متصالحه جدا مع كوني مش كويسة الفتره ديه وعارفه ده اوقات كتيرة بكون عصبية اوي اوقات بحس اني أبرد واحده ف الدنيا
بكون متحمسه اشتغل اوي وممكن محبش حتي انزل الشغل قدمت استقالتي مرتين ف شهر وكنت اشطر واحده ف التيم كله ف نفس الوقت ممكن انام يومين او افضل صاحيه دماغي رافضه تنام
تخيل تبقي عايش ف بيت مع حد وفجأة فجأة تصحي تلاقي نفسك وحدك محدش معاك وكل الناس بتقنعك أنه مكانش معاك فعلا بس انت اللي كنت مش واخد بالك وشايف وحاسس ومصدق أنه كان موجود وكل حاجه كانت حقيقيه بس كل الناس بتقولك لاء مكانش موجود انت اللي كنت شايفه ف صدقناك انت علشان انت كنت مصدق نفسك
حاسة اني مشوشه حقيقي يعني اوقات عندي طاقه اعمل كل حاجه وأكمل وبعدها احس اني مش قادرة حتي احرك كوباية من مكانها
مش فاهمه بس كل اللي متاكده منه دماغي مليانه كلام اسئلة مخلياني مش عارفه احدد عايزه ايه