ًًًًًًًً

مُختل قلبيًا

[ًًًًًًًً @ejjmex]

كيف ما انتبه لك .. مثل ما تنتبه لي
وأنت مصدر شغف هذي الحياة القصيره

عقب ما تهت بالأيّام ، حصّلتك الضيّ
من عرفتك عرفت إن كل ما راح خيره

جابك الله حلمٍ يكمل .. ويكتمل في
كنّك آسف .. عن أحزان الليال المريره

عقبك .. يمرّني غيرك وكنّه ولا شي
فيه إنسان عنده أنت ويشوف غيره ؟

[ًًًًًًًً @ejjmex]

إلتقينا بالصعوبه —— و افترقنا بالسهوله
حزةٍ من كثر ما اجهلها ما احس إنها حقيقه

[ًًًًًًًً @ejjmex]

الحب ماحرمه ربي ولا ذمه
مدري ورا الناس والعالم يذمونه :)

[ًًًًًًًً @ejjmex]

والله مابي منه شي ان كانه مقفي
ماغير ابي ادري عقب فرقاي وشلونه

ان كانه بخير قلت اللّٰه يسهل له
ماني بقايل عساها تدمع عيونه

وان عاش من دوني .. اللّٰه يحفظه
لكن المشكله كيف أعيش من دونه

ابيه يذكرني ليا جيت في باله
اني تحديت كل الناس لعيونه

[ًًًًًًًً @ejjmex]

ريف قلبي ومرباعه و " شوفتك عيد "
وأنت مثل الهوا وأرضي والآفاق لك

أحترق لك ولَه ولا انكتب لك قصيد
والشعر كم تباهى كل ما راق لك

إيه أحبك وأحبك وهمّ أحبك وأعيد
وحالتي شسمها والقلب تواق لك

[ًًًًًًًً @ejjmex]

ارسم على وجه الزمن صورة أنسان
واثر الزمن يمسح بقاياه فيني

واتخيّله في وسط فكري ف الأزمان
واستشعره مابين جفني وعيني

وادري على حفظ الصور ماني ندمان
يوم الزمن يتلف هدايا سنيني

ليت الزمان اللي علي مرّ ماكان
ليته سراب ضايع في يديني ..

[ًًًًًًًً @ejjmex]

لا باس يـ دار الكويت وسلامات
يـ ديرةٍ بـ الطيب كلٍ عرفها

دونك رجال مطوّعين الصعيبات
رجالٍ وقت الشدايد سندها

يـ كويت لا جارت عليك الملمّات
حنّا ذرى دارك وحنّا عمدها

[ًًًًًًًً @ejjmex]

عليك يتبارك جعل سود القلوب فداك
وجعلك .. من اللي كل عامٍ يصومونه

[ًًًًًًًً @ejjmex]

عسى لاوصله العلم ويستأنف التفكير
أبي ينشغل فكره من الحين لين بكرى

تمنيت وصله بالفكر ماطلبت كثير
أبي اطري علي باله مثل ماعلّي يطرى

[ًًًًًًًً @ejjmex]

شفت النجوم اللي تخاوت مع الليل
أضرب عددها في عددها وزدها

أحسب خطوط الطول والعرض بالميل
أجمع شعوب الأرض وادبل عددها

أكتب رقم مليار مليار تدبيل
مليار في مليار وضاعف عددها

أحسب عدد ماسبح العبد بالليل
ومادارت أيام السنة في بددها

شوف النتيجة كم تطلع بتحليل
ذي قيمتك عندي وهذا عددها

[ًًًًًًًً @ejjmex]

تمتلكني يا أطرق العود من عادك فروع
قبل تغريك المدينه ويطغيك الثرى

[ًًًًًًًً @ejjmex]

وأنا أموت فيك وصال وأموت فيك غياب
وهي موتة وحده مع فارق التشبيه

ومن قال ما به موت بالحُب قل كذاب
جميل وبثينه ما ذبحهم مرض ياهيه

أحبك ومن حُبك خسرت أغلب الأصحاب
واذا عاتبوني فيك عتابهم ما أبيه

أحبك ولا تسأل حبيبي عن الأسباب
انا لو اعرف أسباب حُبك قدرت أنهيه

[ًًًًًًًً @ejjmex]

لو قلت اداوي جرحي اللي تباطاك
ما كل جرحٍ يفيد فيه الضمادِ

أعلنت حبك لين كلٍ تمناك
غلطه وغيري من خطاي استفادِ

لو لي مثل قلبك تمنيت فرقاك
واكيد قبلك بالجفا صرت بادي

حلوه عذاريبك وحلوه مزاياك
حتى بيوم فراقنا كنت هادي

[ًًًًًًًً @ejjmex]

نسيتني علمني وشلون بنساك
في هالزمن نسيان الاحباب عادي

وشلون لا مرّت على البال ذكراك
وطيفك سرق منّي لذيذ الرقادِ

وشلون لاقالوا لي الناس وش جاك
من كنت في لذّة منامك تنادي

وشلون اعيش اللي بقى لي بليّاك
لا من غدينا كل واحدٍ بوادي

[ًًًًًًًً @ejjmex]

تطري عليّ وأشتاق لك وأتمناك
وألقاك حلم من بعض ذكرياتي

أنا أدري إني صرت ماني بويّاك
لكنك أحلى حلم مرّ بحياتي

من عاشرك ما ظنتي بيوم ينساك
مهما تغيب تكون لي مثل ذاتي

وأصعب مواقف دنيتي يوم فرقاك
فيها عرفت إنك تساوي حياتي

[ًًًًًًًً @ejjmex]

يَامَا رسمتك بالسما قمّره تِغيض النجمتين!
يَامَا فقدتك و السهر غَيْهَب وليلي سرمدي،

يَاما سَهرتك فـ اللّيال اللي تبينا غاويّين
ياما رقبتك، و الصبر أنْهَك ثباتي وأجهدي

بعد ما خنجر الشِكّه.. طعن صدر اليقين
ماتت فُتات آمال بالدنيا، وبْك مات أجودي

[ًًًًًًًً @ejjmex]

غرقت لي في بحر مافيه ساحل
وانا بحور اهل الهوى محترفها

الحب اعرفه واعرف انه مراحل
لكن وصلت لـ مرحله ما اعرفها

[ًًًًًًًً @ejjmex]

حبيبي .. طواري الشوق والهجر ما تنطاق
فراقك عذاب وذكريات الغلا مرّه

على كثر ما عانيت مع قلبي المشتاق
فقدت الأمل في طاري الوصل ب المرّه

[ًًًًًًًً @ejjmex]

أقسى من الدمع صوتٍ تقتله ونّه
والونّه اللي تجي من شوق وغلابه

أنسان من كثر ماتغليه وتحنّه
تختار فرقاه وأنت تضيع في غيابه

[ًًًًًًًً @ejjmex]

أنا لو ينسيك الزمن ماني بناسيك
محبتك قصّه ماقدر أكتب نهايتها :)