🫀 بتا؏ الاحياء 🫀

23/1/2025 💎
salma 🖤
15/7/2026

[🫀 بتا؏ الاحياء 🫀 @Ebrahimafifi7]

تسمحولي!♥️

[Tamer Abdo Amin @tamerabdoamin]

ربنا يصعّبها على كل واحد بيصعّب السهل على غيره.

[Tamer Abdo Amin @tamerabdoamin]

● العطاء مش إنك تسد خانة أو تعمل واجب لكن إنك تمنح اللي قدامك الإحساس بقيمته، وتخليه يحس إنه متشاف ومُقدر..

يمكن مش كلنا نملك نغير العالم، بس الأكيد إن كل واحد فينا يملك يغير عالم شخص تاني بالكامل؛ بلفتة، بكلمة، أو بوقت نقتطعه من زحمة يومنا عشان نقول للي حوالينا إحنا معاكم..

الدنيا بتفضل بخير طول ما فيها قلوب بتقرر تكون هي "العوض" في حكاية حد تاني.

● تكملة المقال رقم 389: ("بيف ستروجانوف بالإنسانية") على موقع القاهرة 24 في أول تعليق.. مع التحية.

#تامر_عبده_أمين

[Tamer Abdo Amin @tamerabdoamin]

شوف مصلحتك عشان غيرك لما شافوا مصلحتهم ماكانوش شايفينك.

[Tamer Abdo Amin @tamerabdoamin]

الدنيا علمتنا إن مش هيتكلم عليك من وراك إلا الناس اللي وراك فعلاً في المكان، والمكانة، والكفاءة..

مش هيغير منك إلا اللي بيتمنى يكون زيك ومش عارف.. مش هيشوه سمعتك قدام الكل غير اللي نفسه يكون عنده ربع السمعة دي..

دي بديهيات.. مش هيعيب فيك إلا المعيوب، وكلام المعيوب مش محسوب.

[Tamer Abdo Amin @tamerabdoamin]

تفاصيل صغيرة بتتعمل بخبث، وبتحصل بسرعة بتكشف اللي في قلوب الناس.

[Tamer Abdo Amin @tamerabdoamin]

● الكلام مفيش أسهل منه، وكلنا على البر بنعرف نعوم ونرص مبادئ ومواعظ..

بس الحقيقة إن المعادن مبتتفرزش غير في النار، الموقف الصعب هو الفلتر الوحيد اللي بيكشفك قدام نفسك قبل الناس.. هو اللي بيفصل بين الأخلاق الحقيقية اللي ��تربي عليها، وبين الأخلاق اللي بترسمها عشان تعجب اللي حواليك..

بطولتك بجد مش في صورتك الحلوة وسط اللمة، بطولتك في لحظة الاختيار اللي بتكون فيها لوحدك ومفيش رقيب عليك غير ربنا..

الأزمات هي اللي بتبين أصل معدنك، ومعادن الناس.. يا إما دهب بيلمع أكتر مع الضغط، يا إما قشرة بتطير مع أول هزة ونفخة.

● تكملة المقال رقم 386: (“الدنيا لسه بخير") على موقع القاهرة 24 في أول تعليق.. مع التحية.

#تامر_عبده_أمين

[Tamer Abdo Amin @tamerabdoamin]

هترتاح لما تفهم إن محدش هيتنفس هواك، ولا فيه حد هيخطف منك لقمة مكتوبالك لو قررت تمد إيدك وتفتح سكة لغيرك..

اللي بيسهلها على غيره ربنا بيسهلها عليه في كل أمور حياته، واللي بيصعبها على غيره عمره ما هيشوف خير ولو وقف فوق راسه.

[Tamer Abdo Amin @tamerabdoamin]

ماتستغربش من الناس ولا من تقلباتهم، ولا من دقات نقصهم، ولا من قلة أصلهم.. اللي يعيش ياما هيشوف..

خليك مس��وعب إن كل شيء متوقع، وإن مفيش ثوابت لإن مش الكل اتربوا نفس تربيتك، ولا عندهم نفس قناعاتك، ولا يعرفوا الفرق بين اللي يصح واللي مايصحش..

محدش بيتعلم ببلاش، وشوية الصدمات والوجع اللي جه بعدهم كانوا ضروريين عشان تتعلم.. ضريبة النضج هي إنعدام الدهشة.

[Tamer Abdo Amin @tamerabdoamin]

● بيموت الإنسان وبتفض�� بعده سيرته الحلوة، ومحبة الناس له، ولطفه معاهم.. السيرة هي العُمر التاني، والمحظوظ بجد هو اللي يودع الدنيا ويس��ب وراه قلوب تدعيله.. وجودنا على وش الدنيا مش بيتقاس بعدد السنين اللي عشناها، لكن بحجم الأثر اللي هنسيبه في اللي حوالينا.. حكايتك مش بتنتهي بمجرد غيابك.

● تكملة المقال رقم 384: (“لينا سيرة") على موقع القاهرة 24 في أول تعليق.. مع التحية.

#تامر_عبده_أمين

[المُصْحَف @AlMosahf]

ورد الأربعاء