basma bedir

‏انسانه جوزائية جدا
بوصل للextreme في اي حاجه

دكتورة نسا عاشقه للولادات والاكشن بتاع التخصص ربنا يجعله خفيف علينا

[basma bedir @doc_nor]

اول عيد و بنتنا معايا
معايا لوحدي ياعمرو
بقول لو بس شوفتها
لو بس حضنتها
انا وبنتك كنا لسا محتاجينك اوي
ربنا يرحمك ياحبيبي

[basma bedir @doc_nor]

اوحش حاجه ممكن تحصل لحد ان الزمن يتقلب عليه
وكل الحاجات اللي كانت بتفرحه تبقي مصدر تعاسته
حتي الاعياد ياربي بقت وجع فوق الوجع
انت المعين يارب علي الايام

[basma bedir @doc_nor]

كل لما بشوف زميل لينا مات
اول حاجه بفكر فيها حال مراته اللي هتكمل الدنيا من غيره
رحمه الله علي دكتور عبد الله
وربنا يصبر قلب امه ومراته العروسة اللي مكملتش ٣ شهور

[basma bedir @doc_nor]

كنت بتقولي بصي في المراية طول الوقت انا عاوزة نسخه تانية منك
كنت بتقولي اوعي تجبيها شبهي يابسمة
البنت تطلع ليكي ولعيلتك
بس انت ماتعرفش انا كنت بحبك اد ايه ياعمرو
البنت طلعت نسخه منك
كنت هتزعقلي لو شوفتها وتقولي ده مكنش اتفاقنا
هتشوفها معايا في الجنه مش كده !!

[basma bedir @doc_nor]

في كل مرة كنت بكلم مع عمرو واوصفله اد ايه هو سندي وحب عمرى وامان الدنيا كله
كان يرد عليا ويقولي انتي سند نفسك بعد ربنا متعتمديش علي حد خليك قوية
كنت اقوله بس انت عمرك ماهتبعني ياعمرو
يقولي ده انا صحتي ومالي وحياتي كلها تحت رجلك
بس بردة انتي سند نفسك
انا فهمت دلوقتي
فهمت ياعمرو

[basma bedir @doc_nor]

بعد موت عمرو
كل الناس حرفيا كلهم ادخلو في حياتي بطريقة مريبة
طول عمرى مستقله ووخده حريتي ١٠٠%
ومع عمرو كانت ١٠٠٠%
دلوقتي اهله واهلي ادو نفسهم الحق يخططو لحياتي واللي عاوز يجوزني واللي عاوز ياخد البنت
واللي عارف مصلحتي اكتر مني
والحمد لله انا شكلي هخسر الكل قريب

[basma bedir @doc_nor]

والله لولا وعد الله وبشر الصابرين لهلكنا

[basma bedir @doc_nor]

@AhmedSo28164369 مات

[basma bedir @doc_nor]

بمناسبة موضوع القايمة
حمايا رفض يكتب قايمة بحجه اننا مخونينهم
بابا رفض
فاخدته علي جمب وقولتله عمرو هيكتب قايمة متقلقش
يوم كتب الكتاب
اديت لعمرو القايمة وكانت فاضية لاني مكنتش جبت العفش
عمرو مضاها علي بياض
وقالي اكتبي مليون اكتبي عشرة
يوم ماتقررى تمشي هتخدي روحي معاكي وهموت

[basma bedir @doc_nor]

@RaniaMagdi11 ويصبرك ويقويكي انتي كمان

[basma bedir @doc_nor]

روحت لدكتور نفسي عشان اقدر استوعب
الدكتور قعد يعيط معايا طول الجلسة ويقولي انا مش مصدق اللي حصل
انا نفسي مصدوم
بسمة خلينا احنا صحاب وروحي لحد تاني
انا مقهور اصلا علي جوزك
وكل اللي قالهولي عشان يصبرني
عمرو كان بيقول عليكي
دي النفس اللي بتنفسه
يوم مابتمشي بتاخد الهوا معاها

[basma bedir @doc_nor]

@MohamedIsmael02 مسبناش بعض هو مات

[basma bedir @doc_nor]

@amr_ayman14 هو مات خلاص

[basma bedir @doc_nor]

يوم ماهتسبيني هديكي كل ما املك عشان اكفأك علي الايام اللي عشتيها معايا
كان دايما يقولي يوم ما انتي تقررى تمشي او تقررى تتطلقي
مكنش عنده اوبشن ان هو اللي يسبني
بس هو اللي سبني فعلا
كتبلي كل حاجه باسمي ومشي زي ماقالي بالظبط
ومافيش حاجه معوضة غيابك ياعمرو
سايبلي وجع في كل مكان

[basma bedir @doc_nor]

النهاردة ياعمرو يوم ولادة بنتك
اللي ياما قولتلي عمرك ماهتحضره وانك لو شوفتني داخله اوضه العمليات هطلع الاقيك ميت
وكنت بقولك عمرى ماهسامحك
اديني اهو رايحه لوحدي وقلبي بينزف ومسمحاك ياحبيبي ونفسي اروحلك واقولك اني ماكنش ليا غيرك
كل اللحظات اللي استينت اعشها معاك بتدبحني دلوقت

[basma bedir @doc_nor]

@RaniaMagdi11 ربنا يقويكي يارانيا ويصبرك
انا حقيقي مش قادرة
ومش عاوزة اتعلق بحد تاني في الدنيا

[basma bedir @doc_nor]

يارب انا معدتش قادرة اتحمل الايام لوحدي
الذكريات والوجع بياكلو روحي
يارب اجمعني بعمرو تاني
يارب اروحله يوم ولادة بنتي
يارب هي تيجي بخير وانا امشي من الدنيا

[basma bedir @doc_nor]

انا كان عندي استعداد اخسر اي حد الا الشخص اللي بحكيله ويفهمني ويهون عليا ومايستحملش زعلي
من يوم موتك ياعمرو وانا ساكته وهفضل ساكته

[basma bedir @doc_nor]

من يوم جوازنا مقضناش ولا رمضان سوا بس باختيارنا
ده كان اول رمضان هيعدي علينا سوا وكنت بقولك هيبقي احلي رمضان في حياتي
ولكنها ياحبيبي اقدار الله
كل مره ببقي انا مسافرة
اول مرة انت تسافر وتسبني ومش باختيارنا المرة دي
لعل رمضانك في الجنه

[basma bedir @doc_nor]

حماتي كنت تيجي تلاقي شقتي متبهدلة والمطبخ يضرب يقلب
تقوم منضفه كل الدنيا وعامله اكل يكفينا يومين تلاته وتتصل بيا تقولي انا عارفة ان شغلك صعب عملتلك كل حاجه وروحت
كنت اقولها ماينفعش كده تقولي اهم حاجه راحة ابني وسعادته وطالما سعيد معاكي انا اخدمك زي بنتي
ربنا يرحمك ياعمرو ويصبرنا