سـفـر

تعال ترى اللّيالي قصار والعُمر مره .

[سـفـر @e502g]

أنت ياشهر سبتمبر علومك ردية
جعلك فدا شهر شعبان ولا محرم

عندك إبداع في صنع الجروح الخفية
شف لي إبداع في نسيانها لو تكرم

[سـفـر @e502g]

وان جفت عروق المواصل وصديت
مانـي على الماضي كثيـر الحسايـف

سعد علوش

[سـفـر @e502g]

وما عاد تسعدني مغريات الايام
اشياء واجد في عيوني تساوت

[سـفـر @e502g]

سقت الغلا لك والنوايا مغاتير
ولاهمني حقد القلوب المغله

مدري صباح الخير ولا مساء الخير
مير الوكاد بوجهك الخير كلّه :)

- مطلق بن شويه

[سـفـر @e502g]

إن قصروا فيك .. سدينا ولا يهمك
وإن جو على هقوتك حنا انتعداها .

[سـفـر @e502g]

مجاهد النفس أقسى من جهاد الحياة
ما بين عقلٍ ثقيل , وما بين قلبٍ خضر

[سـفـر @e502g]

أدوج لحالي وأتضايق من أدنى الناس
ولا أداااني العربان كني محاربها »

[سـفـر @e502g]

تنجذب لي قسوة الايام وتشوف انجذابي
مثل ما يجذب عروق الصاعقه (راس المناره

من كثر ماعشت ف الضيقه وعايشت اكتئابي
صرت اذوق اللي يسمى مر .. ماحس بمراره

ماسلم من ضيق بقعا لارسول ولا صحابي
خل عاد اللي يجدد توبته .. تاره وتاره

كل ماصور خيالي حلم .. في مشهد ضبابي
شوش الواقع على التصوير وانقطعت لشاره

في رجا الله) .. ما ترجيت المجاند والجنابي
كل جهد الادمي من غير عون الله خساره

جعل ربي ما يبدي ذنبي .. ويترك ثوابي
كثر مابدي على نفسي ونفسي ف الصداره

كم قضينا حاجة المحتاج واللي فالمخابي
ما يطفي لمبة البنزين .. ويولع زقاره

[سـفـر @e502g]

على البال لك طاري ولك فالحشاشه بيت
على مستوى ماهوب مهجور ومهمّل

وانا بعد قدمت لك ربع ما سويت
قصوري دوام ودايم وأنت متجمّل

عسى الرايح اللي رعاده كنه ديناميت
يباشر مضارب ديرتك كل ما همّل

[سـفـر @e502g]

ياناعس الطرف طرفي مايعرف المبيت
وطواري الفقد دك الصدر طابورها

حاولت لين اقترفت من العنا واكتفيت
وشمس التفاوض حجب ليل العتب نورها

مراتع الوصل بعدك ممحله كمبليت
وذود الوله طول هجرك ساق مقهورها

روحي فمان الله ويكفيني اليا طريت
شردٍ يثمن ، تعبها ، صوت ، جمهورها )؛

[سـفـر @e502g]

كل ما اذكر من خذت قلبي قطوعه
واقتفاها النوم وعيوني قفتها

جوخة من متن ابو زيد مخلوعه
لو درت عنها السلاطين اسرقتها):

[سـفـر @e502g]

يامل قلب هيضـه شـوف بـراق
اليـا بدالـه كاشـف زاد شـوقـه

شفته وانا له باول الوسـم مشتـاق
سامر من القبلـه تلاعـج ابروقـه

اليا انكشف نوّه تشوفه لـه اطبـاق
متـرادم واقـدار ربـي تسـوقـه

عشرين يوم و( عرفجه ) له تزرناق
تلقى خضاره عامج بـه ازروقـه

[سـفـر @e502g]

البارح الطيف يسعى والطواري تطوف
والقلب تومي به الذكرى سوات العلم

اراجع الماضي وربكة عناق الكفوف
واجمل تفاصيله اللي كنت فيها ملم

لقيت بين السطور المبهمه والحروف
تلويحه ، ورحلة مسافر ، ودمعة قلم

تحمل بطون الرسايل في بطون الظروف
الضحكه اللي نهايتها بداية ألم )

[سـفـر @e502g]

اليا حضر يغني عن الكل وينوب
و إن غاب .. ما كلٍ يسد بمحله .

[سـفـر @e502g]

البارحه فى غبـة الوصـل سبـاح
واليوم من عرش المواصيل مخلـوع):

[سـفـر @e502g]

يحسب اني نسيته وانجلا همي وغربالي
واثرني مانسيت اللي سبأ بالهوى عانيه

وكل ماهب نسناس الغلا من ديار الغالي
هب في القلب من ريح الصبا عبرةٍ نجديه

[سـفـر @e502g]

والله أني له شفوق و كل يوم أحتريه
حاشم وده بـ قلبي و يبشر بسعده

يانسيم الصبّح بالله سلم لي عليه
عند وعدي كانه الحين ماخان وعده

ما عذلني في غرامه سوى هرج السفيه
جاهل جاله من الغيظ قومه و قْعَده

خابر قلبي على الودّ دايم يرتجيه
أنتظر وصله من الحين وبكره وبعده

[سـفـر @e502g]

لا تظن انك لحالك من الحزن مخنوق
كل نفس من غثى الوقت فيها قسمها

[سـفـر @e502g]

ان ضقت ياصدري بنطحك الهبوب
الين تبرد ضيقتك من غلها

عند الله الواحد تفاريج الكروب
والله على دق الهموم وجلها.