درر شعريه

هذا حساب مخصص للأبيات الشعريه الهادفه والمفيده

ابياتنا بعيده عن الرومنسيه وما يتعلق بها وكل ما نكتبه منقول

[درر شعريه @drr_sh3r]

.
الكرامه ، والحميا ، والمواقيف العظيمه ،
هذي اللي دونها الاعذار نوع من الرخامه

لا تحاول أنك تبيع الكرامه بأي قيمه
لن مابه قيمةٍ فيها بـ تشري لك كرامه ،،

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
حي الرفيق اللي له الطيب منهاج
اللي ليا جيته ،، يضوي سراجه

لو ماقضى حاجتك لاصرت محتاج
على الاقل تكفيك ضحكة حجـاجه .

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
عمرك سماء والنفس طيرٍ حايم
والوقت جعل الله يكافي شرّه

لاطبت مرّه خل طيبك دايم
ولا خبت مرّه خلها أخر مرّه,,

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
خلك على وضح النقا تكسب الناس
وان ما كسبت الناس راحتك مكسب

وكل على جوه ويقدح من الراس
" الناس كل له .. طبيعه ومذهب " .

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

..

الأدمي من طيبه ومن شيمته..
مايعترف فالكبر في فقر وغناه!!

ياخي ترى الرجال تنقص قيمته..
لاقام يعطي كل خلق الله قفاه!!

حتى الأمام أليا انتهت تسليمته..
يدير وجهه للصفوف أللي وراه!!

..

[درر شعريه @drr_sh3r]

..

السنافي كل خصلة طيب يجمعها
والردي مهما مدحته ماهوب متجمل

هذا لاكبرت الامور الكايده سنعها
وهذا لاصفوا هل البيلوت قالوا كمل

..

[درر شعريه @drr_sh3r]

..

لاتضايق يابيض الوجه من بعض الظروف..
مايجيك الضيق ألا ومن بعده سعه..

والردي واللاش لاترتجيهم والضعوف..
الله يقلع فزعة اللاش والله يقلعه..

والتعب بامر الله أنه معوض ومخلوف..
وكل يومٍ يالسنافي يجي رزقه معه..

..

[درر شعريه @drr_sh3r]

.

خلك على الوجه الأبيض وأصلح النيه..
لاتقول هذي لأجل هذي مسويها..

قل جعلها حسنةٍ تقضي على السيّه..
الناس مهما تسوي صعب ترضيها..

يالله بذكرٍ جميل وسمعةٍ حيه..
والوقفه اللي تبيض وجه راعيها..

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

..

تعلمت من سود الليالي حكم ودروس..
ولازلت أردد بيت شعرٍ على لساني..

صديق المصالح لو شراء خوتك بفلوس..
طبيعي يبيعك لاقسى الوقت مجاني..

مساء الخير

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
إما اشتهر بالطيب والناس تكفيك
والا ترى مالك ورى " الصيت " حاجة

بعض العرب في شهرته كنه " البيك "
مشهور لكن في النهاية " دجاجة "

#مشاهير_الفلس 😏

[درر شعريه @drr_sh3r]

.
تجمل ترى والله ما للجميل انكار..
ولا ينكره . من كان في راسه مروه..

عسى راع أبشر ماتقفي به الأقدار..
ولا ينقطع ذكره . ولاتنطفي ضوه..

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
أحذر تخاوي من هو بالوجه رجال..
خاو اللي لا طحت تفداك عينه..

السيف وهو سيف أنواع وأشكال..
سيفٍ شطير وسيف بالبيت زينه..

.. #شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.
هذا جزانا نطيب ومالنا منه،،
يناظر الرجل أبوه وينسخ فعوله،،

أتعبني أبوي جعل أبوي في الجنه،،
ماجيت نصفه ولا ربعه ولا حوله،،

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

٠
يا الله رجيتك مع صباح الجمعه
تغفر "خطايا" عبدك اللّي يناديك

وعسى لنا في عالي الخلد جمعه
هذآ رجاي وأمرها في أياديك

#شعر #درر #حكم #بوح #الجمعة

[درر شعريه @drr_sh3r]

.

سواليف قالو فيك ولا قالو في
هذي ماله خانه وذي ماله خانه

لكم دينكم ياهل الحكايا وديني لي
ويبي يحاسب ابن ادم على منطق لسانه

ورفيقً يعاتبنا ويزعل على اتفه شي
مانبغي معه رفقه ولانبغي اميانه

علينا من الدنيا ضغوط ماهيب شوي
وهو يحسبنا الله خلقنا على شانه

[درر شعريه @drr_sh3r]

،

الزمان يدور والوقت يطحنا رحاه
كل يوم يموت رجال ونصلي عليه

كم رفيقٍ ودنابه على قيد الحياه
وكم رديٍ يبطي الموت عيا مايجيه

[درر شعريه @drr_sh3r]

.

أحب الجماله والجماله عمل مبرور
وأحب الغناه وعز نفسي عن المنّه

وأحب الصراحه والصراحه بها معذور
حيث ان الصراحه تقطع الشك والظنّه

وأحب الكريم اللي يفرّج عن المعسور
ليامن عطى حتى هله مادروا عنّه

[درر شعريه @drr_sh3r]

.

وقت الرخا كلٍ يسولف عن الطيب
وان صكت الايام مامن صمايل

عليك باللي في وقوفه مكاسيب
يغنيك عن كثر الحكي بالفعايل

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.

في غلطة الصاحب تجوز المعاذير..
نشيلها ونحطها في كفنها..

تروح باطراف الهواء والمعاصير..
جرة مطر جاها عجاج ودفنها..

#شعر #درر #ابيات #حكم #السعودية #الكويت #الامارات #قطر #عمان #البحرين

[درر شعريه @drr_sh3r]

.

ياللي تقول إن فقرنا من يدينا
لاتحسبنّا مانعرف التدابير

ياما غدا منّا وياما عطينا
وياكثر ماحاشت يدينا من الخير

نجود من جودات ربك علينا
ونصبر ليا كثرت علينا المخاسير

وان جات من ربك على مابغينا
والا صبرنا في رجا الله تيسير

#شعر #درر #ابيات #حكم #السعودية #الكويت