سلطان | Sultan

بيني وبين المقام السهل،،حالة نفور ✍🏻

[سلطان | Sultan @eiz35]

لا تنسون عمي من دعواتكم ( اسأل الله ان ) يفك عوقه ، لعل احدكم اقرب مني إلى الله منزله وله دعوةُ لاترد❤️ .

[سلطان | Sultan @eiz35]

على البال ياللي تحسب اني من السالين
وانا في جميع حبال الأمال ، متجود

على كثر مابيني وبينك ، من الغالين
وشهب السنين ، مدلهة كل متعود

آوقف على باب الرجاء فيك ، لاذالحين
مثل وقفة اللي ، لاتقدم ولا عود .

- مبارك بن رادعه

[سلطان | Sultan @eiz35]

من لا يعيش العمر سامي ومتغاضي
ماهيب دايم ظروف الوقت خادمته

كنز القناعه .. غناة النفس للراضي
يعيش دنياه . . فاهمها وفاهمته .

[سلطان | Sultan @eiz35]

مروا الناس بالدنيا .. مرور الكرام
و إنت بس اللي الدنيا توقف عليه

تحت سابع سما تعيش الأرض بسلام
نصفها يعيش فيك ونصفها تعيش فيه

من خذا من يدينك لحظتين إهتمام
عاف كل اليدين .. و عاف كل الوجيه .

[سلطان | Sultan @eiz35]

زعلوها ورحلت وأخلت قصور الخالديه
وألحقتني شرهة الزعلان وأخطاني رضاها

سافرت والله ما أخبر اللي يزعلها عليه
وأستباحت لله الخيرة سهر عيني وماها

ليتها يوم أستباحت دمعة العين الشقية
ما أستباحت دم قلبي من خلاها في خلاها

سامح الله ظلمها واطعونها الخضر الندية
والله يسامح خناجرها ويعفوا عن خطاها

عرضتني للهبايب والضمى والمهمهية
واتركتني للزعل والشوق والكبر وغلاها

والغلا ما هو في يديها ولا هو في يدية
الغلا شيٍ من الله وأشهد إن الله عطاها

من غلاها لو توردني على حوض المنية
كنها تسقيني الشهد المصفى من شفاها

من حلالها ما توصفها الحروف الأبجدية
كيف توصف وردة يبري من العلة شذاها

الورود تغار منها مزهرية مزهرية
وإن تباهت عذرها معها ويحق لها تباهى

ضيدان بن قضعان .

[سلطان | Sultan @eiz35]

وش اللي سرق من صوتك الحب يا مملوح ؟
لمحت الغلا مفقود من قسوة النبرة

أسولف معك ما كن لي ف السّبب مصلوح
وأنا واللّه إنها خانقة حلقي العبرة

دخيلك لا ترجّع لهفتي رجعة المكسوح
أبي صوتك يعود علي مثل ما أخبره

ما دورت غيرك يوم غيرك يجي و يروح
على القلب ما يلقى له درب يعبره

مع الناس قلبي شايب لا جلس مسمُوح
كنك لا جيته فز لك جاحدٍ كبره

معك من تهاليل الغلا ما يرد الرّوح
مثل ما معك هجر يحده على قبره

عويد النجود .

[سلطان | Sultan @eiz35]

@cv91i اللهم امين جزاك الله خير 🙏🏻

[سلطان | Sultan @eiz35]

لا تنسون عمي من دعواتكم ( اسأل الله ان ) يفك عوقه ، لعل احدكم اقرب مني إلى الله منزله وله دعوةُ لاترد❤️ .

[سلطان | Sultan @eiz35]

لولاك يابعض المخاليق لولاك
مالـي لـزوم يـوم ماريت منا

مريت ابي عيني اتملى محياك
واصبحك بـ الخير وارجع لـ اهلنا :)

[سلطان | Sultan @eiz35]

" طراة الرفيق اللي لا سولفت معه ارتحت
تسولف معه كنّك تسولف على نفسك ".

[سلطان | Sultan @eiz35]

امتلكتي غايته لو كان ما له فيك غايه
وانتصرتي في عيونه واعترف لك بالهزيمة

من كثر مايعشقك ماقالك بالحب رايه
خايف الايام لاتطلع " عواقبها وخيمه "

وفي طريقك كل ماكنه لمس درب الهدايه
تاه ودروب الحياه المستقيمه مستقيمه :)

[سلطان | Sultan @eiz35]

لـ الغياب رماح ، وسيوف حدادي
ما تسل .. الا ليا غبتي ، دقيقه

وضعنا هلون .. ماهوب إعتيادي
حاولي تلقين لـ الأزمه ، طريقه

يوم كلن له بلاد ( انتي بلادي )
لا صفيتي جعل غيرك في حريقه .

[سلطان | Sultan @eiz35]

سمحتي لي أملا عيني بحسنك الفتّان
لو إني ماني بـ مرضي غرورك تغطّيتي

تسلّط علي سلسال جيدك يا غصن البان
متى ما لعبتي .. قام يلعب بعافيتي

على المفرق اللي يفرق اللول و المرجان
أضحّي بعمري ، و أتشرّف بتضحيتي

- فهد قطنان

[سلطان | Sultan @eiz35]

يافارق الجيد عن كل الغيد في كل حال
مشاعري في خفوقي ولعت نارها

ترا الغلا لك لحالك ، مال غيرك مجال
وضلوع صدري " عليك مقفل اسوارها "

