,,

[,, @eeecrr]

أبي أتذرى بفروته

[,, @eeecrr]

أنا والله انّ البسمه اللي تمر شفاكْ
ادوّر عليها .. ( كنّي ادور أنفاسي ) !

ناصر مناحي

[,, @eeecrr]

شاعري اليوم أصبّح من عقب حبي طروب
يكتب جزّال القصايد بـ حسني ويعلقها على

جيدي المنتوق اللّي بأسبابه ضلوعه تذوب
مثل مايذوب الحديد من النار بيدين جهلى

[,, @eeecrr]

مع أن عودك اللي مايحاليه عود الراك
يجرحّه ذعذاع الهبايب لو يْمرّه

لو أن فـ القدود المايسه قدّك وشرواك
مارحت أتفانى فيك واقص لك جرّه

عليك القصيد يْسوق قافه بدون إدراك
من أسفل قدمك لغرّتك حفل مغترّه

مسافة نحرك الترف يالمترف الشكّاك
مسيرً يشقّي من مشى فيه ويغرّه . .

[,, @eeecrr]

يابنت الكبار اللي لهم بالجزيره دور
من أبسط حقوقك لو تكونين منغرّه!

وريثة شداد وفيك ما يثري الجمهور
شفاياك معسوله و وجنتك محمرّه

مسافة قصيدي فيك يالجادل الغندور
من العنق للسلسال لـ العين لـ الغرّه

فالح بن غشام

[,, @eeecrr]

خلاص توبه ماعاد أعكر لش مزاج
أثر زعلش يلحق الدنيا كدر ؟

البارحة زعلتش وجانا عجاج
واليوم راضيتش .. و جانا مـطر

[,, @eeecrr]

وصفك ما يعرف حدود ولا يحدد مداه
موت حمر وابتداية مولد و قرب آجل

ياروح روحي يا جرح الروح مدري دواه
أنتي كثيره و غيرك مع كثيرك اقل

أنتي صباح العمر بالعمر وانتي مساه
أنتي علاج الكآبه و الحزن و الملل

ترى المواصِل أجر وأحلى طعم للحياه
حلو المحبه ع ملح الرضا و الزعل

جزاء الغيداني

[,, @eeecrr]

عسى مضاريب القصيد اللي تقلط فالنحور
فدا العنود اللي يحق لها التغنّج و الدلع

فيها من الصيّب ليا من صبّه الوسم البكور
و الريم لا منّه جفل— و الطير لا منّه شلع

خلوني الاعب مفاتنها قدى ولا دبور
و أعيش عيشة مستهيم إذا طفى و إذا ولع

[,, @eeecrr]

كلها في جادلٍ مصبوبةٍ منتوقه

[,, @eeecrr]

ياشماغ الشوق وثياب الغلا
وبنوقه
ويا ذعاذيع الهووووى والهيل والعويدي

[,, @eeecrr]

دخلتي عليه من أصدق الحب والإعجاب
وتربعتي وشـختي عليه .. و تمكنتي

تخون الرجال الموقف الصادق الغصاب
و على عزك بمجدٍ زهيتيه ما خنتي

تشين الظروف وتفجع الخايف المرتاب
لك الله لو شانت ظروفي! فلا شنتي

تمر السنين و تجتول و القلوب تهاب
وتبقين فـ العمر المحدد مثل ما انتي

فهد آل صبيح

[,, @eeecrr]

لا مشيتي من غرور و كبرياء لاهنتي
أنظري
لـ العاذلين " النظرة الفوقيه "

ناصر بن مفلح

[,, @eeecrr]

فارعٍ فيها من الحسن ما لذ وطاب
يتزين في مظـاليلها الخرس الكحل

فكّت أبواب المحبه بـ قلبي باب باب
وجيشها اجتاح المحاني وسيطر وأستحل

تابعً جرّة هواها مثل تبع السراب
هو يحل اتبع هوى الغيد ولا ما يحل؟

سلمهي لي وأبشري والله بـ رد الجواب
أنتي عيونك قصيدة وأنا شاعر فحل

محمد العذبه

[,, @eeecrr]

أمرّك و أنا مستبعدٍ فكرة المعواد
و يغلب علي وجه الشبه بينك و بينه

يا غاية مراد اللي يشوفك أحق مراد
و الأحق في بسمة شفاته و ماء عينه

ملكني غرامك لين صرت أملك أستعداد
أناصر ضحايا الحب و أفهم مجانينه

[,, @eeecrr]

« من حبها كنّ ما خلق غيري على الدنيا شجاع
لو دربها جمرة وطتها الرجل ما حسبتها

أسوق عمري في رجاها لو تعشاني السباع
أهم شي أشوف شارعها، ولفة بيتها

إن كان حي صار ضيعه قلت يا حلو الضياع
لا والله إلا ضاعوا العالم — وأنا دليتها »

حمد المري

[,, @eeecrr]

جعلني فدوة مليكة ملكات الجمال
لو يقومون الغنادير ولا يقعدون

أنتي ولله الغزل اللي ليا قالوا غـزال
وأنتي ولله الفتون اللي ليا قالوا فتـون

كل مالديتي عينك وقلتي لي تـعال
جيت وأنا أفكر شلون أوادعها ؟ شلووون

لهفتي على مواصلك شيٍ من الخيال
وقدرتي على موادعك ! شي من الجنون

[,, @eeecrr]

يا الله بـ يومٍ عن الأيام بأكملها
يشرق مع إشراق شمسه عمري المشرق

يعوضني عن شقا سنيني من أولها
بالرزق والعافية ،، و الجادل الأطرق

سلطان الحوالي

[,, @eeecrr]

حبيبي جعل باقي للسنين
الماضية معواد
لو انها فكرةٍ في حاضرك ماهيب مطروقه

إذا انّه يزعجك بيت القصيد
الدارج المعتاد
أنا أكثر من يشوف إن الشعر حقٍ من حقوقه

خذ اللي ودك انك تاخذه ،،
وأنا على إستعداد
أجيب الضحكة اللي من يدين الحزن مسروقه

[,, @eeecrr]

الشفايا والعيون وشعرك المنسابي
والنحر تتعب فنون الوصف ما صورته

كل ما وجّهت يمي جيت لك متصابي
وكل ما قفيت مني خافقي طيّرته

بس أبيك أن غبت عن عينك تحفظ غيابي
شـوفني شي تمنيته ولا حضرته

مثّل ماشوفك تجي بين الجسد وثيـابي
في ثيابي شوف وشلون الجسد خاشرته . .

[,, @eeecrr]

جعل عذبات القصايد مداوية الكبود
فدوة الرمش الجري و الحجاج المنتبه

أحفظي مبخوت الأبيات في طابوق عود
و لا خلّيها على الصدر سلسال رقبة

أعشقك و أدرى خطاويك من هرج النقود
و الطريق الملتوي و الكلام المشتبه

جعل دارٍ فيه طرياك حنّان الرعود
الربيع يفاوله و السحايب تسكبه

منيف الجراش