🐆

محطة تفريغ مشاعر ...

[🐆 @e_7o2]

استغفرالله العظيم واتوب اليه ❤️

[🐆 @e_7o2]

طبعي تغيّر و صرت الساكت الهادي
من جاء رحّبت به و من راح ودّعته

[🐆 @e_7o2]

دنياك لو شانت تراها مقادير
مافي يدينك … غير حلم وقناعه

واللي انكتب رحمه ، وخيره، وتدبير
واللي مضى مايعود منه لو ساعه

وأصبر على المقسوم لو فيه تقصير
اما تزين ، او جعلها …. للقلاعه

[🐆 @e_7o2]

ياخاطري لأباح صبرك ومليت
مالك عن المقسوم صده وحيله

ان زان حظك جاب لك ماتمنيت
وان شان خلا الهينه مستحيله

[🐆 @e_7o2]

صباح الخير
سعد بن جدلان
يقدّم نصيحه الصباح ويقول/

« عشان أحلامك ابذل أضعاف الجهود
وباب الأمل بين المحانّي شرّعه

لا تنظر لماضيّك لانه لا يعود
فكّر بحاضرك .. الجديد وسنّعه »

[🐆 @e_7o2]

صباح الخير

[🐆 @e_7o2]

- أنت حبك يالغضي كنه قهوة
مرةٍ ماعافهااااا شرَّابها ❣️.

[🐆 @e_7o2]

« تمّر خطواتك على البال الشحوب
مع كل هبة نود . . و قناد قهوه »

[🐆 @e_7o2]

دنياك لو تبتسم لك لا تطيربها
طبع الزمن دايمن بقفاي وقبالي

لو تشرب اليوم من صافي مشاربها
بكره تحدك على الغربال والصالي

[🐆 @e_7o2]

لايغرك صبري الزايد عليك
لا تزيد اهمال والله لاتركك.

لا تبيع القلب دامه مشتريك ؟
ولا تحسب ان التغلي ينفعك ؟

[🐆 @e_7o2]

صافي العسل سايلٍ بشفاك
وعيونك ( السود ) قتاله

ياويل قلبي بعد فرقاك
قصيت قلبي من حباله

ياشيب عيني على لاماك
شفت الهوى منك واهواله

[🐆 @e_7o2]

لو تعتذر لاعاد رقمي تحرااه
من باعني بعته سوات البضاعه

انا عزيز النفس والذل ماارضاه
لو كان قلبي صالي الشوق لاعه

[🐆 @e_7o2]

غرد وشارك هل التغريد
ولاشفت راعي الحسد طوفه

انت استفيد العلوم وفيد
واضرب هل الحقد بالطوفه

[🐆 @e_7o2]

وين انت ياصاحبي غطيت
ابطى جوابك ولا جاني
خليتني بين حي وميت
ماكان ظني تناساني
تراك وان رحت ولا جيت
غلاك ثابت بوجداني
لكن عليك العتب لاابطيت
تعرف مكاني وعنواني

[🐆 @e_7o2]

العين ياعين المها دمعها جف
والبعد من بين المواليف وقاد

عيني دهرها بالسهر لفها لف
عزي لعينن ماتهنا بمرقاد

ياشيب عيني واصفق الكف بالكف
ليت الليالي لو تسجل وتنعاد

[🐆 @e_7o2]

لا تشغل البال واصبر واتكل بالله
حنا تحت رحمته في حكم تدبيرة

من يلتجي للولي ماخاب عزالله
يبدل الحال في غمضه وتبصيرة

ترا ليال الشدايد والشقى كله
مهما كبر حجمها عند اللّٰه صغيرة

[🐆 @e_7o2]

عسى من صار بالفرقا سبايب
يحير الطب مايلقى علاجه

[🐆 @e_7o2]

لا تحسب ان الليالي وضعها دايم
يبدل اللّٰه حال العبد في ساعه

اللي كتب رزقنا هو رازق الحايم
هو خالق الكون مصيافه ومرباعه

اصبر لو ان الليالي وضعها غايم
بكرة تشوف الفرج ويرفرف شراعه

[🐆 @e_7o2]

والله اني على فرقاك ماني بقاوي
لو اكابر واقول الشوق راحت اسنينه

حالي اللي سبب فرقاك طاويه طاوي
مات وصلك ولكن عاش فيني حنينه

الرسايل ومضمون الصور والغناوي
باقيه وسط قلبي ماتحرر سجينه

[🐆 @e_7o2]

«الدايم الله، وكل شمس تاليها غروب»..

[🐆 @e_7o2]

« لا تجلاّ نور وجهك النيّر بعرض النهار
كن شروق الشمس ينعاد مره ثانيه » 🤍