يوسف الحبلاني.

[يوسف الحبلاني. @dnbf0]

لا تكبّر الهقوة ترى الناس تخذلك
وخل الثقه بحدود واحسن نواياك

واحرص على فعلٍ جميلٍ يجمّلك
وخلك كريم أخلاق والطيب مبداك .

[يوسف الحبلاني. @dnbf0]

أحبك و لو عادت جميع الوجيه أغراب
خذيتك أمان يشرّد الخوف من طيبه

أحبك لو أعذارك ما هي تقنع الكذاب
أنا الصدق بعض أحيان ما ودي أدري به

حشاك أني آخذ من ظروف الغياب أسباب
ما زاد الوصل والله و لا نقّص الغيبه .

[يوسف الحبلاني. @dnbf0]

الوصف والتعبير في وصفه يخون

[يوسف الحبلاني. @dnbf0]

كرامة الطيب أكبر من كبار الظروف
وقسوة ظروف الحياة تلاوعه في شقى

الوقت متغير وصلف الليالي تحوف
عزيز قومٍ يكابر،،، و الظروف محقى

[يوسف الحبلاني. @dnbf0]

أنا قلبي يوم أشوفك يجي فيه رعشه
حبّ مدري شوق مدري غلا مدري شفاه

أنت مثل الغيث لا مر له دار أنعشه
صح من قال اقرب الحيّ ويزيدك حياة.

[يوسف الحبلاني. @dnbf0]

الله رحمني حط لك شبيه بـ السماء
كل ما غبت عني لقيتك بين النجوم

[يوسف الحبلاني. @dnbf0]

أضرب العالم انا يمناك منت لحالك
ابتسم جعل الوجيه المبغضه يفدونك

وان تكدر خاطرك ولا تعكر بالك
والله إني لا أقلب الدنيا و اوقف دونك

[يوسف الحبلاني. @dnbf0]

لا تنزعج دامها راحت ولا جاتك
ياكم حلمٍ عجز لـ أنسان تحقيقه

كل شي مكتوب بالدنيا ولا فاتك
كفال الأرزاق .. ما يهمل مخاليقه

[يوسف الحبلاني. @dnbf0]

الأماني لو بعيدة .. ما على ربك مُحال 🤍

[يوسف الحبلاني. @dnbf0]

"صافحت فيّ كفي خيال العزيزين
وأثره جنون الشوق صافح يدينيّ".

[يوسف الحبلاني. @dnbf0]

غلاك عندي لو شرب منه عطشان
يعيش ما ذاق العطش في حياته
.
وقدرك بصدري لو نزل وسط الأنذال
تعلموا درس الوفاء والصداقه

[يوسف الحبلاني. @dnbf0]

في ساعة الشده تبين الأجاويد
ويظهر بوقت الضيق راعي الشهامة

ومن عود اليمنى على الطيب تعويد
يفرض على كل الوجود احترامه .

[يوسف الحبلاني. @dnbf0]

كل ماضاقت بوجهي دروب الحياة
اذكرك .. والحياه تزين في ناظري .

[يوسف الحبلاني. @dnbf0]

طهارة وجهك الراضي كأنه منخلق من لين
سحابٍ يروي أحساسي طهر ويلملم شتاتي

ذخرتك للشقى صدرٍ يكفيني عن الباقين
وذخرتك للمدى هقوه تشتت كل ضيقاتي

أنا يا ضحكة سنين الزمان وكل علمٍ زيـن
تركت الناس متعمد وعليك أسوق هقواتي

[يوسف الحبلاني. @dnbf0]

وجهك مثل صبحٍ يسوق التباشير
واليا أبتسمت من الشموخ أرتوينا

سولف وتنبت بالصدور النواوير
وأقطف غلاك من العمر ما حيينا

ياكثر مايفرق حضورك عن الغير
مثل المطر مهما هطل ما أكتفينا

[يوسف الحبلاني. @dnbf0]

{فَإِنَّ مَعَ الْعُسْرِ يُسْرًا}

[يوسف الحبلاني. @dnbf0]

تبي تزين الامور .. وينشرح صدرك
العسر بعده يسر .. لو طالت المدّه

اظن بالله ( ظن ) الواثق المدرك
مهما تضيق الصدور .. وتكبر الشِدّه .

[يوسف الحبلاني. @dnbf0]

الله الله يالدروب المستقيمة
كيف أجادل واحد ماهوب قدّي

شرهة العاقل على النفس الكريمة
واحتفظ بالرد في مزحي وجدّي

يفرح الجاهل و يحسبها هزيمة
ما درى ان عيني لـ مثله ما تلدّي

صدّتي عن بعض خلق الله غنيمة
ما يوالف قلبي ،القلب المصدّي

[يوسف الحبلاني. @dnbf0]

لك عيون الله يعين الناظرين
كل نظرة منها شبّة جَمر.

[يوسف الحبلاني. @dnbf0]

واعلم بان العمر ينقص مايزود
واللي يفوتك منْه صعْب ترجّعه

ولاتنْظر لماضيك لانه مايعود
فكر بحاضرك الجديد وسنّعه

وابذل عشان احلامك اضعاف الجهود
وباب الأمل بين المحاني شَرّعه.