𝙰𝚜𝚘𝚘

[𝙰𝚜𝚘𝚘 @ellv5_]

أول شيء خلونا نرجع لأول غلطة ومن هالغلط بدأت الأخطاء تجي ورا بعض الي هي لما تركت جيهان وراحت
بيوم زواجهم

بعدين رجعت له بعد اليوم اللي تركته وكلمته
مع انها بهذي اللحظه قاعده تكلم انسسسان لايمكن ان يكون مستمع ومتفهم بعد اللي صار له،طيب وقامت تقول له أنا جيت وندمانة وما أقدر أعيش بدونك
وتقوله انا رحت وشفت مكان الزفاف لو كنت موجود أصلا الزواج ما كان راح يتم

(طيب دقيقة لو ما صارت المجزرة هل الزواج كان راح يتم؟ لا ،أنتي رحتي وتركتيه
وهذا غلطك وتقبليه)

والشيء الثاني إنها قالت له إنه كان ممكن يكون فيه قبر صغير جنب شاهين وكان ممكن يكون (ابننا) نركز على ابننا هنا

للي يقولون جيهان وش دخله؟ هذا مو ابنه؟ شلون مو ابنه؟ عليا بنفسها تقول عنه ابننا، وهي تبيه يكون أبوه، ودينيز نفسه يبيه يكون أبوه
فإذا عليا ودينيز يبونه يكون أب لدينيز طبيعي يكون له الحق إنه يتخذ قرارات
تخص دينيز
ولا تبونه اب بالاسم وبالمشاعر؟
لكن وقت المسؤولية تقولون وش دخله

ونجي لكلامها عن إنه كان ممكن يكون فيه قبر صغير لدينيز
الرجال أصلا مجروح بما فيه الكفاية تجين تقولين له كلمة زي كذا وبعدين تبينه يقول لك اقعدي وخلاص بسامحك؟لا طبعًا

وهي من أول كلمة قال لها فيها روحي راحت مع إن المفروض على الأقل تبقى معه في الأيام الثقيلة اللي مرت عليه وبعدها إذا تبغى تروح ، تروح

ونجي لبودابست جيهان تركها هناك ثلاث شهور وكان يحاول يحميها وقال لها إنه
حاط رجاله هناك
لكن لما عرف إن أجمل تحرك وإنه يخطط ياخذ دينيز جيهان تحرك وراح جابهم

طيب بعدين رجعوا ماردين
وش راحت عليا تسوي؟ راحت تتفق مع أجمل

ووش كان شرط أجمل؟ إنها تروح وما تكون بماردين ولا بالقصر🤣

طيب يا علياء لو أجمل فعلًا صادق ويبيك تسافرين وتروحين عنهم، ما كان خطف دينيز من الأساس
مو أنتي كنتي في بودابست بعيدة عن جيهان واهله؟ آجل إذا هذا هدفه،ليه بخطفه من البداية؟

هو يبيك تسافرين من جديد عشان تكونين بعيدة عن جيهان ويقدر ياخذ
دينيز بكل سهولة

فيا عليا افهمي جيهان هو يقول لك أجمل ما راح يترك حفيده لو وش يصير
هو فوق انه حفيد اجمل
وبعد من البورا فـ دينيز بخطر بأي مكان وأجمل ما راح يوقف

طيب ونجي عند الحلقه الي راحت الي اصلا كلامي من البدايه عشان تفهموني لما اتكلم عنها

بالحلقه وش سوت؟ اول شي كانت تلومه بالمطار تقوله هذا الثمن الي قلت له
عنه؟
شللون قدرتي تقولين ان جيهان ممكن يسوي هذا الشي هو هذا الشي اصلا يمنعه ولا يدخل الاراضي
ولا بعد يحطها بشنطة دينيز ؟

وقال لها جيهان هل تعتقدين اني انا رجل اسوي كذا احط بشنطة ابني مخدرات؟
اجمل الي سوا كذا هذي افعاله

لما قالها كذذا راحت وش قالت؟

انا ما يهمني من الي حطها حتى لو أجمل هو اللي سوى كذا أنا ما يهمني مين سوا كذا

عفوًا دقيقه؟؟

مو أنتي اللي رحتي واتفقتي مع أجمل؟ولا ما تبين تحطين الغلط على اجمل عشانك متفقه معه

وجيتي وقلتي لجيهان إن أجمل وافق إنه ما راح ياخذ دينيز إذا سافرنا وما قعدنا
هنا فخلاص شوف يا جيهان الحين ما عندك عذر إنك تخلينا نقعد عندك

طيب شوفي وش صار الجين حط مخدرات في شنطته، هذا اجمل الي جيهان قالك انه ما راح يترك حفييده وجابك من بودابست بسببه ويبي يحمي دينيز منه

