الشريف الحامدابي - elshareef hussein

حساب بديل

[الشريف الحامدابي - elshareef hussein @elhamdaby]

حساب بديل ، أتمنى أن يكبر ويوسع بدعم أصحاب الموقف المشترك في وقف وإنهاء الحرب ، واستعادة مسار الإنتقال الديمقراطي ، واستكمال مهام ديسمبر المجيدة .

[الشريف الحامدابي - elshareef hussein @elhamdaby]

معاناة المواطنين ليست من أولويات الكيزان وعسكرهم https://t.co/vWo5BmeYho

[الشريف الحامدابي - elshareef hussein @elhamdaby]

موعدنا اليوم بإذن الله

الساعة 8 مساءً بتوقيت السودان

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

توتر أمني بسوقي ( الأنصاري والمطار ) للذهب في البحر الأحمر بعد اشتباكات بين عناصر من الجيش والقوة المشتركة

شهدت المسافة بين سوقي الأنصاري والمطار للذهب بولاية البحر الأحمر، اليوم، حالة من التوتر الأمني عقب اندلاع اشتباكات بين عناصر تتبع لاستخبارات الجيش والقوة المشتركة، بحسب إفادات من شهود عيان.

وذكر شهود أن الاشتباكات وقعت على مقربة من سوق المطار خلال الساعات الماضية، ما أثار مخاوف العاملين في قطاع التعدين والتجارة بالمنطقة، ودفع العديد من المواطنين إلى متابعة التطورات بحذر وسط حالة من القلق والترقب.

وبحسب المعلومات الأولية التي حصلنا عليها ، أسفرت الأحداث عن إصابة أحد أفراد استخبارات الجيش، فيما أفادت المصادر بوقوع خسائر مادية تمثلت في تضرر إحدى العربات التابعة للقوة المشتركة.

وأشار عدد من العاملين بالسوق إلى وجود خلافات مرتبطة بتحصيل رسوم أو مبالغ مالية من بعض الشاحنات والعربات التي تنقل أحجار التعدين والوقود إلى المنطقة، وهو ما يُعتقد أنه كان من بين أسباب التوتر الذي سبق الاشتباكات. ولم يتم الحصول على تعليق رسمي من الجهات المعنية حول طبيعة هذه الرسوم أو ملابسات الحادثة حتى هذه اللحظة .
ويعتبر سوقي الأنصاري والمطار من الأسواق الحيوية المرتبطة بأنشطة التعدين الأهلي، و يعتمد عدد كبير من الأسر والعاملين على الحركة التجارية المرتبطة به، ما يجعل أي اضطرابات أمنية فيه مصدر قلق مباشر للسكان وأصحاب المصالح الاقتصادية إضافة إلى حدوث تبادل إطلاق نار بين القوات المسلحة والقوات المشتركة يعد تطوراً خطيراً ، وتعد هذه الاشتباكات مؤشر خطير في ظل توتر الأوضاع في شرق السودان مؤخراً .
وتسود المنطقة حالياً حالة من الترقب، وسط مخاوف من تجدد الاشتباكات .

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

( 2 ) إنتصارات موقف لا للحرب https://t.co/ZdG1OqfetL

[الشريف الحامدابي - elshareef hussein @elhamdaby]

مهم جداً ضرب الحديد وهو سُخن

موعدنا اليوم بإذن الله

في ( نفس المواعيد ) وعلى ( ذات الصفحات )

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

انتصارات موقف لا للحرب https://t.co/AbcS7hxI6m

[الشريف الحامدابي - elshareef hussein @elhamdaby]

اليوم بإذن الله
وبعد غيبة اضطرارية طويلة
على كافة صفحات ( منصة صوت الشعب )
الساعة 7 مساءً بتوقيت السودان

على الروابط التالية :

منصة فيسبوك
https://t.co/3RahdLckLA
_________
يوتيوب

https://t.co/OT8dObfGSI
_______
x

https://t.co/vsQRfsYxy9
_______
تيك توك
https://t.co/tEP1IJf9ta
__________
انستقرام :
https://t.co/1leeVTiYOq

______
#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

⛔ القصاص لشهداء مجزرة فض إعتصام القيادة العامة لن يسقط : بكذب ونفاق العسكر

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

سلسلة كضابة
( 1 )

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

الشوط الثاني لمبارة الهلال والمريخ ( الدوري الرواندي ) https://t.co/H30ER65Iyx

[الشريف الحامدابي - elshareef hussein @elhamdaby]

