سعيد بن معطاء

{وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ}

[سعيد بن معطاء @ebnmata]

يازين عاما يوم ماعندنا ضروف
ولا السنه هاذي دفـعنا ثمنهـا

[فهد قطنان @Fahad_Qatnan]

"المجنون شخصياً"

[سعود بن مبارك @Saud_almshly_]

في مايزعزع قيمة النفس و السمت
لاتسبر أغـوار الوجـع يا ( رفيقي )

تمرضني الكلمة و يشفيني الصمت
الصمت هو كل ( الكلام الحقيقي )

[سعيد بن معطاء @ebnmata]

الحب من زود المحبه كرهناه
و ماعاد في ايدين المحبين حيله
من يوم مات الشاعر الي فقدناه
الي طوت حــاله وعمره جميله

👇🏻👇🏻

[جمال بندر @JamalBander]

الشعر مات وربعي الشعار باقي عايشين
ليته يعيش ويذبح من الربع خمسة وعشره
.
ان قلت للي يبدع الابيات عطنا شي زين
قال القريحة يا ولد بندر ماهي حلب بقره
.
مدري من الحرب الضروس اللي لها حول اشهرين
ولا ازملانا طايحين بشي محدٍ يخبره
.
مير الاكيد ان الجماهير الغفيرة.. محترين
نوادر الشعار وابيات القصيد المبهره
.
ما نعذر الا الشاعر اللي في رقبته حرمتين
اليا جلس مع ذيك تطلب ذيك صوته واصوره

[سعيد بن معطاء @ebnmata]

@SydneyCols74030 وجهك ابيض ياسند والجزاله كلامك الطيب ، الله يرحم والديك ويقبل دعاك ويغفر لابن جدلان ويسكنه الفردوس الأعلى 🤲🏻

[سعيد بن معطاء @ebnmata]

الحب من زود المحبه كرهناه
و ماعاد في ايدين المحبين حيله
من يوم مات الشاعر الي فقدناه
الي طوت حــاله وعمره جميله

👇🏻👇🏻

[سعيد بن معطاء @ebnmata]

@medina_tar28484 وانت سالم وغانم ولاعليك زود يامشبب

[سعيد بن معطاء @ebnmata]

@ftnbdllh3 😱😱

الله يصح بدنك

[سعيد بن معطاء @ebnmata]

@JosieWarwi43377 الله يصح بدنك والابداع اعجابك وكلامك الطيب

[سعيد بن معطاء @ebnmata]

الي بقوله قبل لااروح وتروح
اللُطف غاب وشمس الاحباب غابت
وانا دخيل الله من ابليس والروح
ومن هقوةٍ في تالي العمر خابت

👇🏻

[عبدالله بن دايس @QAbdullhsaad]

"
سبل التواصل !

[خالد مبارك @khladmbark505]

الرجال معروفه

[عبدالله بن دايس @QAbdullhsaad]

صباح الخير "

[جرّاح العتيبي @AL___9999]

الطيبه الزايده تفتح على الشخص باب
ما ينكب الشخص غير الطيبه الزايده

سوّ الجمايل مع اللي كل ماطبت طاب
وأبعد عن اللي مزاجه لازم تصايده

و اتعب ورى المرجله والصبر خله زهاب
لا تصدق اللي يقول المرجله كايده

وان شفت مالك حضور اختار درب الغياب
أطيب لك من الحضور اللي بلا الفايده :)

[واحد/محترم @1_mohtrm]