تجين وتقولين له انت السبب؟
تلومينه لييه؟

وأنتِ من البداية تعرفين إن أجمل كذاب وتعرفين إنه ما ينوثق فيه وتعرفين إنك أخطأتي
بس بنفس الوقت تعرفين ان عندك جيهان تقدرين تخلينه انه هو السبب وتلومينه بكل سهولة
#UzakŞehir

[𝙰𝚜𝚘𝚘 @ellv5_]

اللهم اني استودعتك مملكتنا واحفظ وطننا وقادتنا وشعبنا🇸🇦

[SAUDI POPULAR @saudipopular]

﴿ رَبِّ اجْعَلْ هَذَا البَلَدَ آمِنًا ﴾

[SAUDI POPULAR @saudipopular]

﴿ رَبِّ اجْعَلْ هَذَا البَلَدَ آمِنًا ﴾

[Anoud @Anoud7k]

His baby🥺. Her baby🥺

[𝙰𝚜𝚘𝚘 @ellv5_]

@_ajhk1 اي كانها كتف جيهان

[𝙰𝚜𝚘𝚘 @ellv5_]

الناس يقولون خطوووبه جيهان
وصارت سوالف جديده
وانا للحين مقتنعه ان جيهان الي جنب علياء 🤣
#UzakŞehir

[𝙰𝚜𝚘𝚘 @ellv5_]

@_Angel966 اااااخ والله عايشه على مشاهدهم الي قبل من كثر من ما وحشوووووني😔😔😔

[𝙰𝚜𝚘𝚘 @ellv5_]

@AbdulMalik_Akm اييوا بالضبط 👍🏻👏🏻

[𝙰𝚜𝚘𝚘 @ellv5_]

أبي أرجع لأصل المشكلة لأن أشوف فيه ناس يحملون جيهان مسؤولية حياة علياء ودينيز وكأن هو السبب في كل اللي صار لهم

على فكره بوران هو اللي تزوج علياء وهو ما قال لها حقيقة عائلته وخطورة الحياة اللي هي داخلة عليها مو جييهان

وهو اللي جاب منها ولد وهو عارف إن اعداءه واعداء عائلته ممكن توصل له وتنتقم منه وإن ولده بيكون بخطر

جيهان هو الشخص اللي صار يضحي بحياته عشان دينيز ويعرّض نفسه للخطر عشان علياء ويسوي المستحيل عشانهم شفنا إلى أي درجة مستعد يضحي بحياته عشان يحميهم حتى وهو بنفسه يعيش وسط كل هالصراعات

وهنا فيه فرق كبير بين الشخص اللي أدخلك هذي الحياة من الأساس والشخص اللي صار مستعد يواجه مخاطرها ويضحي بنفسه عشانك

وبالنهاية بوران مات لكن الخطر اللي خلّفه وراه ما مات معه لأن دينيز صار من عائلة البورا وفوق هذا كله صار حفيد أجمل

وفيه شي لازم نفهمه وضع دينيز مختلف عن بقية الأطفال هو مضطر يعيش حياة غير عنهم لأن حياته مرتبطة بعائلة البورا وصراعاتها وما يقدر يعيش بحرية وأمان مثل أي طفل ثاني من دون ما يكون فيه احتمال إن ممكن ينخطف او ينقتل

يعني مهما حاولنا نبعده عن ماردين انتماؤه للعائلة ما يتغير والخطر اللي يلاحقه مو محصور في مدينة معينة وشفنا اجمل وش سوا ببوران لما كان بكندا
وشفنا وش سوا بدينيز ببودابست

فهذا مو شيء اختاره دينيز ولا شيء تقدر علياء تمحيه من حياته بمجرد إنها تبعده عن ماردين

وعشان كذا لما أشوف أحد يقول ليه جيهان ما تركهم بمدينة ثانية ووفّر لهم الحماية؟

طيب مو جيهان أصلًا حاول يسوي هالشيء في بودابست؟ خلاهم ثلاث شهور وحاول يحميهم ويبيهم يعيشون كأشخاص طبيعيين بعيد عن الصراعات اللي تحيط فيهم
لكن هل قدر يضمن لهم الأمان؟

لا لأن المشكلة مو بماردين وحدها
المشكلة إن أجمل يقدر يوصل لهم حتى لو كانوا بعيدين عنها ووجودهم بمدينة ثانية ما يعني إنهم صاروا بأمان

وأنا هنا مو قاعدة أقول إن ماردين آمنة مئة بالمئة لكن أقول إنها أقل خطورة في ظل الظروف اللي يعيشونها

ومو علياء بنفسها رجعت بعد يوم؟
وقالت لجيهان إنها تبي تعيش عنده وتكون معه وإنهم يحمون ولدهم مع بعض

