرجت خيلها

ي��فيني مديت كف الوصل مسك الختام
يا لين شربت على الفرقا فناجيلها

[‏﮼tithkar @dn2evxee]

@0a741e أعيشك حلم وأحيّا بك طواري عابره ووصال
وأموت بكل كلمة من شفاهك وأنت ما تدري💔

[‏﮼tithkar @dn2evxee]

��ازيت صدّك صدّ، وتقول وش فيك؟
سوّيت ما سوّيت، لك عين تزعل؟!
كم ذقت منك المُرّ ما رحت أشكيك.
عانيت كم عانيت ما جيت تسأل.

مجروح! والمجروح له عمر يرضيك،
اسامحك وأرضى وانا اموت وأذبل..
ما كنّ فيني قلب، هو كان بـ إيديك
وشلون من دونه ابي آعيش وارحل!

واليوم قلبي جفّ ما عاد يمديك
لو جيت مثل النور او صرت أجمل.
ظلماي من دونك ولا عتمتي فيك
وش فايدة قربك بلا قول او فعل !

الحُب له قيمة وله وصل يشفيك
لو يمنعك وقتك بالإحساس نوصل.
وانا انتهى عمري وانا اروح وآجيك
لك عين تسألني على ايش ازعل؟!

[‏﮼tithkar @dn2evxee]

ماعاد تكفي مرحبا مليون بالصوت الجهور
المرحبا مليون للي مابعد شاف وعرف

وانا عرفت اميّز الطلقه من اول ماتثور
وانزل العالم منازلها صدر ولا طرف

واردها رد الكريم اللي مايلحقه القصور
لو كان راعيها من اللي لا ضمير ولا شرف

يالله عليك ولا على هقوة يبور ولا مايبور
اليا طغو كيالة الميزان والعدل انحرف

الألسن اللي ماهيب تعرب عن اللي فالصدور
ما تنؤمن حتى على زاد اليتيم المنغرف

حنّا نعاف اللقمه اللي ناشبه في كل زور
ومن المعزّه دمعنا ماهوب عادي ينّذرف

واليا ظلمنا الحظ مرّه ما نلف وندور
هذه تبي من يمتهن دور الذليل ويحترف

العبد غي�� لوجه ربّي عبد في كل الأمور
متقلّب الوجهين مثل العملة اللي تنصّرف

ولا الحرار اللي تصافق بالجناح من الوكور
تاخذ على كبد السما حومة قبل ماتنحرف

واليا انحرف فيها دليل الفطره اللي ماتشور
شامت عن الطفسه وعن سيل القطيع المنجرف

يعوضها عن شجرةٍ حطت بها كل الطيور
وكرٍ ماهو بيسام من شلة مسّحبت الغرف

[‏﮼tithkar @dn2evxee]

أنا وشلون أحب وكل عرقٍ من عروقي جاك
مسيّر لك غرام . . ومنفلت حبله من أيديني

وربي كل ما مرت حروف أسمي بباب شفاك
أحسك تقطف أجمل ورد بالدنيـا . . وتهديني

فداك الِّلي مضى لي من عُمر والِّلي بقى يفداك
وفداك الِّلي عرفته بالزمن من ناس غاليني

أنا قبل ألتقي بك والتَّعاسه من هنا وهناك
تحاصرني بليلٍ يسكب الوحشه ويسْقيني

«أنا عُمري لقيته يوم عانق مركبي ميناك
هنا جيتي سحابٍ من صُدوق العشق يرويني»

[‏﮼tithkar @dn2evxee]

@d0rawy تداعي في مرايا مهجتي مثل
الندى لا سال
يطاردني الحنين لضحكتك
و يشكّل أسواري ،

أحبك و ان طويت من المدارج
كلمةٍ فالبال
تبوح بها الدقايق للسهر
و يطول مشواري ،

مسافر في عيونك
و السفر بـ اهدابها موال
يخلي رعشة الناي الحزين
توقّف الساري ❤️

[‏﮼tithkar @dn2evxee]

@wajdi_6 ما عرفت الحب بعدك لا هدمت ولا بنيت
لا رسمت إلا الخيال ولا وصلت إلا لسرابك

[‏﮼tithkar @dn2evxee]

@0a741e كثر مايشتكي من قلّ وصلك ، قلبي المجروح
أحبك والحزين " تعبّر دموعه " عن شعوره

[‏﮼tithkar @dn2evxee]

@wajdi_6 انا مشتاق له شوق الغياب لنعمة النسيان
انا مشتاق له شوق الممات لردة الانفاس

انا مشتاق له شوق الليال لـ سمرة الخلان
انا مشتاق له شوق السجين لـ غفلة الحراس

لو أدري ممكن يحبه ربع ما أنا أحب انسان
ما شلت من الحسايف شي في قلبي ولا بالراس ♥️

[‏﮼tithkar @dn2evxee]