الهلال والمريخ ( الدوري الرواندي) https://t.co/uPCtJ0Ye5d

[الشريف الحامدابي - elshareef hussein @elhamdaby]

الأستاذة رشا عوض ..الأستاذ عثمان ميرغني في الرواية الأخرى مع أحمد ود اشتياق https://t.co/XNDs54Gk6g

[الشريف الحامدابي - elshareef hussein @elhamdaby]

🟤 زاوية شوف مختلفة 🟤

🟥 بما إني زول عاوز يكون عندنا جيش واحد ، وطني وقومي ومهني :
▪️ لما أشوف دعامي داخل في حضن جياشي والعكس بتمنى الحضن ده يوسع بحيث يشمل جميع حاملي السلاح ماعدا حاملي سلاح المؤتمر الوطني وواجهاته .
▪️ بالنسبة لي السلام ما بتحقّق بمجرّد دخول الجميع في حضن واحد ، فعادي البكون داخل الحضن ده ممكن يطلع منو وياخد لفتو ويرجع تاني ، فلازم التواجد في الحضن المشترك ده يكون مستمر ودائم ، وده بيتطلب تحقيق سلام دائم ومستدام .
▪️ والسلام الدائم والمستدام ما بيتحقَّق بالدخول الى الحضن بدوافع ذاتية وشخصية ، الدخول لازم يكون بدوافع عامة تصب في صالح الوصول الى الجيش الواحد ، الوطني ، والقومي والمهني .
▪️ إدا انت بتدخل في حضن الجيش بوضعو الحالي ده معناها إنت جاي بتبحث عن مصلحة شخصية و لقيته في الجيش بشكلو الحالي ده .
▪️ معناها إنت ماعندك موقف مبدئي من الجيش وعمايلو ، ولاعندك رؤية واضحة اختلفت بسببها مع الجيش ، ولاعندك رأي في ( مدخل الكلية الحربية ) و لافي ( العقيدة ) ولافي ( مناهج الكلية الحربية والمعاهد العسكرية ) ولافي ( انشغال الجيش بالسياسة والإفتصاد ) ولافي ( تجاوزه للمهام والواجبات الدستورية ) .
▪️ بتكون مجرّد ( عائد ) بيبحث عن مصالحه الشخصية فعادي باكر ممكن ترجع للمحل التلقى فيهو مصلحتك .
وتظل شغال ( شوية مع دول ) و ( شوية مع دول ) ..
▪️ الدخول في الحضن الواحد ده هو بداية ممكن تأذي الناس العاوزين ( تعدُّد الجيوش ) .. الماعاوزين يكون عندنا جيش واحد .. المستفيدين من صناعة الكتائب والمليشيات الموازية .
▪️ الجيش الواحد ده بيتطلّب إزالة ( الغبن ) من نفوس حاملي السلاح ، وبيتطلَّب ( الإنتقال ) من مرحلة الإنتماء الى ( القوات الخاصة ) الى مرحلة الإنتماء الى ( الجيش الواحد ) ودي ما بتحصل إلا عبر تشكيل ( لجنة مشتركة ) من جميع ( حاملي السلاح ) مهمتها ( التأهيل والإعداد والإنتقال الصادق ) وتحويل عقيدة الداخلين في الحضن من عقيدة الولاء ( للمصالح الشخصية ) الى عقيدة الولاء الى ( المصلحة العامة ) . ودي حاجة ما بيتم انجازها بمجرد دخول في ( حضن عابر ) .

🟥 بما إني عاوز سودان واحد ، وعاوز مشروع وطني يحترم تنوُّعنا وتعدّّدنا ده ويعترف بيهو ويحترمو ويديرو بشكل صحيح ، وعاوز تنمية متوازنة ، واستقرار سياسي ، ودستور دائم :
▪️ فبشوف وحدة السودان دي عندي أولوية ، فوجود ( عقار وأردول ) و ( جبريل ومناوي ) و ( النور قبة ) مع الجيش بيهزم ( دوافع الإنفصاليين ) ، بيهزم مخططات الساعين ( لتقسيم السودان ) ، ومخططات الساعين لتحويل الحرب دي لحرب بين ( المكونات الإجتماعية ) وبيخلِّي الحرب دي تنحصر في صراع بين ( الجيش والدعمم السريع ) وده وصفها الحقيقي .