وهذا الكلام لما قالته هل كانت ماردين مكان امن ومكان حلو؟ لا بالعكس كانت اسوا حالاتها صارت فيها مجزره من موت بوران وشاهين وامه قتلت ولدها

يعني إذا كانت علياء تشوف إن ماردين مكان مستحيل تعيش فيه مع ولدها
ليه رجعت وفي وقت كذا ؟ وليه اختارت إنها تواجه هالحياة مع جيهان بدل ما تكمل هروبها؟

لانها تعرف خطورة الوضع وتعرف إن دينيز من عائلة البورا وإن الخطر ممكن يلاحقه بأي مكان ومع ذلك اختارت إنها ترجع وتكون مع جيهان وتحمي ولدها مع جيهان

وهنا أنا ما أقول إن علياء ما تخاف على دينيز ولا إن خوفها مو مبرر لكن أقول إن الخطر ما كان جديد عليها وإنها سبق واختارت إنها تواجهه مع جيهان

والأهم من هذا كله إنها تعرف وش يسوي جيهان عشان دينيز وتعرف إنه مستعد يضحي بنفسه عشانه وإنه صار بالنسبة لدينيز أب حقيقي مو مجرد شخص يحاول يوفر له الحماية

جيهان يسوي لولدها أشياء حتى أبوه الحقيقي ما يسويهاويحاول يحميه من خطر ما كان هو السبب فيه من الأساس

فإذا كانت علياء تعرف كل هذا وسبق إنها اختارت البقاء مع جيهان وحماية ولدها معه وش اللي تغير؟

بالنسبه لي الي تغير مو انها تشوف ماردين مكان ما احد يعيش فيه
لكن هي ما تبي ترجع لانها شافت صد منه قبل

وجيهان مو اللي أدخل علياء في هذي العائلة
لكنه الشخص اللي صار مستعد يضحي بحياته عشان يحميها هي ودينيز من تبعات هذي الحياة

#UzakŞehir

[𝙰𝚜𝚘𝚘 @ellv5_]

@4namjooning ههههههههههههههههه اتمنى ما نتجحفل😭

[𝙰𝚜𝚘𝚘 @ellv5_]

@DaoosAl72513 لا لا صدقيني انا لا تصدقين شات انا اقول جيهان🤣

[𝙰𝚜𝚘𝚘 @ellv5_]

@2Happinesss_ هههههههههه ان شاء الله يكون جيهان

[𝙰𝚜𝚘𝚘 @ellv5_]

@Bothyjd الي قاعد يبين انه لابس رمادي بس
مو بين اذا قميص ولا بدله
بس انا كاني اشوف قميص

[𝙰𝚜𝚘𝚘 @ellv5_]

@FirdousJam23587 لا تقدر تقوول خلاص انا طلعت يعني ما يحتاج تتزوجه
هي هددته لما كانت بالسجن وقالت اذا ما سمحت لدينيز يروح راح اتزوج انور
والحين هي طلعت ودينيز ما يروح

[𝙰𝚜𝚘𝚘 @ellv5_]

@Bothyjd @SahbtAlaml طيب حتى جيهان بالحلقه لابس رمادي
وبرضو الي جنب علياء كانه قميص مو بليزر
الطباخ لابس بليزر

[𝙰𝚜𝚘𝚘 @ellv5_]

@mm_45690 😭😭😭😭😭لا ان شاءالله ما تقمعنا هذا جيهان

[𝙰𝚜𝚘𝚘 @ellv5_]

@melaniekevans_k بالضبط جيهان والد دينيز ويفعل كل ما فيه وسعه لحمايته

[𝙰𝚜𝚘𝚘 @ellv5_]

@_SawsanHM حيياتي😢🩵

[𝙰𝚜𝚘𝚘 @ellv5_]

@shaiikha18 ايوالله بالنهاية بيرجعون لبعض

[𝙰𝚜𝚘𝚘 @ellv5_]

@mm_45690 شوفي لو هو انور اكيد بيكون له سبب ف احنا نبي نعرف الاسباب الي حطتها

[𝙰𝚜𝚘𝚘 @ellv5_]

@Moonya333 ما راح اصدق لين اشوفه بالحلقه

[𝙰𝚜𝚘𝚘 @ellv5_]

ياخي التسريبات إلى اين؟
كل شوي يطلع لنا كلام جديد

لاتصدقون أي تسريب يطلع
وحتى لو طلع تسريب وصح مو معناته إن اللي بعده بيكون صح بعد

فـ ريّحوا راسكم وننتظر الحلقة ونشوف وش بيصير أريح لنا من كثر التوقعات اللي ما تنتهي

#UzakŞehir