فالطوال الي شمالي مزرعة نـوّاره
مرحبا واغلا الليالي كلها وابركها

الغلا الي كانزه فالقلب فك ازراره
والدموع ان وايقت صوبي فلا تمسكها

لاتحسب ان كل ليله بـ يتهـيّا زياره
فرصة العمر الوحيده لازمً ندركها

السعد لا شعشع بنوره وفـك استاره
انشر خيام الشفوف وذرها واسمكها

خلنا نجرب شعور الي على طياره
المشاعر نفحة النود العذي يربكها

الغلا صوته يشابه صوت (سقس خياره )
لا اشتغل دكّت مطايا الشوق من مبركها

رش كبدي بالعذوبة دامها مدراره
واتعب ارواح المحبة فالغلا وانهكها

الجمال الباذخ اللي تلبسين شعاره
ما وجد فـ الخلق مسلمها ولا مشركها

غالي يحفظ لي اسراري واحفظ اسراره
ماتصنّع لهفة العاشق ولا فبركها

كل ماحرك يديه الناعمه واخماره
كنه يحرك عراوي القلب لا حركها

العيون الي لـ غرات العرب سبًـاره
لا لقت فرصه على الخلان ماتتركها

ماعلانا من هروج العالم الهذاره
تنشغل فسنابها عنّا وفي تكتكها

شاعرك طوّر من افكار القصيد افكاره
يتفرد في البيوت وفكرته يحبكها

[صالح النشيرا @saleh_neshaira]

نحفظ حقوقنا وان صارت الدعوى على المكشوف
هذا .. وقت .. الحميّه .. والتحام الصف والخوّه

على راسه لابد تحوم عوباً ضامرة سرجووف
عليها .. كل زادٍ .. فيه ملح .. وتلتهب ضوّه

#كلنا_قطر

‍ #السعودية_مع_قطر_بلا_حد

[محسن بن مترك @aprvip]

مال الظلال ومال غصن المواعيد
وهبّت من الضيقه هبوب الطواري

بين الوله والتضحيه والمناقيد
وبين السلوم وبين رجم العزاري

اسرج مهار مجليّات الاواليد
واكرب بطان منزحات المثاري

متنطح ٍ غربية تكنس البيد
مدقالها يمسح جداد الاثاري

كني وانا ارتب سمان المواريد
ارتب بروفة قرار وزاري

بانت على وجه الطموح التجاعيد
وطالت مشاويري وطال انتظاري

ترفا خمالي سطوة تقسم الحيد
وتستر معاناتي ثياب انتصاري

اغض طرفي عن ثقوب المقاصيد
مثل ما اغض الطرف عن باب جاري

ودي تمثناني بنات البواريد
ولا يشوفون الرجال انكساري

شحّت على كبود الورود المواريد
وانحّت زاهر يانعات الخباري

صرت اتجنب شطر عليا وابو زيد
لا اجل اتفادى الموقف الاختياري

لو ضايقو لعيبت ريال مدريد
مطردين كوّرهم فالحواري

تبقى الكبار كبار معنى وتإكيد
رغم التمادي والسلوب النزاري

السوق صاير جمله بدون تفريد
وايقونته صورة طيور الكناري )؛

[محمد بن نعمي @mohdnemi]

ما مضى يفداك بالهجري و بالميلادي
والشهر و العام من آبي إلى تشريني

يمميني .. لا متى و أنا المحب الغادي
فِـ الحرير المنسدل والفارع العشريني

لو تشوفين الحبايب كل يوم تنادي
بعتهم لعيونك الثنتين ، بس اشريني

[جرّاح العتيبي @AL___9999]

ياصاحبي طلعني حدود الإرسال
مدام قاف الشعر طوّل سكوته

كم لي وأنا من زحمة المجتمع مال
الفكر شارد و الطواري تشوته

الشعر عند اللي فقد راحة البال
روتين أساسي مثل شربه و قوته

و اليا تعرّض للضياع و للإهمال
شحت محاريفه وشانت بيوته

انا الحزين اللي يغنّي لـ الأطلال
قصيدة عقاب العواجي و نوته

الوقت يلغي حلم و يحطّم امال
وقد ذقّت من حلوه و من عنزروته

لا تنشد العاشق اليا حب وش نال
لا صار حرص و كل فرصه تفوته

تلقاه دايم حالته حالة الذال
اللي نجاء من بعد ما شاف موته

قلبي رهين النظره و حبّة الخال
اللي تعلّت بين تينه و توته

الغالي اللي في خيالي ولا زال
يعلن على عرش المحبّه ثبوته

غاب و تركني لـ السهر وأشهب اللال
وابطيت ماشفته ولا أوحيت صوته :)

[سعيد بن معطاء @ebnmata]

هنوفٍ رضاها من معزي ليا سلمان
عليه الغضب من ربي الي بيغضبها