تالي نهار وعاتق الشمس مذبوح
والوقت لو تدرين للوقت ذباح
كن السما صوتٍ من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
ً
حبوك يوم المشكله مالها حل
وذموك يوم أمست معاك محلوله
جنايزٍ منها السوالف خذ وخل
مدفونه لكن ماهيب مغسوله
مانيب قايل ليه صار الغلا غل
الحسد ما غيّب عن الأرض زوله
محرقهم إنك صاير الكل بالكل
وإنك قدرت تسوي اللي تقوله
"أمر اللهُ من سعة يا انسان"
وقيل وفي سياقٍ اخر
دنياك لو شانت تراها مقادير
ما في يدينك .. غير حلم وقناعة
واللي انكتب رحمة، وخيره، وتدبير
واللي مضى ما يعود منه لو ساعه
وأصبر على المقسوم لو فيه تقصير
إما تزين ، أو جعلها .. للقلاعه