يفز قلبي كل ما تابعني حساب جديد
و أدخل عليه أربه المطلوب و أرجع في كمد
أما طلع من بيشه و شهراني و راعي قصيد
و إلا طلع مري و من دولة قطر أسمه حمد :)
_ خالد مبارك
يا مليح أنت شي و بسمتك شي ثاني
في محلك و قلبي تخطفه من محلّه
ابتسامتك ما تستغرق ٤ ثواني
بسّ تأثيرها يغرقني العمر كلّه :)
_ حزمي سعد ملك الفلاشات فالابيات
يا بو جزا لا تصحّي الجرح لا نام
حبل الوصل ما عاد ينفع معه ربط
حنّا مانحسب للفراق بشكل عام
لين نتساوى للعقارب و للشبط
_ فهد قطنان
ذكرتني حضنٍ تعزّبته العام
لا جيته أرجف رحت عرقاني خبط
للعيطموس اللي هدب عينها سام
و طول رقبتها خمس بوسات بالضبط :)
_ عبدالرحمن جزا
ماجيت أسمعك الكلام اللي تبيه
جيت اودع الذكرى القديمة فـ اللحدّ
خل الكلام الحاد والرأي الوجيه
يمكن يكون الأعتراف أقسى و أحدّ
ماكنت وجه وبس من ضمن الوجيه
إنسان عاهدني على شي و جحد
أنت الشعور اللي ماقدّ حسيت فيه
وأنت الكلام اللي ماقد قلته لـ أحد