ٓ

- مابين البساطة والنفوس الكباريه

[ٓ @elmutaiiiri]

لو إنه بيني وبينك عذول ومعجزة وبلاد
أحسك نسمةٍ مرت عجولة تحتضن ظلي

[ٓ @elmutaiiiri]

وأنا لو أمتلك ثلثين الأرض وثلثلها ملحوق
ولا ألقى لك أثر في شبر منها قلت ما أبيها

[ٓ @elmutaiiiri]

من شيمته يقطع عليك التفاصيل
ماوده يقلّب عليك .. المواجع '

[ٓ @elmutaiiiri]

مرحبا بك في مداهيل قلب ما وطاه إلا أنت
يا أغلى من وطى حبه جال قلبي وشريانه '

[ٓ @elmutaiiiri]

قولو له أنه هو ختام الحُب ولا بعده بديل '
وفي كل بيتٍ من قصيدي والله أنه مقصدي

[ٓ @elmutaiiiri]

من كثر ماني على حياتك .. أخاف
ودي لو أعطيك من عُمري عمر للأخير

كثير أشياء ما هي لازم تصير و تشاف
إلا ابتسامة شفاتك .. لازم إنها تصير

خذني معك أرتوي خذني معك للجفاف
أنا معك مستعد أواجِه أقسى مصير

تعيش في قلبي الأول من أول طواف
ويا جعلك تعيش به لين الوداع الأخير

[ٓ @elmutaiiiri]

أنا و إن مت ضامي ما طمعت بشربةٍ من بير
أعاف البير لا كثروا ، عليه الناس ورّادة

[ٓ @elmutaiiiri]

الحياة جهاد والعمر ينقص مايزيد
يمكن انه ينتهي وانت ماحققت شي

مشكله لوكنت تطرد ورى حلمٍ بعيد
لكن المأساة لو مات حلمك وانت حي

[ٓ @elmutaiiiri]

الفقر لو يطبق علينا سياجه
نبني لنا دنيا جديدة وننساه

والهم لا سيّر وعقد حاجه
نرسم أمانينا الضحوكه على شفاه

وإن درّج البرد بسهرنا وداجه
نضوي حكاوينا القديمة وندفاه

أبوي علّمنا على كل حاجه
الا تدابير الليالي .. بلياه

[ٓ @elmutaiiiri]

ياضمير فيك من جاير الفرقاء رســوم
و بينك و بين الشقاء مابقا الا فـاصله

دام ترهقك الطواري و تسهر كل يـوم
لو تدور راحة البال ماهي حاصله

ادري انك صاير ماش و الصبر معدوم
و الحزن له مدة يواصلك و تواصله

مبطي من السجه اللي تنسيك الهمـوم
و المزاج الزين و النومه المتواصله '

[ٓ @elmutaiiiri]

حاشمك من رجعةٍ ماضيك أجمل منها
من متى ، والغالي اللي راح يرجع غالي

[ٓ @elmutaiiiri]

انقطع و احبال الاخبار من دونه قصار
والله مدري هو تحت الارض ولا فوقها '

[ٓ @elmutaiiiri]

الله الله يا الدروب المستقيمة
كيف أجادل واحد ما هو بقدي

شرهة العاقل على النفس الكريمة
واحتفظ بـ الرد في مزحي وجدي

يفرح الجاهل ويحسبها هزيمة
ما درى عيني لمثله ما تلدّي

صدتي عن بعض خلق الله غنيمة
ما يوالف قلبي القلب المصدي '

[ٓ @elmutaiiiri]

جعلني لا مرّت ظنونك و جاء فالأمر خله
أقف بـ وجه الليالي موقف ما هو حيادي

مالحقني في رجاك من السنين العوج ذله
أنت من يلمحك في ديرة ولا يتبعك غادي

[ٓ @elmutaiiiri]

وش لزومي في مفاهيم البشر مخطي وصايب
العقول مقسمة و العاقل بعقله تقدّا

أستميل لـ عزلتي وأبعد ولا عندي سبايب
غير حبي للهدوء إللي عن اللجة مبدّا '

[ٓ @elmutaiiiri]

عاشقك يا مهجة الألباب ما ينكث عهوده
فرصةٍ ماهي لجل لقياك ؟ ما دورت عنها

[ٓ @elmutaiiiri]

- يُخلق الإنسان معطاءً حتى يُعلِّمه الناس الحذر '

[ٓ @elmutaiiiri]

وأنا ودي أطوي المسافة وألغي المواني والسفّر
وألتقيك مع كل مطلع شمس ونهاية كل درب '

[ٓ @elmutaiiiri]

كيف لا مرّ السهر من دونك أستعذب نعاسي ؟
وأنت تدري ما لـ عيني من بعد عينك مسرّه
ㅤ
كل ما طال السكوت بـ سور صدري طال باسي
كنّي اللي راضي التعذيب من قوّ المضرّه
ㅤ
والله إني ما تحلويت الجفا لو كنت قاسي
مير قلبي من كثر حبه عجز منْك يتشرّه

[ٓ @elmutaiiiri]

الأرض في عين غير المهتوي ما تزين
لو إنها جنةٍ خضرا تصير شهبا '