الشوق مايرحم الخفاق والصبر طال
يا " نجد " خلي هبوبك تنقل اخبارها

معاد فيني على سهر الليال احتمال
اللّٰه ولا الغيبه ، اللي طال مشوارها

يا بهجة الروح يا حلو النباء والقبال
يا درة ، ماعشقها غير بحارها

يا آخر مطاف الدلع وآخر حدود الجمال
يافرصة في زمنها صعب تكرارها

[سلطان | Sultan @eiz35]

فـ المحبّة ما يفيدك لا ميول ولا استقامه
كان ما شدّك غلا ما هيب جاذبتك حميّا

يا تباشير الغلا والشوق .. ما حولي ملامه
كل يوم ارقب مجيّك من هناك ومن هنيّا

انت من نسل البشر ولا القمر ولا الغمامه !
ولا من نسل الورود اليانعه ، ولا من ايّا ؟

فيك عنق وفيك خصر وفيك جيد وفيك شامه
وفي من عين الوحَش لفته وفيك مْن العبيّا

لو ما اشوفك من خيار اهل البلد قدر ووسامه
كان ما كنت فـ كنف حبّك من الحزن اتفيّا

والله ان اقسى ليال العمر واكثرها ندامه
يوم ارتب لي معك فرصة وصال | ولا تهيّا

ينتهي عقد الشغف وتموت كلمة وابتسامه
كان مالي من وجودك حظ يا سمح المحيّا .

[سلطان | Sultan @eiz35]

يا غرامً يندعابه على الصدر الرحوب
من ظفر به يشكر الله على حسن المئاب

انت غاية من تمنى ونكسة من يتوب
معك ياهون المصايب ويا كبر المصاب

فيك مصياف الخواطر ومرباع القلوب
وفيك من نجد العذيّه عواصيف المهاب

وفيك يلقى اللي يحبك من الواقع هروب
ما درا انه رايحً من عذابً في عذاب .

[سلطان | Sultan @eiz35]

لبيه، والليل قمرا والعشاء قطف توت
والجوّ هادي وانا وانتي وصوت النهر

انكان ضقتي، تحضنتك سوات البشوت
واهديت لك من عيون اغلا القصايد مهر

متناقضه والدليل اللي عليه الثبوت
اهدابك الليل، وخدودك قوايل ظهر

الوجه هذا جماله كم خرب له بيوت؟
جماله يعيش .. ما ياكل عليه الدهر

انتي، هي الدعوه اللي قلتها فالقنوت
واجابها اللّٰه بعد دمعه، ولَحٌ، وسهر

يافاتنه قبل احفظ كروت واحرق كروت
واضيق ،وابكي ندامه، واتجرّع قهر

اليا سألتك ؟ جوابك، لايكون السكوت
عينك على حد علمي بك تصلّي جهر

تصرفّي في علاقتنا .. قبل لا تموت !
ما ينفع اللي نعيشه من حوالي شهر

[سلطان | Sultan @eiz35]

يا أم الجمال الساطي اللي يستحل
لاقفال عشرات القلوب بثانية !

الوجه هذا صدق وإلا منتحل ؟
والواسعة ذي عين ولا آنية

الواضح إن الحور فالجنة تحل
وشلون جيتي فالحياة الفانية ؟

يدور حولك نحل قولي للنحل
ماني رحيق ولا قطوف دانية

ويدور حولك كوكب الظاهر زحل
قولي له إن الشمس وحدة ثانية

جمال بندر .

[سلطان | Sultan @eiz35]

ما اقسى من الضيقه على وجه مسكين
الا ( انقسامي ) بين غالي .. وغالي

عقلي .. يقول الحب درب المجانين
وقلبي .. يقول الموت ل الحلو حالي

قضيتي تشبه قضية فلسطين
تحت .. تعدي جيشها الاحتلالي

انا رهين البسمه .. ومحجر العين
اللي تهبلني وانا ( اعشق هبالي )

من حقها تفخر على " جيل الالفين "
رعبوبه .. ومزيونه .. وضغط عالي

من حي غرناطه .. الى حي حطين
هذي مداهلها من اول .. وتالي !

العمر قفى في ( انتظار المقفين )
واسرفت في الوجه الخيالي خيالي

الى متى ؟ بعدين .. طيب وبعدين
مدري متى ب القى اجابة سؤالي ؟

صرت اطلب اللّه في صفوف المصلين
لا صدت اخر من بقى لي .. البقى لي

الشوق طاغي .. والمزايين طاغين
و الواقع اسود مثل ( سود الليالي )

صار الزعل عندي من الضيق روتين
صدري مهوب اللي من أول شمالي

من كثر ما اخاف المفارق من الحين
ماودي .. انكم تدفنوني لحالي !

( عمر ) المكابر ما يخدم المحبين
يا فاتنه خلي التعالي (تعالي ) .

[سلطان | Sultan @eiz35]

قالت فمان الله لي سبع مرات
وأنتي بحفظه ما نطقها لساني

يا علتي من هول يومي ولا فات
لا الشمس غابت به ولا الليل جاني

يا نور عيني سيد كل العفيفات
تضحك وأنا طاري الفرقا طواني

يا قوّ عزمك يوم قفيت بسكات
كانه وطاك من الغلا ما وطاني

ضيدان بن قضعان .

[سلطان | Sultan @eiz35]

لا تنسون عمي من دعواتكم في ذا اليوم العظيم اسأل الله ان يفك عوقه ، لعل احدكم اقرب مني إلى الله منزله وله دعوةُ لاترد❤️ .

[سلطان | Sultan @eiz35]

لا تجلدين الذات وتقولين عن نفسك قمر
كان القمر آيه من الآيات فأنتِ البسّمله

ترى القمر ما يكتمل زينه سوى نصف الشهر
وأنتِ طوال العمر كله كامله .. ومكمله