اللي علومه كلّها معيوبه
يذلف ويلقى له خطيط يولّي
تافه ولا له منزله محسوبه
اللاش دلّه ما يوافق دلّي
ناقص قدر من راسه لعرقوبه
يموت واطي ماهو بمتعلّي
شهر وجوّاله يشيل ذنوبه
يَعرف يصوم ولا يْعرف يصلّي
عيّت لا تطفي كبده المشبوبه
في كلّ ليله يلمز ويرسلّي
لو اقرص أذنه ينتفخ لغبوبه
خلّوه يتبعني ويطعن ظلّي
لو ما يتابع يدخل بغيبوبه
مانيب قايل وش تبي بي قلّي !
من الرخامه سمعته معطوبه
مثل البهيمة في رداه مفلّي
قسمه وحقه عندنا والكوبه
خايب رجا وضعيّف وترللّي
لا بارك الله بالعجوز العوبه
ما فارقت حتى بحظر ٍ كلّي !
منقع وذا على امرها مغلوبه
فيها مرض بالقلب ماله حلّي
الرجل يحشم منطقه وأسلوبه
ماهوب خبل ٍ برطمه متدلّي
استعدوا جاء محمد وفرشوا فالارض فرشه
وعـرضوا له حتى لو هـو ما درى عن طايرتكم
السـلاح اللي يهز عروشكم ما هـز عرشه ..
الخطر في طيب راسه ماهو في طيب اسلحتكم
#هليل_الجلاوي#محمد_بن_سلمان_في_واشنطن