ايمان مصرية🇪🇬🇪🇬🇪🇬

اهلا بيكم فى الحساب الجديد ٢٠١٨القديم ٢٠١٣ راح فى الوبا

[ايمان مصرية🇪🇬🇪🇬🇪🇬 @eman306581]

محتاجين حملة لنشر الخضرة وزراعة وتشجير مصرنا الحبيبة علي غرار عايزينها تبقي خضرا فى التسعينات لمعاجة التصحر اللي ماشي فى البلد ودا بقي محسوس اوى مع درجات الحرارة الساخنة اللي موش متعودين عليها نظرة ياحكومة للتشجير لا للتصحر رحمة بالمصريين

[Dalia gamil @daliagamil2009]

روحت اتبرع لمستشفى أبو الريش للأطفال ، وأول ما وصلت شفت طفل متكفن ، يجى أربع أو خمس سنين من طوله على إيد باباه ، وواحد مستنيه بموتوسيكل ، ومامته بتجرى وراه ومعاها واحدة ، بيقولوا لو ملقناش ميكروباص هنتصرف ونيجى ، وفضلوا يجروا في الشارع ورا الموتوسيكل ، اللى هو مفيش تاكسى ياخدوا ابنهم فيه ، مش معاهم فلوس ..

وأنا اتسمرت مش فاهم حاجة ، وفهمت بعدها من واحدة كانت واقفة جنبى طفلة يجى ١٢ سنة ..

قالتلى: ده كان داخل على رجله ، واتوفى ، مامته كانت بتقول كدة وهى بتصرخ ..

لهجتها صعيدية ، قالتلى أنا من أسوان ، بس لينا قرايبنا قاعدين عندهم ، جه أخوها يجى تلات سنين ، لقيت فى إيده كانيولا يا حبيبى ، وواقف جنبها الولد حافى ..

أى وقت بالليل تعدى جنب سور المستشفى ، هتلاقوا ناس نايمة في الشارع ؛ دول أهل الأطفال اللى جوه مش معاهم إمكانيات يأجروا مكان يباتوا فيه ؛ فبيناموا في الشارع

وكمان ساعات يندهوا على أهل الطفل ، محتاجين لبن .. محتاجين دواء .. يعنى منتهى الذل ..

دخلونا للمدير الإدارى ، الراجل رحب بينا ، وجاب لنا مدير الخدمة الاجتماعية ، طلعنا مكتبه وجاب ملف فيه حالات محتاجة ..

أطفال محتاجة علب لبن ، ومفيش إمكانية ، يعنى ممكن يموتوا عشان مفيش لبن ..

طفله عندها ٨٠ يوم ، عاوزة أنبوبة أكسجين ،، ومفيش إمكانية ، وأهلها بيلفوا يدورا على حد يسلفهم ..

طفل محتاج دوا بألف جنيه ، وحالته خطيرة ، مش مع المستشفى غير ٢٠٠ جنيه ، وكمان تبرعات ..

وحالات كتيييييير مش قادر أوصفها ، بس دول اللى فاكرهم ..

المستشفى فيها أورام وقلب مفتوح وفشل كلوى ،

فبقوله: يا فندم ليه مش عامليين دعايا ؟!

قال لي: احنا مش معانا نصرف على الدعايا ..

التبرع إنك تساهم فى علاج حالة ، أو تتكلف بروشتة ، وهما يبلغوك محتاجين كام ؟؟

أو تعين أسر فقيرة مش لاقية تاكل ، وليها حالات عندهم ..

فيه أسر جاية من أدغال مصر ، وفى أسرة مش معاها موبايل ، متخيليين إنهم قاعدين في الشارع ، عشان لو حصل حاجه محدش هيعرف يوصلهم ..

أى جنيه بتدفعوا بيبعتوا عالواتس صورة بالفاتورة ،

الراجل قال: إحنا هنا بفضل ربنا ، وتبرعاتكم هى اللى ساندانا ..

انا مكنتش ناوي خااااالص أقول لحد ، بس بعد اللى شفته بعينى ، وأد ايه الناس دى محتاجة ومحدش يعرف عنهم حاجة ..

دول أطفال بتموت ، وأطفال فى حضانات ، وأطفال عندها أورام ، واللى عندها أيام وتموت ، وأطفال صمامتها مسدودة ، وعندها أكتر من ثقب ، وأمهات شفتها شايلة عيالها صغيرييييين ، وفى إيديهم الكانيولا ، كنت عاوز أبكي جنبهم ..