يا ليت الزمان يعود بي لاول المشوار
قبل . . لا تقص أحداث الأيام تذكرتي

وتاخذني الدنيا ، عن الدار وأهل الدار
غريبٍ يضج بـ غصّتي همس حنجرتي

شعوري شعور التايه المرغم المنهار
آعرف آوّلي .. لكنّي آجهل وش آخرتي

أنا اللي بعد زود الغلا .. والسلام الحار
تنازلت .. لـ عيون المها ، عن مكابرتي

يابنت المطر مالك مصدٍ عن الامطار
من الغيم . . ولا من نسيمه تعطّرتي

عرفتك وانا نفسي صبوره على الاقدار
قبل تختبر . . صكات الاقدار مقدرتي

ماعاد آعرف من كثر ماني معك محتار
تغيّرت انا . . ولا أنتي ، اللي تغيرتي

يا شين الخطايا يوم تكبر مع الاعذار
تروحين كنك مخطية . . ما تعذّرتي

كلام العيون . . يبرر الواقع اللي صار
عطاك الزمن عدة خيارات واخترتي

ورحتي وأنا من يوم رحتي غريب أطوار
من الضيق صرت آدور في نفس دايرتي

يا ليت الكلام اللي حبسته ورى الاسوار
مجرد " رسايل عالقة " في .. مذكرتي

على كثر ما كانت . . ليال الوصال قصار
على كثر ، ما كانت " طويلة " بـ ذاكرتي.

[‏﮼tithkar @dn2evxee]

@hmos__7 7🙈

[‏﮼tithkar @dn2evxee]

@wajdi_6 لازال طيفك لا أستوى الليل طواف 💔

[‏﮼tithkar @dn2evxee]

@d0rawy لك منـي أحبـك لين يغزا شعر راسـي الشيـب
ولـي منك حفظ العهود اللي بينـنا والمواثيـق

حبك حفظته يسار صدري يعلمه عالم الغيب
أداري عليه بقلبـي واخفيـه عن كل المخاليـق

[‏﮼tithkar @dn2evxee]

ذكرت اسمه وهلّل به لساني كنّه .. التسبيح
وسهيت وما دريت الا وأحاسيسي يبارنّه

ذكرته ماني بناسي وانا اللي في هواه ابيح
شعوري لافرض ذكراه فرض الشرع والسنّة

مراويح السحاب ان جابته تنبت بصدري شيح
وتبهج قلب حاطنّه همومه لين صكّنّه

على الله يوم زلاته ماهي تحتاج للتوضيح
و اجنّبها عن لسان الملام المرّ .. والمنّة !

وانا يوم اترك دموعي على هيئة قصيد تطيح ؟
تجفّ بـ كلّ - صح الله لسانك - لا لفت مِنّه !

وانا لو زحت عن بالي طيوفه ما قويت ازيح
شعورٍ كل ما يطري .. يدفّ الونّة بـ ونّة

تحشرج في لسان البوح والبرهان والتوضيح
سؤالٍ ما قوى لساني يبدّي به ولا يكنّه

حبيبي لـ امتلى صدر الليالي ضيقة وتجريح
تجي صبحٍ ينور في فضاي الليل ويحنّه ؟

يا اكرم خلق ربي لاغدى كف الوصال شحيح
لا تعطي نار هجرانك .. وعيني ترجي الجنّة

الوم الناس والذكرى وكل دمعة وكل تجريح
ولا لوم الضماير في فؤادك يوم حبّنّه !

يقلّ الحيل ويضيع الصبر في كفة الترجيح
وموال المفارق ما عزفت وقلت لك غنّه !

ولا ودّي تدور لـ الغياب ولـ الخطأ تصحيح
مقاضيب الحزن قلبي من اقصى الصدر تلّنّه !

وامانه لا تمرّ وعطرك تجيبه هبوب الريح
وتهبّه في حشى صدري وافزّ بشوق منجنّه

عليك الله صارحني قبل يقتلني التلميح ؟
لا تترك مابقى في خافقي معقود في ظنّه

ترا ماعاد لي قدرة اشيل من الالم وازيح
ونفسي ملّت وطابت عقب هيل الغلا وبنّه

( ترا مدّ المواصل للحبايب مايبي تصريح
مادام قلوبهم ما بين شفقانه .. وممتنّة ؟

وانا من لحظة وداعك معانق كفّي : التلويح
وكل ما اقول سيّره الفراق يقول .. يمكنّه ):

[‏﮼tithkar @dn2evxee]

@0a741e قرّب خطاكَ..
الروحُ أنهكها.. الحلك
وابسط مداكَ
اشتقتُ.. أن أشكوكَ لك
قرّب خطاك
ولا تسل.. عمّا مضى
ودع العتاب.. فما أتيت لأسألك
حقاً تعبتُ..
أما تعبتَ؟ ألم يئن؟
أن تستردّ من الضياع.. مُدللّك
القلب يا ابن القلبِ
بعدك ميّتٌ
فتعال أُحي�� في وصالك.. ماهلك💔