َ

[َ @eislll]

اللهم إني لا اعلم متى يحين موعّد رجوعي إليك اللهم احسن خاتمتي ولا تأخذني من هذه الدنيا إلا وأنت راضي عني يارب

[َ @eislll]

معك كم تمنيت الدقايق تكون شهور
دقيقة معك عن كل ما فات من عمري

عطيني وعد لو كذب يشعل بصيص النور
وإذا قلت : وينه ؟ ماطلي فيه وأعتذري

أحبك وأشوف إن العمر في مداك يدور
حنيني على لقياك ما يسعفه صبري

عسى الليلة اللي تفرش أحلامنا بالدور
سماها يتوه الفجر عنها ولا تسري

[َ @eislll]

أفضل لاعب بالعالم

[َ @eislll]

ما اقدر اخليك كلك واستبيح امري
محدٍ ترك ( جل ) ما لا يدركه كله
- سعود مهدي

[َ @eislll]

سبى مهجتي خشف ٍ دعاني وأنا لبيّت
على شوف وجهه وجهي الشوق يعتصره

رمى النار فوق أشواقي وزاد ناره زيت
غدى القلب عرشه والحنايا غدت قصره

هزمني هواه وساد روحي ولا عيّيت
هنا بس كانت كل الأطراف منتصرة

ثبت في الحشاء حبه ثبوت العمد في البيت
مثل ما ثبت سلسال جيده على خصره

- سعود مهدي

[َ @eislll]

كل خطواتي طواريك انا مالي مكان
ذكرياتك فوق قلبي تغني واتعزف
ِ
ما نبت في الجفن رفّة ولا في القلب امان
لين صرت ادوّر الشوف تدوير الصدف
ِ
صرت انا والضحك عقبك على طول الزمان
الفقير اللي ليا جاته المدّه .. حلف

- ناصر مناحي

[َ @eislll]

اكسري باس العناد اللي براسك يا عنيده
وأطرقي باب الوصال وقفلي باب التمادي
- محسن بن مترك

[َ @eislll]

فيك العوض ياجايّات المقابيل
لانوّخت بيض الليال الركايب

داخلةٍ بوجهي من ضعيف وبخيل
ومن لاحمد ربه كبار الوهايب

بكفوفها شايلةٍ الجدي وسهيل
واطلب تجد منت بهقاويك خايب

والله لأذوّقها عيال الرياجيل
وأرد عنها اللي على الذل شايب

وأسقي بها وادٍ هجر بطنه السيل
وأرجع اللي قبل عامين غايب

[َ @eislll]

العذر مايبري الجرح ،، لو انّه فصيح
والجواب احيان ! مايملي عيون السؤال

من متى ! والجارح يحس بأحساس الجريح ؟
لاتخاف اجرح فديتك ،، وجرحك راس مال

صبح ! ما انت بـ فيه مُظلم ، وفي نوره شحيح
و شمس ! ماتشرق بـ زولك ،، عساها للـ زوال

[َ @eislll]

خل العوابه منك ياسيد الغيد
ذبحت قلبي بالدلع ، خاف ربك

لاتقول احبك ، وانت واقف من بعيد
تعال بين احضاني وقول احبك

[َ @eislll]

عيّدي يا مذهبة عقل الهواوي
وانزلي قصر ٍ نظيره ما تشيّد

وقفّي بين الهقاوي والمناوي
واتركيني لا طليق ولا مقيّد

سيّدة الأسود والأبيض والسماوي
أيّ لون انتي اخترتيه ؟ يتسيّد

مبسمك صبح ٍ على الأحداق ضاوي
من يشاهد ثغرك الوضّاح عيّد

[َ @eislll]

اللهم اجعلنا ممّن لهم نصيب في دعاء يوم عرفة واشملنا بعفوك ومغفرتك واجعلنا ممّن نظرت لهم فرضيتَ عنهم

[َ @eislll]

و كثر ما كنت أصله و اعتني فيه
أحزني .. الله " لا يكثر " حزونه

عمري على أناديه ويقول " لبيه "
شفق على حكيه وضحكته سنونه

أرسل قصيدي فيه و أحاول أرضيه
و يأجعل يسقى لا أستهلت مزونه

- سعد السبوق

[َ @eislll]

يالعيون اللي تخلْط الحرام مع الحلال
أمهليني .. لين ما أصب عذري في يديك

أنا يوم أشحّ في وصفك الجبار .. ذال
لا تصوّرك الجماهير وتسلم عليك

ولا أنا ياوجد روحي على هاك القبال
وجد من يضمى على شوفك ولا يرتويك

لا تحمّلني مشاريه قرب ولا وصال
شرهتك والله على الوقت والحظ الركيك

[َ @eislll]

صوتك العذب عسّاس المسامع
فاقدٍ جرته .. لي كم ليله

لو يجيني عقب سيل المدامع
مابقى دمعٍ عيوني تشيله

- عبدالعزيز العبلان

[َ @eislll]

«من حبها كن ماخلق غيري على الدنيا شجاع
لو دربها جمرة وطتها الرجل ماحسيتها»
——حمد المري

[َ @eislll]

عساني ليا زليت مازل عند ضعوف
عسى زلتي قدام من يدمح الزله

تعلمت من دنياي فالواقع المألوف
الطيب علاج ورفقة اهل الردا عله

وصدوف الليالي مدرسه والحياه ظروف
ولا فيه شي احلى من الطيب في حله

لا تندم على المعروف ياراعي المعروف
ليا ضاع عند الناس ماضاع عند الله

[َ @eislll]

أحبّك وأنا ماني بـ متردد ومختار
أنا عارفٍ إنك جلّ ميقافي.. وعوني

وأحنّك لو إن جروح عينك علي كُثار
عساها فدى عينك -إلى زادت- عيوني

- محمد السلطان

[َ @eislll]

ودك إن الطيب و أهل الطيب سمحين النوايا
يكثرون ، و يخلدون ، و يكبرون مع الأكابر
ٓ
والردى و أهل الردى اللي لا سلوم ولا حمايّا
ودك إنهم من بطون البيض لـ بطون المقابر

[طمّاح🇵🇸 @tmaah_]

وش يقول علي الدعية ؟

[َ @eislll]

طلاب وصل وغديت تقول طلاب ثار
يقرا بها من كتبها لـ اجل يقرا بها

الشوق ما يذبح اللي يذبح الأنتظار
يـ غيابها مالك أخر ليه يـ غيابها ؟

وش فيني أحبّها و أنسى لاحب الديار
و أنا أدري أن الديار أوفى من أصحابها

_ بندر الدويش