حمدت ربنا على كل نعمة مش حاسين بيها ، وإن الحمد لله أولادي كويسين ..

ربنا يجيرهم فى مصائبهم ..

لو كل واحد فينا أقل الايمان ، خد خمسين جنيه وراح هناك ، أقسم بالله ممكن تنقذ طفل ،

احنا بنشترى تفاهات كل يوم ، وكولا وشيبسي وشوكولاته وبناكل بأكتر من كده ، أكننا مش هناكل من بره يوم ..

ممكن كل كام واحد أو واحدة وصحابهم ، يلموا من بعض ويتصدقوا كل شهر هناك ، وخلوا كل مرة نية حلوة للصدقة الجميلة دى ..

مرة تنجح ، مرة تتجوز ، مرة يطول فى عمر أهلك ، مرة لمتوفى، والله والله ربنا اكرم مننا ؟ احنا اللى محتاجين ده مش هما ..

طولت عليكم وياريت تعملوا شير ؛ عشان الكل يشوفوا

إبداء بنفسك وساعد غيرك ..

مستشفى أبو الريش للأطفال ، فيها اطفال بتموت عشان أهلهم مش معاهم ٥٠ جنيه يجيبوا علاج ..

اللي عاوز يتبرع يروح بنفسه، ويجيبلهم علاج أو دم أو يتبرع فى حسابهم فى بنك ناصر الاجتماعي وفيه وسيلة سهلة للتبرع عن طريق خدمة فوري ..

المستشفى معندهاش فلوس ؛ علشان تعمل دعاية زى مستشفى 57 أو مجدي يعقوب ، فخلينا احنا نبقى الدعاية بتاعتها ......

شير فى الخير ..

عايزين نشير علشان الناس تساعد ....

والخير دوار ... شير فى الخير

دعوة للتبرع لمستشفى أبو الريش للأطفال ..

ربنا يتقبل ..

لا تستصغروا فعل الخير .. فربما كانت هي المنجية ..

( علي فكرا احنا نقدر نعمل احسن اعلان للمستشفي دي نحط الكلام دا ف جروبات وع صفحات دا لو مش هتقدر تتبرع ليها غيرك ممكن يشوف الكلام دا وربنا يقدروا ويساعد
#مستشفى_ابو_الريش_للاطفال
منقول

[ايمان مصرية🇪🇬🇪🇬🇪🇬 @eman306581]

بالنسبة لقصر محمد علي المنيل يعتبر اثر سياحى وثقافي لان فيه خناقة بين الوزارتين الظاهر عليه فمتروك للمتسولين بطول سور القصر سكن وحمام ونوم وبطاطين وملايات لغاية امتي الإهمال!!!!!!!!!!!

[Mona Ali @MonaAli1150344]

(المصريون يشربون فقط من أوعية نحاسية و تُنظّف يومياً. يلبسون الكتّان الذي يٌغسل دائماً. و يٌحلّقون شعورهم كلها. يستحمّون مرتين صباحاً و مرتين مساءًا.
يلبسون نعالاً من البردي في أرجلهم و يعبدون إلهً واحداً ولهذا نعرف أنهم جذور الأرض.) .

المؤرخ هيرودوت

هكذا كنا ..!

[𓋴 𓄿 𓂋𓄿..🇪🇬 Sara 🇪🇬 @Sara018222]

👑 EGYPT 🇪🇬
الفيديو ده لازم يوصل للرئيس ..اتمنى يكون
مازال يتابع منصات التواصل .. ده جزء صغير
من حفلة مسخ مصرى للأسف ودة المنظر العام
ملابسه لافيها اخلاق ولا ذوق ولا قيم والى بيحصل فى شباب مصر ده لا يصح ان يمر هكذا
الملف الداخلى يافندم الجبهة الداخلية نظرة من فضلك

[ايمان مصرية🇪🇬🇪🇬🇪🇬 @eman306581]

@DonMo3az خدعة مخابراتية .

