غديت أدورني بزحمة أفكاري
كني سؤالٍ عجزت ألقى له إجابه
يا غربة الروح طال الدرب بمساري
والعمر يجري ولا أدري وش غدابه
متى على الله تضوى لي أنواري ؟
و ألقى الطريق اللي انكتب لي بابه
و أشوفني بحلم الهنا و أجمل أقداري
أقطف زهور الحظ عقب الخوف و أنيابه
بين ميراد الهقاوي و مصدار الظنون
صار في نفسي قناعه ، وفي سمعي ثقل
العرب والله ما عاد ندري وش يبون
والصدور من المشاريه صارت مُعتقل
تغلط العقّال و نقول لـ الطيّب يمون
و تغلط الجهّال و نقول .. تكبر و تعقل
مرحبَا ياغاية القلب واقصى منتهاه
ريف قلبي جعل عُمري معك ما ينتهي
والله أنك وسط قلبي .. وهذا مبتغاه
والعمر من دون وصلك ترى ما ينشري
والله انك زين مبسم ، وطبع ، وزين جاه
جعل عين الناس منك تسجّ وتلتهي .❤️
أعيش في حالة أستنكار ذات و شعور
و وصلت نقطه غريبه .. ما تصورتها
أحس روحي لحقها قل جهد و فتور
من كثر ما أحترت فأحلامي و حيرتهّا
عودتها كل من يبعد بعيد .. معذور
" و عمرتها بـ التسامح إلين دمرتها "
أنا قبل ساعتين ،، و عام،، و أربع شهور
نفذت من غلطة « الشاطر » و كررّتها
متى تنفرج وافر من حزني القتال
و أراهن على مستقبلي وانطل أحزاني
ماعاد ارغب الماضي ولا أداني الأطلال
احس ان عمري راح وابغى عمر ثاني
ياغياث أغثني والله اني وصلت لحال
مايفهمني إلا واحدٍ جاه ماجاني
أنا اشكي من الحرمان واشكي من الإهمال
ومن ضيقةٍ تبلاني الله لايبلاني
-فهد قطنان
على دربك لو إن العمر يوقف تمشي الأقدام
إلين أموت أبيك وغيرك من الناس ما أبيها
يا روح الشعر وحروف الكلام وسطوة الإلهام
أحاسيسي معك ؟ ماني بـ عارف كيف أخبيّها
يا مرساي الأخير و ذكرياتي في مدى الأعوام
يا ضحكة وجهي اللي تذبح أشواقي و تحييها
لا ياخذك بيّ الظن والشكّ والريبه
وأنا أسمى من على هالدنيا مرّك
أنا اللي لو أحتالت دنيتك الغريبه
شرّعت حضني وقلت قلبي مقرّك
أحبك وأحبك لو هي علي ضريبه
مستعد أضم فيك خيرك وشرّك
الانسان لو قسّم حروب الحياة اقسام
درى ان اكبر الاقسام حربه مع ذاته
وش الوقت من دون العقارب ولا الارقام
وش العمر من دون الطموح ومتاهاته
ما فيه أصعب من الصبر وأثقل من الايام
على اللي ما حقق غايته والعمر فاته
يبي البارح اللي ما يبي شي من قدّام
ويبي بكرة اللي حاجته ما بعد جاته
حبيبي لو تضيق الارض وصدور العباد تضيق
يعز إنك علي مْن الزعل — تقطع مراسيلك
عليك أخاف من جرح الكلام ولوعة التدقيق
وأحنك من قساي ومن قسى الأيام وآوي لك
لك الله ماقدرت اسلا بعدك ولا قدرت أطيق
تفاصيل الحياة اللي مافيها من تفاصيلك