♡

[♡ @eldll_]

عساني من إللي يسّر القلوب .. ولا يضّرها

[♡ @eldll_]

مذهبك بين التناسي ونزعات الرجوع
وهبةٍ من نفسي المُذنبة للصالحة

رح وضحّك كل رمضى على سنين الركوع
كل قاعٍ وابل خْطاك فيها فارحة

لو قدرت أسرَّي الليل في فجر الشموع
ما قدرت أصدّ باكر وأردّ البارحة

ما تدلّهك الليالي وتجفاك الضلوع
لين ينسى عازم البعد شيءٍ جارحه.

[♡ @eldll_]

من تهقوى بالنشاما .. يحصل مايريد
ومن ترك سود النوايا يـحُصل مقصده

واحد(ن) يجفى رفيقه على شان البعيد
مثل من يهدي للأجناب ..ميراث ولده

علموه ان وقفه الطيب ..للطيب رصيد
لا انتحت به سود الايام والاش جحده

كل من حده زمانه .. ولا عين عضيد
يرفع الجوال .. ويبشر بسعده :)

[♡ @eldll_]

كم حاجةٍ راحت و صدري عليها يفوح
فوحة دلالٍ ينوش الجمر مثناتها

و كم حاجةٍ ما تروح و ودّي إنها تروح
خصوصاً الضيقة اللّي مكّنت ذاتها

[♡ @eldll_]

يزعل الرمل همس اقدامها للرخام
والعصافير تسكر من سوالـيفها

لحن معزوفه موزارت صيّح وقام !
بعد ما انهى كتابتها .. وتأليفهـا

نخبوية مجاني من خوال و عمام
كل شيخٍ يبي في كرته يضيفها ..

[♡ @eldll_]

بنت عز ماهي من بايعات الغرام
الدرابيل ما تلحق مشاريفها ..

من حياها وعفتها وخوف الملام
ذاير من خيال المهتوي طيفها

كن عليها من العفه قطيفة غمام
تلتعج من شعاع الشمس إطاريفها

أكرم الفاتنات اشحهم بالسلام..
ينكسر طارفها ويزيد تشريفها

[♡ @eldll_]

الشدايد لعبة كبار الاشدّه
والزمن فتّاك .. والغافل يعاني

لو تهادى بين لين وبين شدّه
ما لراعي الوجه الابيض وجه ثاني

البشر يظهر مداها بعد مده
لاتغرك في الرخا روح التفاني

ماتخفيّه الصدور سنين عدّه
تكشفه بعض المواقف في ثواني

[♡ @eldll_]

داويت جرحه يوم صكته الاقدار
ورد العطى في جرح ماله مداوي

[♡ @eldll_]

سامح الله غلطة احساسي .. قبل غلطة عيوني
و سامح الله هاجسي في ما هدا لك من رصيده

لو ظنوني يوم واحد تشعر بـ خيبة ظنوني
ما يصير الحزن سيّد الصدر و افراحي عبيده

سامح الله ذنب كل اللي على الضيقه حدوني
لين صرت أواجه الأيام .. في بسمه وحيده

[♡ @eldll_]

ما برد عزمي و لا غيّر لهيب الحب لوني
دام لي قلبٍ من عروق الوفا يسقي وريده

و الهوا حظ و نصيب ، و دمعتي عذرا جفوني
و لـ الجفون سلوم ، و الدمعه تخاف من النقيده

و ليه لا عزمت بـ انسى من على الدنيا نسوني
ما ذكرت الا انت ، و جرحٍ مساحاته عديده

[♡ @eldll_]

ليت عذرك عن وفاك و غلطتك يلغي شجوني
و ليت لي قلبٍ بدون احساس و احكامه شدیده

كنت اظنك ما تعيش العمر لحظه بدوني
و اثر ما لـ الظن غير اللوم و لحون القصيده

ما ربحت الا جفاك و ما خسرت الا جنوني
و لا بعد هذا سوى النسيان و الفرقا الاكيده

[♡ @eldll_]

يالله وأنا الشخص البسيط اللي هقاويه بعيد
أحيان يمنعه الثقل وأحيان يدفعه العزم

أعوذبك من وقفةٍ مع غير أهلها ماتفيد
ومن غلطةٍ يبلش بها العاقل على باب الندم

[♡ @eldll_]

خلك على الوجه الأبيض وأصلح النيه
لا تقول هذي لأجل هذي مسويها

قل جعلها حسنه تقضي على سيه
الّناس مهما تسوي صعب ترضيها

يالله بذكر جميل وسمعةٍ حيه
والوقفه اللي تبيض وجه راعيها

[♡ @eldll_]

من طاب طـبنا فوق طيبه بعد طيب
واللي تردى وش كسب ووش خسرنا

دنيا العنا فيها دروس وتـّعاجيب
وعلى كثر صكاتها .. ما انكسرنا

[♡ @eldll_]

الوقت ساومني على راحتي لين
قررت أثمّن راحتي و أشتريها

أثر الدقايق بعضها تاخذ سنين
لين نتجاوز كل ما صار فيها

أقسى شعور يراود القلب و العين
يوم إنتذكّر حاجةٍ ما نبيها

المستريح إللي جمع بين ثنتين
صدرٍ وسيع .. و ذآكره لك عليها

[♡ @eldll_]

طبع الإنسان لو يحيى حياة الملوك
يبهت الشي عنده عقب ما يملكه

للهُدى درب ما حوله تدور الشكوك
أعْرف إنّه هُدى لكن عجزت أسلكه

[♡ @eldll_]

أنا الأتمّ إدراك .. والأغرب أطوار
و أنا اللي أعطي كل الأشياء قيمة

إذا إنتصرت أصير للنصر تذكار
و إذا إنهزمت أرفع مقام الهزيمة

اما أخذ التقدير مثل أخذة الثّار
ولا أتوفّى ما شكيت .. الظليمة

لو كنت في ماهيّتي قادر أختار
ما أخترت أكون إلا قصيدة عظيمة

[♡ @eldll_]

الكبد والحزن ومداول ايام الزمان
واقعٍ يسلب من الادمي حريته

ياظروف الوقت لو كل مانبغاه كان
يمدي الانسان يطغى على انسانيته

يبطش الدنيا ويعطي على الغيب الضمان
مير ذي تختص بالله و وحدانيته

ربي اني مسني ضر بلوى وامتحان
عارضٍ ماتعلم الناس بخصوصيته

[♡ @eldll_]

سلّم سلام الموادع رافعٍ كفه
واغضى بنجلٍ تقول النوم داخلها
،
وأنا عيوني تهل الدمع.. وتكفه
أكف دمعي بكفيني واناملها
،
كلّه على شان ما أشوش على شفه
أخشى يشاهد دموعي ويتخيلها
،
غالي وانا اغليه واقف معه في صفه
وأطاوعه لو أضيم النفس وازعلها :)

[♡ @eldll_]

ما أعرْف شلون شكل الالتئام..
ولا أعرْف من التعب كيف ارتمي

آقف بوجه الصعيبات العِظام
لين ينشف داخل عْروقي دمِي

داخلي عقده من زْحام الكلام
أدري انّه لا انِّطق يرجف فمِي

تشهد لوقفاتي جروحي القدام
تدري انِّي للهزايم ما انتمي.

[♡ @eldll_]

معي ضيقةٍ ماهي بـ تقبل عتاب ولوم
ولا تروح ، لو اّهل " دمع البشر " كله !

_ جابر بن علوش