غلاك أكبر من الواقع من الشرح ومن التعبير
ليا شفت المشاعر ما توصف قدرك أعذرها
على طاري غلاك الله يصبّح طلّتك بالخير
يا حلو السهر اللي في ملامح وجهك أسهرها ❣️!
لاعاد تنتظر رجعتي ولا عاد تحتريني
و خلك كفو على الصدات و احتملها
بنيت لك قصور الود براحة ايديني
و عطيتك حياتي قلت خذ استلمها
كنت حاجه اشوفها كل شي بعيني
و اليوم تمر قدام عيني ماتلفت نظرها
أحسب إن الغلا يمحى بكثر الشد والترحال
وأثر لك في وسط صدري حنينٍ يلغي دروبي
قطعت بشقّ الأنفس من مفارق يديك أميال
ولا أدري كيف رجعني حنيني لأول دروبي !
أقول إني نسيتك وأدري إن وجهك خشير البال
يمرر ضحكتك وأضحك ولو ضايق علي ثوبي
١
رميةً جاتني وانا لاسلاح ولادروع
فيها من قوة وعزم ابن هدلان الفديع
اشهد انه لاعني بالهجر ياناس لوع
ياوجودي كل ماهبت انسام الربيع
وقامت اهمومي تواردّ علي من كل نوع
قمت احس بداخلي فوضة اليوم الشنيع
ياعيد سلم لي على ذيك القبور
وخص لي يا عيد على قبورًٍ مانسيتها
ياللحد لو تدري من اللي بك مقبورين
مـاكان جـف النبت يومك حويتهم
لو غاب ذكرهم غابت الشمس والنور
حيٍــين بقلبي كننــي مــا نعيتهــم
عيدي دعاء والقلب راضي ومصبور
يارب جنات الخلد اللي نويتهم..
تغـانمني .. ترى ما عاد باقي لي كثر ما راح
ذبل غصنٍ رطيب، وجف ماه، وحتّت اورقته
على كيفك ؟ تبي تشقى معي والا تبي ترتاح
انا حلـمٍ لغـيرك ما تحقق في ملاحَقته !
ترى وجيه الليالي وانت داري شاحبه وشحاح
كم اغتالت لها ضحكه .. ويا كم شمل فرّقته
اللي نسى قدر المحبه نسيناه
والله يسامحنا .. ويخلف تعبنا
وان مر له طاري وسيره مدحناه
ماهوب من طيبه لكن من أدبنا
عز الله إنّا في الشدايد عرفناه !
محبته ذنب ومن الذنب .. تبنا
يوم انها طيب ومواقف غلبناه
ويوم انها كذب وضعافه .. غلبنا .
لي مدةٍ وانا عن المجتمع صاد
اخفي طعون الصدمه الي تموّت
عفت العرب والدار والنوم والزاد
واقنعت وخيام الهقاوي تطوّت
الفرصه اللي خير من الف ميعاد
فاتت وهي مفروض ماتنتفوّت
وامسيت اردد كل ماوحيت نشاد
الله على الايام .. وشلون سوُت
والكفو قام يدرّج العمي و العور
عوّد يسوّي شي ماهو بـ كفوه
لا جيت تشكي له من الوقت والجور
وجهه برد حتى لـو الجـو دفـوه
لا تطلب من الناس تاجر و مشهور
اطلب رضى ربك و لطفه و عفوه :)
حاولت اصفي صفوة الجيل بالدور
ولا لقيت لـ صفوة الجيل صفوه
اليوم حتى الشيخ ما غير ديكور
حطه على وسق الشداد و تحفوه
اصبح حكيم الشور ما يملك الشور
و الهقوه اصبر وقت وتصير هفوه