*

﴿إنَ سَعيكُم لشَتىٰ﴾

[* @dssman_]

_

اللهم اجعلنا من الذين إذا أحسنوا
استبـشروا وإذا أساءوا استغفروا

استغفر الله العظيم . . وأتوب إليه !

[فهد العيبان @FahadAl3eban]

جلّ من يبعث الموتى من الأجداث
في نهارٍ يشيب الطفل من هوله

تنبعث له ذكور الخلق ، والإناث
كل إنسان يتحاسب على فعوله

الحليم الرحيم الرازق الغيّاث
مرسل الغيم همّاله ، وهملوله

يرتجي عفوه اللي بالحقل حرّاث
والثري يرتجيه ، وريس الدوله

لـ التيقّظ مثل ما لـ المنام .. اضغاث
والأوادم بليّا شغل مشغوله

سرعة العمر ، والايام ، والاحداث
مُرعبه جدًا ، وماهي بـ معقوله

كنّ فيها مُحرك طايره نفّاث
تسبق اللي يسابقها على رجوله

والعبث لوّ يكسّب مال لـ العبّاث
ما كسب مرجله ، ولا كسب طوله

والحسد لا تفشّى فالبنادم .. عاث
صار كائن حياته شبْه مشلوله

مير جعل النفوس اللي ماهي بـ خباث
بالرضى ، والبرد ، والنور مغسوله

وجعلي اليا تركت اترك من الميراث
سمعةٍ طيبه ، واعمال مقبوله

[* @dssman_]

يا رب لا من صاروا العالم اشباه
ميزني .. انا مقدر اعيش عادي

- محمد ماجد

[* @dssman_]

اخاوي الصبر وإن الله معا الصابرين
لين اصبح الصبر اخو والصابرين اخوياي

- نجم الاسلمي.

[* @dssman_]

ليه اعبد الوجيه وليه اخاف المصايب
كل حاجة على وجه البسيطة .. بسيطة

- ناصر بن مفلح.

[* @dssman_]

الردى فالاش … ماله صلاحية زمان
ماكنٍ به مثل جزءٍ من اجزاء الجسد

- ناصر مناحي.

[* @dssman_]

يوجع الصبر ؛ لا ختلت موازينة
والوجع يظهر الدمعة من الناقة

- سلطان عباس.

[* @dssman_]

اللي يهمه ويش راي العرب فيه
لو يستره ثوب الغنى ما تغانا

- صالح النشيرا.

[* @dssman_]

ما ذِكر بالحنظلة غصن ينفع فيه عود
شجرةٍ لا شرب فيها ولا فيها كلا ..

- خلف بن هذال.

[* @dssman_]

لا تستحي لا مر في نفسك الخوف
خوف العزيز مْن المذلة بطولة

- رعد شلال.

[* @dssman_]

الفقيدة ما هو باللي يموت؛ الفقيدة
غاليٍ …. صار مع الايام ما هو بغالي

- سعد علوش.

[* @dssman_]

ما يوجع الصادق الا قرب كذاب
وما يقنع العاقل الا بالصراحة

- علي ال صبيح.

[* @dssman_]

سلاوي خاطري نطح الهبايب عقب ذب الريع
وأنا . . ادور سلاوي خاطري مادوّر إزعاجه

- سعد علوش

[* @dssman_]

والله ما تفرح بي .. عيال الدعابيل
لو كان اموت من الشفق في محلي

- عبدالله بن جعثم.

[* @dssman_]

بسيطة لو توقف فرد وخطوب الليالي حلف
تواجهها بْ عزم، و تنتهي، وتعيش، وتلاقي

تردَّك عثرت الهياب: مادامك تعاين خلف
مسيرك قدم والرجم المنيف يتعب الراقي

- فارس السميري.

[* @dssman_]

لو المطر دايم على الأرض ودّان
مازاد حجم العوشزه و العراده !

- عبدالله بن زويبن

[* @dssman_]

بايعٍ لجلك حياتي وانا احب الحياة
الحياة اللي بدونك تجوز بدون روح

-خالد مدعث.

[* @dssman_]

يوم اشوف اللي يهينون النفوس بـ كل ليلة
أحمد الله كل ما انزلت العباد …. بمنزلتها

ما معي لك حيل يا قلبي ولا لك معي حيلة
صبرك اهون من مشاريرٍ ما تحمد عاقبتها

لاانت ميت من هوان ولاانت ميت من فشيلة
ما لك الا موتةٍ وحدة .. متى ما جتك متها

- عبدالله السراهيد.

[* @dssman_]

من عرفني يدري اني سيدة وباموت سيدة
ومستعد اغير اصحابي ولا اغير نظامي

ومن جهلني يمكن يعذرب مزاياي الحميدة
مثل حبي لـ اعتزال العالم وقلة كلامي

- علي ال صبيح.

[* @dssman_]

سجةٍ تستهوي الصمت وتعيف الكلام
أزعلت مني رفيقٍ ما يدري بـ زْعلي …

- عايض العاطفي.

[* @dssman_]

في رحاب الارض ساعاتٍ دقايقها ثقيلة
يتساوى عندي اللي فوقها باللي تحتها

عبدالله السراهيد