ِ

[ِ @e3nri]

ما يفيد معاتبي ليه . . اتكلم
العزاء لـ قلوبنا ما هو . . علينا

كان غالي بس ما كان . . يتعلم
لين ضيع حبنا من بين ايدينا

[ِ @e3nri]

وشلون لا مرّت على البال ذكراك
وطيفك سرق مني لذيذ الرقادي

[ِ @e3nri]

لك الله يا أحن المخاليق وش قسّاك
وش اللي نزع ضحكة لقانا وكفنها ؟

وش اللي تغيّر وآخر أيامنا وش جاك
وش اللي حداك لكلمةٍ ما تثمّنها ؟

وعلى الروح ياقطعة من الروح من قوّاك ؟
وهي روحٍ أدنى ما تسويه .. يطعنها !

[ِ @e3nri]

على مبدا الفراق المُر ياخلي فمان الله
وعلى مبدا فمان الله ياخلي تذكرني :)

[ِ @e3nri]

طبّعك جبرني على فرقاك و ابعدني
و انا معك ما هقيّت البعد و الفرقا ..

[ِ @e3nri]

أخطيت أحسب إني معك
بقطع مشاوير السنيَن

وأثر الطريق يضمّنا
بس الخطى متخالفه :)

[ِ @e3nri]

بيت عِتاب مُثقل بالعواطف :

مديت له قلبي وقفى وخلاه
الظاهر أنه ماعرف وش عطيته :)

[ِ @e3nri]

جالس لحالي على مركاي متمركي
أراجع اللي مضى وأبكيه وأفتكره

ما غير أردد قصيدة متعب التركي
توديع الأحباب مث�� الموت له سكره

[ِ @e3nri]

لا عاش منهو تعذر منك
ولا عاش من يمنعه ظرفه

وإن كان قلبي تخلى عنك
ماهوب قلبي .. ولا أعرفه :)

[ِ @e3nri]

فمان الله ياحب وقف ماكمل المشوار
عرفنا مفرق الدربين مايحتاج تكميله

بقت بس المعزه بيننا ماكن شي صار
وصرنا اغراب عقب الود يادنيا من انتي له

فمان الله ياقصه غرام واصبحت تذكار
صنعها الحب في لحظه ولاكمل تفاصيله

[ِ @e3nri]

توادعنا وأنا كاره وداعك وأنت نفس الحال
ورحت أمشي وفي صمتي ثلاث أصوات مسجونين

بكى واحد ، و واحد قال ، لاترحل ، و واحد قال
عسى أن تكرهوا حاجه وهي خيرٌ لكم بعدين .

[ِ @e3nri]

"أجاري ظروفٍ ما تهيّت على ودي"

[ِ @e3nri]

ياصاحب الهجر هجرك ويش سوى بيّ
ويلك مَن الله ترفق في عباد الله.

[ِ @e3nri]

ولا عاد السهر ملفى، ولا عاد السنين أصحاب
تحاشيت المكان، ولا فقد سمعي تراحيبه "

[ِ @e3nri]

أبتسمّ رغم أنكسارك لكل العابرين
لو ورى هالأبتسامَة وجع في مقتله

لاتقول المشكلة كل مامر الحنيّن
لوَ تناظر هم غيرك تهون المشكله

راح يمضي هالحزن مثل ماتمضيّ السنين
والفرح له وقت ويمَر ينهي المسأله

شفنيّ أتظاهر بضحكه وأنا قلبي حزين
مقتنع بـ إن أنكساري مجرد مَرحله.

[ِ @e3nri]

تردّى حيل . . والايام غيّرته
تناساني وانا في قمّة احزاني
ㅤ
وإذا ضاقت بي الدنيا تذكّرته
واناظر وحدتي ياكبر حرماني
ㅤ
تصوّرته حياه وماتصوّرته
يجي عابر يعلقني وينساني

[ِ @e3nri]

تمطر لغيري من حنانك سحايب
ويموت قلبي بين أياديك عطشان :)

[ِ @e3nri]

لا يطول غيابك ثم آخذ عليه
لو تخليت عنّي عنك قلبي تخلّى 🎶

[ِ @e3nri]

تعبت أكذب على نفسي وأجاملها وأقوّل بخير
وأنا نفسي مَن الضيقات فيها الي مكفيها.

[ِ @e3nri]

كنت اتمناك ،، تقطع بـ الامل ياسي
حتى وعودك ،، لو انها كذب ؟ ترضيني

اليوم ؟ ماكل كلمه ! تجرح احساسي
ولا يعنّيني ،، الا شي ،، يعنيني

شعوري ! انّك مخليني ؟ ماهو قاسي
القاسي ؟ انك قدرت ! انك تخليني

[ِ @e3nri]

فاضي ،، ومن ذكرياتك ممتلي راسي
ياخذني الشوق ،، والطاري يودّيني

فقدت ذاك الشعور ! وحبسة انفاسي
في اللحظة اللي تضم ايدينك ايديني

ماكنت مستغرب ان ذكراك هوجاسي
مستغرب ان الهوى ماعاد يغريني