في ذ الدنيا كل واحد قاصد وين*ولي قاصد خالقه لاخوف عليه
في ذ الدنيا كل واحد دار عوين*أجري وأشقى على العوين لي تديه
في ذ الدنيا لاتقولش رزقي وين*رزقك ضامن لاتوكل واحد عليه
فتش في التاريخ تلقى البراهين*والقرآن الدارقة تلقاها فيه
الصلاة والسلام على الأمين*سيد المرسلين صحبه وآله
أهل الصح حديثهم ڤال قباحو
واهل الزور كلامهم سنه وكتاب
لبحر راه ليوم نافر ملاحو
وكره حوته قال نسكن في لعلاب
والظلم يغني مرافڤ براحو
والحڤره راها تصلي في المحراب
والمنكر اصحابي سن رماحو
والسوسه مهدات ضرصا ولا ناب
علة تكوي وكييها زاد نفاحو
ماليها لا دوا ولا طباب
الشاعر : #عباس_محمد
قصة:
جاءت بقرة الى السلطان
طلبت منه وسام
نظير ماتقدمه للوطن
رآها الحمار فذهب ايضا
فقال السلطان :
هي تقدم اللحم والحليب وانت؟
قال يامولاي ان اعظم الخدمات
هي التي يقدمها لك
مستشاريك من الحمير
لتبقى في الحكم
ايقن السلطان
انّ الحمار على حق
ومنحه وسام الشرف
...
راح الخير ودارت الساعة بالخف..
لا فطنة حتى اصبحنا في لغبان
يا سامع لقصيدتي كلش خرف..
غير الذكرى و المراسم كان وكان
خلات الارض من العباد الله يلطف..
و تجملت و تلايمت تحت الحيطان
لا دنيا لا دين ثابت لا موقف..
لا غيره لا نيف قوتهم خيان
الشاعر : #الشيخ_الحسني_التيارتي رحمه الله
أصبر يا ڤلبي ومرضك ما يبطاش ...
و بعد الظلمة راه يطلعلك لڤمر
و حتى الزاوش ما يطَول في لعشاش ...
وبعد أيام ينبت الجنحين يفر
و حتى واحد ما طمع فالدنيا عاش ...
و نهارو محدود عنوا مايجور
الشاعر : #بلخير_بن_ساري_السعيدي
سْلكنِي من ضِيق لعدَا والزيّار ..
بين الكاف ونون امر الله يقضيه
العبد الضعيف ما طايڤ لضرار ..
هم الحبس وزاد هم الضر عليه
الطيب للناس ليا راه مرار ..
والشكوة للي خلقني لا غيريه
الشاعر : #محمد_بلخير رحمه الله