[نوره العتيبي @DAl159882]

كانت السيدة عائشة تقول للنبي ﷺ فيما معناه:
أن الدعاء كثير،
«ناس تدعي بالرزق، وناس تدعي بالذرية، وناس تدعي بالهداية إلى آخره…»
قال:
"ياعائشة عليك بجُمل الدعاء وجوامعه"
قالت:
يارسول الله وما جُمل الدعاء وجوامعه؟
قال قولي:

[Omar @omarsays_]

هما ليه الاجيال القديمة اللي من اسر ثرية وارستقراطية وخريجين مدارس اجنبية برضو مصريين طبيعيين عادي مش زي العيال بتوع ايجبت ؟

[ايمان مصرية🇪🇬🇪🇬🇪🇬 @eman306581]

@bedewi110 سبحان الله واحدة أمريكية مامة صاحبتنا كانت بتزورها هنا لانها اتجوزت مصرى كانت معانا واحنا بنتكلم عن تفسير سورة الطارق ففجأة سالت انتوا عرفتوا الحقيقة دى ازاى احنا لسه مكتشفينها من سنوات قليلة فعرفت اننا نعرفها من ١٤٠٠س

[ايمان مصرية🇪🇬🇪🇬🇪🇬 @eman306581]

@omarsays_ ابني خريج فيكتوريا كوليدج معادى موش دلوقتى طبعا هو ٤٦ سنة وطبيعي الحمد لله بيحكيلي انه فى الساحل لما بيكونوا فى مكان هو واصحابه بيشوف ناس غريبة شوية ممكن الواحد يصرف فى قعدة اكتر من ٥٠ ل ١٠٠الف جنيه فبيستغرب هو واصحابه اوى وبيقولى شكلهم غريب ماشوفناهمش قبل كدا فى خروجاتنا

[بريم السنكرى @f6fOB0V56MfN9tG]

الغدر يأتي من الشرق و الخيانة تأتي من الجنوب الملك
#رمسيس_الثاني

[Cairo 24 - القاهرة 24 @cairo24_]

تنفيذًا لتوجيهات الرئيس.. محافظ الإسكندرية يبدأ في إزالة المنشآت الحاجبة للكورنيش عقب انتهاء التعاقد

[ايمان مصرية🇪🇬🇪🇬🇪🇬 @eman306581]

عقبال تكسير كافيهات كورنيش المعادى زمان طول الطريق انت شايف النيل دلوقتى ولا حتي تلمح طرفه
# تكسير كافيهات كورنيش اسكندريه

[ايمان مصرية🇪🇬🇪🇬🇪🇬 @eman306581]

@MagedFanousMEPh بن شاهين فى الدقي وله فرع فى م. نصر بتعامل معاهم من سنين

[ايمان مصرية🇪🇬🇪🇬🇪🇬 @eman306581]

@imannassars كل دا وبعدين مصر توافق علي إنشاء مستعمرة قطرية فى رأس الحكمة بدافع الاستثمار هل يعقل هذا

[بريم السنكرى @f6fOB0V56MfN9tG]

الأهرامات من أهم حراس مصر
و أن أجدادنا أسمهم الصحيح
المصريين القدماء وليس الفراعنة
أن المصريين القدماء أستخدموا
طاقات لم تكتشف إلى الأن كطاقة
باطن الأرض وطاقة الأشعة السوداء
وطاقة النجوم بجوار الطاقة الشمسية
والقمرية والنجمية

[ايمان مصرية🇪🇬🇪🇬🇪🇬 @eman306581]

@AmrFahm51034920 👌👌👌وفيه مصلي مخصص لصلاة النساء يعنى ممكن امشي شوية لغاية المصلي ودا من أدب المسلم لكن اعلي صوتى وافرض كلامى واتسبب فى قلق فى مكان هاديء واخيراً اكون سبب فى قطع عيش بنى أدم مسئول عن اسرة دا ابعد مايكون عن الإسلام والمسلمين وفرض الصلاة

[ايمان مصرية🇪🇬🇪🇬🇪🇬 @eman306581]

هو فيه امل لإضاءة طريق وادى النطرون حتي بالطاقة الشمسية حلاوة شمسنا يعنى حتى الوصلة اللى بناخدها وننزل علي ستيلا ماشاء الله كلها اضاءة وعمدان نور هل لانها قديمة ايام كانت الطرق منورة احنا الطرق السريعة عندنا قليلة فياريت تكون مضاءة

[المحامي خالد ابوبكر- KHALED ABOU BAKR @ABOUBAKRLAWFIRM]

خطوه ممتازه
واتمني ان تحصل شركة حسن علام علي ادارة مطار القاهرة.. سترون الفرق في أسرع وقت
علام شركة مصرية تعمل داخل وخارج مصر
وتلقي احترام الجميع