🟥 بما إني بسعى الى وجود ( لجنة تقصي حقائق ) مهمتها ( تكشف الحقائق) و تكون مدخل ( لمحاسبة الجناة ) و ( إنصاف الضحايا ) و ( جبر الضرر ) :
▪️ فبشوف المطالبة بمحاسبة العائدين لحضن الجيش أو البرهان كلام في غاية الأهمية ، والبلبوسي البيطالب بالكلام ده هو ذاتو مافاهم سايق نفسو ( لمنصة المحاسبة ) .!
▪️ هو مافاهم الحرب دي مافيها طرف ما ارتكب انتهاكات ، الحاضن والمحضون الإتنين حا تطولهم يد المحاسبة .
▪️ ومافي حاضن أفضل من محضون ، جميع حاملي السلاح شركاء في ( الموت والإنتهاكات والدمار والخراب والنزوح واللجوء والتشريد والتجويع ) ..
▪️ فكونو البلبوسي يطالب بمحاسبة العائدين هو ذاتو حا يتحاسب لأنو ساهم في ( التحريض ) الأنتج جميع ( آثار وأضرار الحرب ) .

🟥 بما إني بسعى لوقف وانهاء الحرب :
▪️ فبشوف ( الأحضان ) دي بتهزم خطاب ( تاني نقعد معاهم بعد الحصل ده ) ، بتهزم مخطَّط ( الإستتمار ) في غبن الناس الاتعرضوا للإنتهاكات ، ومخطَّط تحويلهم من ( مدنيين ) إلى ( مقاتلين ) ومخطط ( شيطنة الحل السياسي التفاوضي ) .
▪️ ولكن :
التفاوض ما بكون بمبدأ ( تعال نديك ) وباسلوب ( عاوزين نضعفهم ) و ( نقسِّمهم ) ، لأنو ده بيعتبر تفاوض ( بدوافع الحرب ) لا بدوافع ( السلام والأمن والإستقرار ) .
▪️ التفاوض لازم يكون بمبدأ ( معالجة الأزمة من جذورها ) وده ما بيتم ( بتفاوض فردي ) بل يتم بجلوس على طاولة تجمع ( جميع حاملي السلاح ) ماعدا حاملي سلاح المؤتمر الوطني وواجهاته .

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

الحامداب القرية 3 ــ النهضة دبة الفقراء https://t.co/eiiZBfTzOM

[الشريف الحامدابي - elshareef hussein @elhamdaby]

🟥 في ظل تمليش وتجييش المجتمع الحاصل في بلدنا ده :

