K

اللهّم أصلحني قبل الوفاة واحَسن خاتمتي وتوفّني وأنت راضٍ عني وأغفر لي ذنبي وسخرّ لي من يدعوا لي بعد موتي

[K @do2ua]

2 years
أحبّك حبٍّ ما ينوصف بالشعور ولا بالأفعال
ولا توصفه كثر السطور ولا لسان القايلين

حبي لك أكبر من كلامٍ ينكتب لك وينقال
وحبً لا قست عليك الدنيا، من زود حنّيته تلين

وخذ عهدٍ من قلبٍ يودّك ما تغيّره الأحمال
عهدٍ حافظه بقلبي وبين الرمش والعين❤️

[K @do2ua]

أنت الغلا كلّه محد يساويك
وأنت جفن العين وأنت نظرها

تراني احبّك واعشقك واغليك
وش عاد تبغى بعد المحبّه ذي كلها؟

[K @do2ua]

معك بالدنيا وأبيع البشر وأشريك
أنا يمينك لو الدنيا وأهلها يخلونك

أحبك ولا ياخذك عن حبي التشكيك
ألا يا كبر حبك ويا مصغر طعونك

لا يطري على بالك ولا تفكر أخليك
لو الوقت يجبرنا وعني يحدونك

لك حبيب من كبر قدرك ما يسمع فيك
ما يبي يعيش هالحياة من دونك

[K @do2ua]

مايجيبك طيب حظ ولا تجيبك طيب سمعه
أنت نعمه .. مـا تجيبك غير دعوة مستجابه
أذكر أني قبل أعرفك داعي الله عصر جمعة
وجابك الله والله أعلم وافقت وقت استجابه

[K @do2ua]

ايه احبك حُب مضمون واكيد
ما يوصفه شعري ولا يكتبه قلم

كل يوم اصحى احبك من جديد
يا اهم منهم ومن نفسي اهم❣️

[K @do2ua]

عسى الدنيا تبسم لك وتصبح فرحتك روتين
وعساني كل ما اشتاق لـ لقاك القاك قدامي

من اول ما لمحتك لك شعور بداخلي للحين
يوديني البحر ويردني من البحر ضامي

احبك والذي خالق ضلوعي من سلاله طين
محبه فارقه ما تشبه الا بصمه بهامي❣️

[K @do2ua]

يا جعلني فدوئ لعينك وممشاك
يا اغلئ من الدنيا وما فيها من ناس

والله ما يسوئ هالعمر لو لا محياك
انت الغلا كله وانا اموت بغلاك❣️

[K @do2ua]

معك الليالي أفراح ودروبي وساع
والحب ثوبٍ من لبسته زهى بي

شلون بجزع معك و أضيق و أرتاع ؟
وأنت العوض عن كل خوفٍ عثى بي

علمتني أنسى معك تنهيد الأوجاع
وأشوفك قبالي لا ضاقت رحابي ❤️

[K @do2ua]

أنتي أحلى حلم شفته بالحقيقه
كيف أشوفك مقبله و لا أتغزل

أجمل من الورد و أطيب من رحيقه
و أعظم من الشعر و الشعار و أجزل

للفجر و الصبح و أنسامه صديقه
و للهدوء اللي يضم الليل منزل

ودي أخذك لسماء الدنيا دقيقه
و أخذ القمرا من يديها و ننزل

[K @do2ua]

أشوف الحياة اللي مع الناس ملح وذاب
و أشوفك يقين يقطع الشك والريبه

أبيع السنين اللي بدونك ب رخص التراب
وأساهم على اللحظه معاك أنت باللي به
❣️

[K @do2ua]

المهم إنك أغلى مخلوق وأطيّب شريك
جمعت طبع الحبيب ومغريات الخوي

ياجعلني ما أخسر حبك ولا أعتاض فيك
ولا خلا من غلاك وشوقك الفوضوي❣️

[K @do2ua]

وليفٍ أبيع اللي ملكته عشان أشريه
أنا أضيق لا من ضاق ورضاه يرضيني

وليفٍ عساني ما خلا منه ولا أبكيه
غيابه يميت الروح والوصل يحييني

ليا من دعيته جاوب وقال لي لبيه
أحس بشعورٍ ماهو بـ دايم يجيني ❣️

[K @do2ua]

من يقول الزين ما يكمل حلاه؟
كل شيٍ في حبيبي إكتمل❣️

[K @do2ua]

معك واشتاق لك وشلون وانا بعيد ؟

[K @do2ua]

غلاك أكبر من الواقع من الشرح ومن التعبير
ليا شفت المشاعر ما توصف قدرك أعذرها

على طاري غلاك الله يمسي طلّتك بالخير
يا حلو الليلة اللي في ملامح وجهك أسهرها

أحبك والمحبة ما لها غير الوصل تبرير
تمعن كلمة أحبك على أذنك يوم أكررها

[K @do2ua]

عليك الغلا مردود يا الغايب الموجود
سوالفك غابت مير طواريك .. ماغابت

غيابك حضورٍ له بصدر البيوت ، شهود
ويش اللي يغيّب ضحكتك والغلا ثابت

أحنّك مثل ما حن وجهي من المنقود
وأعدّك .. ليا عديت الأيام وش جابت

[K @do2ua]

محدٍ على الدنيا ينافس غلاتك
تتعب جميع الناس ما يوصلونك

العين لأجلك ما تراعي سواتك
والقلب يحرم بالهوى ما يخونك

خذني على كيفك ومشهى هواتك
وش هي حياتي كان عمري بدونك

[K @do2ua]

أنت عمرٍ لا سألوني وش تمنى؟ قلت أعيده
وأنت فرحة يوم جت لي ماتت أحزاني بعَدها

أنت لو للناس دنيا.. ! صرت لي دنيا جديده
ما حييت إلا عليها ولا أندفنت إلا فـ لحَدها

أنت خيرٍ جابه الله خصني به من عبيده
وأنت نعمة قلبي اللي كل ما ينبض حمَدها

[K @do2ua]

عسى حبي وحبك بس يطول ربي بعمره
كثير اللي مزعلهم عساك تكون فاهمني

مدامك حافظٍ قدري مدامي صاين العشرة
أبحيالك سنين العمر أحبك لين آخرني

انا بعدك حبيبي بس عرفت أحب ما أكره
أنا بعدك عرفت إني بدونك شي مايعني

[K @do2ua]

تخاف من قلبي وقلبي مبديك
ياللي معي حتى لو اني لحالي

أغليك مدري ليه هالكثر أغليك
تستاهل أكثر من غلا وأنت غالي

على كثر ما أعطيك ما كني أعطيك
ما عندي أغلى منك يا أغلى حلالي

لا ضقت ما راح اسألك ليه وش فيك
أبخص طريق رضاك وأجهل سؤالي

[K @do2ua]

عطيتك محبة صادقه ما بها تشويه
وجعلتك بقلبي منفرد فيه وحداني

تراني ليا شفتك أسج الفكر وأشقيه
وأشوف القمر وأقول عندي قمر ثاني

غلاتك بقلبي شي يطغى على التشبيه
كيف أوصفك والوصف يعجز به لساني