دايم نجي فوق هقوة من هقى فينا
و الوقفة اللي تسرّ العين سقناها
شلنا الحمول الثقيلـه ما تراخينا
لا عجّزتنا و لا ضقنا من اقصاها
ما والله اثـقـل عـلينـا مـن أَسامينا
و من فضل ربي حميناها و شلناها
احمد الله ما بقالي على الدنيا حسوف
الفرح يلقى شكر و الحزن دفعة بلا
الليالي علمتني وأنا طبعي عيوف
أرتجي رب الملا ما ترجّيت الملا
والله إني ما تضيعف مع الناس الضعوف
أقفي ليا صار مالي لا قبول ولا غلا
أعوذ بك ربِّي من الخوف ومن الوسواس
ومن حاجةٍ مالي بها قوّه ولا حيله
فيك الرِّجى ما خاب يارب الفلق والنَّاس
ومنك الأمل ما مات لا لحظه ولا ليله
أنت اليقين اللي قطع حبل الجزع واليأس
وأنت الأمان اللي بخوفي دايم أشكي له