تم الفشل ف الالتزام بنجاح الفتره اللي فاتت
يلا نحاول تاني
هعاهد نفسي كل يوم اني التزم عل قد ماقدر حتي لو عرفت اصلح اصغر حاجه موجوده في حياتي واستمريت عل كده هبقي راضي
ومع الوقت هعدل كل حاجه إن شاءالله
مفيش يأس طول مانا لسه قادر وعايش باذن الله
اتمني الرحله الفرديه دي تخلص بقي
كل حاجه حرفيا بقيت اعملها لوحدي
التفكير الاكل الشرب احلامي كل حاجه ف الحياه دي وكل خطوه بمشيها لوحدي مش عارف ليه ولحد امتي
كان نفسي ف الوقت ده يكون الشخص اللي مقدر لينا نكمل مع بعض يكون موجود ع الأقل كنت هحس اني بعمل حاجه لهدف بدل مانا عايش كده
ومينفعش يفكر تفكيري ده وبعدين لما افترقنا وكل واحد راحل ف سبيله قعدت افكر طب وانا
طب وانا اي هعمل اي لو كان لازم عليا اختار
انا متيقن اني هختار اسرتي قدام نفسي
بس صعبان عليا نفسي شويه من يوم ما وعيت وهي متبهدله معايا ف حوارات علطول كانت أكبر مني
ا
انهارده كنت بتكلم مع شخص ف حوار منظومه الجواز وازاي هي بتلغي رغبه الرجل ف فعل أي شئ لنفسه لوحده وانا حياته لازم تبقي مسخره لأسرته وبطيب نفس وكل أما اسال طب انا عايز اعمل حاجه لنفسي واكرر تاني ملقيش منه اي رد
غير أن مينفعش والراجل مينفعش يكون كده وهو بيعمل لأسرته
يحضرني هنا بقي قول احدي الاخوه الستات اللي مش احسن حاجه
ان الست لما تمشي بتكون مقرره من قبلها و خططت لحياتها ومش عارف اي
وبتكون أدت فرصه مره واتنين وتلاته
وبتكون بتراكملك وبتحسبلك الكلمه والموقف وانت فاكر أنك بتصلح الدنيا لكن هي من جواها بتكون بتجهز ازاي تمشي من غير ما تتاذي
لسه سامعة خبر عن واحدة جوزها بعد 35 سنة جواز و3 اولاد كليات قمة استنى لما جوز اخر عيل منهم وقرر يطلقها فجأة ويمشيها من البيت..الست طيبة وغلبانة جدا وهتتجنن وتعرف ايه السبب وازاي قدر يعمل كده خصوصا انها من نوعية الستات الهادية المطيعة السند زي ما بيقولوا..المشكلة انها رافضة الطلاق ده وبتتحايل عليه يرجعها واولادها رافضين اصلا ومخاصمينه لأنهم شايفينه ظلمها..هي هتتجنن وترجعله وبحاول افهم سر تمسكها بيه ده مش قادرة..بتقول بتحبه ومتقدرش تستغنى عنه طيب وبالنسبة اللي باعك فجأة ده ؟!
حوارات الاسبوع ده كتير اوي اوي إن الواحد يستحملها لوحد والله
لسه موصلتش للقدر الكافي من الالتزام ف حياتي عشان امنع القرف اللي بيحصل ده
بس هسعي اني اوصل لكده باذن الله.
و اخيرا دي هتبقي اول جمعه اجازه من شهر ١٢ اللي فات 🫡