📌 مهمتنا كلنا ( كمدنيين ) المساهمة الفعالة في إستعادة ( الفضاء المدني )
◼️ ولإستعادة الفضاء المدني لازم نعرف عدونا واحد ..
◼️ هو العدو الكان معانا في الفضاء المدني ده ذاتو واتحوّل ( لجماعة أمنية وعسكرية ) ..
◼️ العدو الكيزاني ده عاوز الفضاء السوداني ده كلو يكون ( أمني وعسكري ) ..
◼️ وده بيأثّر على ( وجودنا ) كلنا ( كمدنيين ) ..
◼️ واجبنا نتوحّد عشان نوجد المساحة المدنية البنحيا فيها ..
◼️ وأولى خطوات وحدتنا لازم نترك انشغالنا بخلافاتنا الداخلية داخل أجسامنا المدنية ..
◼️ انشغالنا بخلافاننا المدنية الداخلية بيتيح فرصة لتمديد وإنتشار ( التملييش والتجييش ) ..
◼️ وبيخلي ( أدوات التعبير ) كلها عبارة عن ( استخدام الأسلحة الخفيفة والتقيلة ) وده بندفع تمنو كلنا ( كمدنيين )
📌 خلُّونا في البداية نجتهد في كيف نستعيد ( الفضاء المدني ) البخلِّينا بعد كده نساهم في ( تمدين المجتمع ) ..
◼️ نعم تمدين المجتمع بيبدأ من مرحلة فهمنا للثابت في الحياة هو : الإختلاف ..
المتغيّر : كيفية إدارة الإختلاف ..
◼️ والإختلاف الحالي مفترض يكون فقط بين ( أهمية السلام لينا ولبلدنا ) بين ( ضرر الحرب استمراريتها )
◼️ ما لم ( تقيف الحرب ) دي ويحل ( الكلام ) محل ( السلاح )
ما حا نقدر نلقى مدخل لإنو السودانيات والسودانيين ديل يديروا خلافاتهم بالأدوات المدنية السلمية المتمثلة في ( حرية التعبير ) و ( حرية الدعوة للرأي ) بالحجة والمنطق ..
📌 مفترض هسه يكون همنا الأساسي والرئيسي والمفيد للجميع :
صناعة صوت واحد ( رافض للحرب ) ..
◼️ ( حرية تعبيرنا ) كلها مفترض تصب في ضرورة ( وقف وانهاء الحرب ) ..
◼️ ما نلقى مساحة حرية تعبير ونهدرها في ( خلافاتنا ) ..
◼️ و ( دعواتنا ) كلها مفترض تكون موجّهة ( لوحدتنا ) ولو في ( صوت إعلامي واحد ) ..
◼️ وموجّهة ( لدعاة الحرب ) بإنو البيحصل في بلدنا ده غلط ومُضر وكلنا حا ندفع تمنو .. ( كلنا بلا استثناء ) ..
📌 نحنا العندنا ( مساحة حرية تعبير ديل ) مفترض نخت في بالنا نحنا بنتحمّل مسؤولية تاريخية في ( زمن عصيب ( ..
وهي : مهمة توصيل صوت الناس المحاصرين ( بالقمع والكبت ) في السودان ..
◼️ رجاءً ما نهدر المساحة دي في ( خلافات ) ما بتفيد الناس ..
◼️ آثار وأضرار الحرب ما بتميّز بين المواطن في مكان ( سيطرة الجيش ) و المواطن الموجود في ( مكان سيطرة الدعمم السريع ) ليه نحنا نميْز ( صوتنا ) ؟!!
◼️ كان ما قدرنا نتوحّد في ( جسم واحد ) تعالوا نتوحّد في ( صوت اعلامي واحد ) ..
◼️ صوت ضد ( الفرقة والشتات والتشظي والإنقسامات ) ..
◼️ صوت يحمل ( مضامين وأهداف ومطالب وأهداف ) متفق عليها وهي :
( وقف وانهاء الحرب ) و ( استعادة مسار الإنتقال الديمقراطي ) و ( استكمال مهام الثورة )
◼️ الما قادر يساهم في ( وحدة الصوت ) ده ما يساهم في ( تشتيتو ) بمعارك جانبية ماعندها قيمة ولا منها فائدة ..

📌 الأولوية ثم الأولوية ( لصوت يوحّد ما يفرّق ) .

◼️ بلدنا في ظل تمدُّد وانتشار ( خطاب العنصرية والجهوية ودعوات التقسيم ) في أمس الحوجة لخطاب مشبْع ( بوحدة الوجدان السوداني ) خطاب يعبْر عن جميع السودانين والسوانيات بمختلف ( تنوُّعهم وتعدُّدهم ) . خطاب ( قومي معتدل ) .

📌 والإلتزام بالخط ده ( مسؤولية فردية ) قبل ما يكون ( مسؤولية جماعية ) ..
📌 التزام ( فرض عين ) ما ( فرض كفاية ) ..
#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

الأستاذة : نون كشكوش ..و الأستاذ : ازهري الحاج https://t.co/sHKwymX8AW

[الشريف الحامدابي - elshareef hussein @elhamdaby]

