مرشد مطلق الفوزان

يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا

[مرشد مطلق الفوزان @e6o7u]

قصيدتي بـ ديرتي المستجدة .

[مرشد مطلق الفوزان @e6o7u]

@tkyv7 @ABN_FOZAN صح بدنككك

[مرشد مطلق الفوزان @e6o7u]

قصيدتي بـ ديرتي المستجدة .

[مرشد مطلق الفوزان @e6o7u]

بني تمـيم مخـضبين السهامي
من شرق مطلعها اليا ضلع رمان

هـامة مضر وعـلوها والسنامي
قـبـايلٍ عند الوغا شانها شـان

خيالة الصمله روات الضوامي
حـمايـةٍ لـ دين من كل فـتـان

نـواصـرٍ عـوق العداء والزحامي
جلايةٍ لـ الضيق من صلب حمران

[مرشد مطلق الفوزان @e6o7u]

@tkyv7 صح بدنك

[مرشد مطلق الفوزان @e6o7u]

واشيب عيني من حبيبٍ تولاه
طير مسايير النعس من جفوني

حارب تفاكيري وشتت بقاياه
ورخص معاريف الغلا في عيوني

وا عمري الي راح وانا اتحضاه
كم نايفه نزحتها من جنوني

واتلا حياتي في شديد المعاناه
هانت عليه وياعسى مايهوني

نواصري لو بنتخي في دهاياه
اهل الفزع وموسعين الطعوني

ردوه رد الترك عن ما تحداه
يومه بغضاء غياضها فرض عوني

لاكني اكبر من تعلي شكاياه
واكبر من الخيبه وبعض الظنوني

من راح راح ومافقدته بتلقاه
وماراد ربك في عباده يكوني

[مرشد مطلق الفوزان @e6o7u]

@tkyv7 ياسلامم صح السانك

[مرشد مطلق الفوزان @e6o7u]

ياعذاب الي مع الحب جا فيه انفصام
عن هوا حب المقفين مالد وسلا

لو يتوب الي عن الذنب تاب من الحرام
مايتوب القلب عن حب مسكوب الحلا

شايلٍ عنك المشاريه وسهوم الكلام
تلحقك شرهات الاجواد ويقول جهلا

لا عطاك الله محبة رفيعين المقام
وش يردك لا تجملت في طب البلا

عاشقك حط المقابيل عذرً للعوام
مايرده عن هوا البال هراج الملا

شايفٍ في حبك النور لو صلك ظلام
مرخصٍ حقه من الوقت وانتي في غلا

ماعلى المشتاق لا ضاق مشروه وملام
مونس الحرمان، والليل، والخط، زملا

[مرشد مطلق الفوزان @e6o7u]

من فوق متن ميتمات الوراعين
عوق العداء لا عج دخان الوغا

سواقها سمي سعوط المجانين
خيالها لا صار بالدعوه طغا

[مرشد مطلق الفوزان @e6o7u]

الي تشوف عيوننا من تفاهات
ماعاد تاسعها مساحات الصدر

على الاوادم كود حسب الحسابات
بالموقف الغصاب مايخلق عذر

المواقف هي خريف العلاقات
يطيح منها مابقى ف الشجر

[مرشد مطلق الفوزان @e6o7u]

@tkyv7 ياسلامم صح الله السانك 👏🏻.

[مرشد مطلق الفوزان @e6o7u]

لا يهون شعورنا لاهنتي
كلشيً فيك ياروحي وذا

انا بوجهك ياعظيمه وانتي
لعنبوك الحب ماحسبه كذا

[مرشد مطلق الفوزان @e6o7u]

من عقب ذا ياعين ماني بباكيه
من يبكي المقفي بكاه الزهيدي

الي يبينا يافتى الجود نبغيه
ومن عافنا عفناه والله شهيدي

الله على الي تو زانت مساريه
مصممٍ يقصر عليك البعيدي

جيبٍ على الحره تجيبه وتديه
مع سجة الهاجس وطرد الشريدي

يلاعب الغربي ويطرد ذعاذيه
في خايعٍ نبته على الارض عيدي

قم هات قمقومٍ سناء النار تكويه
متميزٍ شكله بريح العويدي

ونجرٍ بعيد الدرب لا لج يدعيه
ماهو بحاجة قوقلٍ للوعيدي

وزله على الي ماذكر به مشاريه
صفر الدلال وعزبةٍ لـ سنيدي

رسلانة الانساب ماصاغها بيه
فنجالها يجلى عماس العبيدي

مع خوة الي لا زهمته يلبيه
زيزوم حلال الامور العنيدي

مثل الحصان ولا فزع ماتوصيه
بدين شيخ وبالمراجل عقيدي

[مرشد مطلق الفوزان @e6o7u]

@ABN_FOZAN حي نباك صح بدنك طال عمرك

[مرشد مطلق الفوزان @e6o7u]

عن مركب العشاق وهبوب الرحيل
عن موجة الهوجاس في سر وجهر

من يعرف الزعاق يعطيه الدليل
عن واقع المشتاق وعتاب السهر

دايم ترا العشاق في ليلٍ طويل
اليوم في سلم الحبايب عن شهر

[مرشد مطلق الفوزان @e6o7u]

@SAHAB_l1 صح بدنك طال عمرك
وانت ماعليك زود
هذا جدي عبدالله الفيصل
الله يرحمه ويستاهل النعم
❤️❤️

[مرشد مطلق الفوزان @e6o7u]

من صيهد المقروح جبت النادرات من البكار
وضحً يشادي صفها سلسال في عنق طخما

عسفت زمله عسف مركوب المطايا والمهار
حضرتها للفوز في ناموس مصيون النما

عودً يدير احاول خلق الله وماجوب الحرار
وزير شون المسلمين الي عن الدين يحما

له يستشار الراي الامثل والحقيقة والخيار
له عن بعيد الشكّ فعلٍ ينزح نجوم السماء

عبدالله الفيصل زبون الي لحق وقته هيار
مع جرته من وين ماوجهت معروفً طما

جدي عسى له دار فَ الجنة وفَ الفردوس دار
يمناه بيرً تسقي العطشان وتكب الضما

[مرشد مطلق الفوزان @e6o7u]

@Rsheid_Alfawzan صح بدنك الله يجزاك خير

[مرشد مطلق الفوزان @e6o7u]

@abdulaziz_f1231 الله يجزاك خير وصح بدنك ❤️

[مرشد مطلق الفوزان @e6o7u]

@1_SLMY الله يجزاك خير ❤️