◼️ توضيح مهم

🟥 الأيام دي في هجوم كبير من الغرفة الإعلامية الكيزانية على الجيش ..
🟥 فواجب علينا نميّز بين هجومنا على الجيش وبين هجوم الكيزان على الجيش ..
🟥 الكيزان لو بحبوا الجيش ماكان عملوا ليهو الدفاع الشعبي والدعمم السريع كقوات موازية .
🟥 خلافنا نحنا مع الجيش يختلف تماماً عن خلاف محمد محمود السماني الشهير ( بالإنصرافي ) وبقية ( المراييع ) مع الجيش ..
🟥 خلافنا نحنا مع الجيش هو خلاف من أجل المصلحة العامة .. وخلافهم مع الجيش من أجل مصلحتهم الذاتية والشخصية ..
🟥 خلافنا مع الجيش هو : خلاف مع قادته في الآتي :
◼️ جيش يحتكر القوة الصلبة ويستخدمها لصالح حماية مصلحة قادته الشخصية ولا يراعي حتى لصغار الضبّاط وضبّاط الصف والجنود .
◼️ جيش ياخد أكتر من 80% من ميزانية الدولة ولا يقوم بمهامه وواجباته الدستورية ..
◼️ جيش يترك مهامه وواجباته الدستورية ويعمل في السياسة والإقتصاد ..
◼️ جيش يصنع المليشيات والكتائب الموازية .
◼️ جيش ضعيف وهش يتم استخدامه من قبل السياسيين في تنفيذ الإنقلابات العسكرية على النظام الدستوري .
◼️ جيش مدخل الدخول الى كليته الحربية أصبح حكراً على الكيزان لسنوات طويلة ..
◼️ جيش عقيدته العسكرية تقاتل فقط أبناء الشعب السوداني الباحثين عن حقوقهم المشروعة ..
◼️ جيش تسيطر على مناهج كليته الحربية ومعاهده العسكرية مناهج الكيزان ..
◼️ جيش تسيطر على قراره الحركة الإسلامية المتمثلة في المؤتمر الوطني ..
◼️ جيش يقف دائماً ضد رغبة الشعب السوداني المتمثلة في ثوراته المتعدّدة ..
◼️ جيش لو كان بعبّر عن جميع السودانيين ما كان بنشوف الحركات والمليشيات القبلية والجهوية .
_
🟥 مطالبتنا للجيش :
بأن يتوجه للمساهمة في معالجة الكارثة الإنسانية وحماية المدنيين .
◼️ بأن يتوجه لوقف العدائيات ، و لفتح المسارات الآمنة لوصول المساعدات الإنسانية للمتضررين والمحتاجين ..
◼️ بأن يتوجه لوقف وانهاء الحرب ..
◼️ ويساهم مع الدعمم السريع والحركات المسلحة في بناء وتأسيس جيش واحد يبعد عن السياسة والإقتصاد ويذهب للثكنات ويلتزم بمهامه وواجباته الدستورية .

🟥 من هنا بيتضح خلافنا مع الجيش لأجل مصلحته في أن يكون جيش قوي وحامي لتراب وموارد السودان .
🟥 خلاف من أجل وصوله الى جيش واحد وطني وقومي ومهني ..
🟥 خلاف من أجل أن يكون ( أداة عامة ) لحماية مصالح الشعب السوداني بمختلف تنوُّعه وتعدّده ، وحماية أروح المواطنين وممتلكاتهم الخاصة والعامة ..
___
🟥 أما خلاف الإنصرافي وبقية المراييع مع الجيش هو : خلاف من أجل أن يكون الجيش ( أداة ) لحماية ( مصالحهم وأخلاقهم الخاصة ) .
🟥 يريدون الجيش أن يحمي مصالح ( كيزانهم ) في العودة للسلطة من جديد ..
🟥 خلافهم مع الجيش هو نفسه خلافهم مع الدعمم السريع ..
هو نفسه خلافهم مع بقية السودانيات والسودانيين ..
🟥 من ( يقبل ) أن يكون ( عبد وخادم ) لتنفيذ ( مصالحهم الخاصة ) يكون : وطني وسوداني أصيل ..
ومن ( يرفض ) يكون : عميل وخائن وما سوداني ..

🟥 فعلينا واجب التمييز وتحديد الفرق الكبير بين الزينا البيدعم الجيش عشان مصلحة الجيش و الوطن والمواطن .. وبين الانصرافي وبقية المراييع البيدعموا الجيش عشان مصلحتهم الشخصية ..

🟥 نحنا عندنا موقف مبدئي من القوات والمليشيات الموازية للقوات الرسمية للدولة بمافيها الدعمم السريع والحركات وهم ما عندهم الموقف المبدئي ده ..

🟥 إذن :

◼️ موقفنا ما واحد ..
◼️ وخلافنا ما واحد ..
◼️ وهجومنا ما واحد ..
◼️ وهدفنا ما واحد ..

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة

[الشريف الحامدابي - elshareef hussein @elhamdaby]

حول مؤتمر الشباب السوداني ــ نيروبي https://t.co/obKAp6yQPE

[الشريف الحامدابي - elshareef hussein @elhamdaby]

لقاء الأستاذة المحامية والناشطة الحقوقية : حنان حسن

مع :' ( كلام )
منصة نوّار ميديا ..

#وحدة_صوت_السلام_والثورة
#المرياع_ماينوم
#الإقتلاع
#إرادة_الحركة_الجماهيرية_هي_الحل🇸🇩✌🏻
#ديسمبر_باقية_ومنتصرة