اذا ارتفعت عندك الحراره كيف تتصرف؟
هل التصرف السليم تطفي السيارة مباشرة؟
او تخلي السيارة شغالة حتى تبرد؟
هذي الاشياء تحددها انت على حسب الظروف اللي انت فيها
اذا السيارة قاعده ترتفع حرارتها وانت واقف
هنا تطفي السيارة مباشرة حتى تبرد لأن عندك مشكلة في التبريد
@amam061@mekshat1433 الافضل تفك مثبت السرعه
لان السيارة بتحول ترفع ضغط المكينة على اساس تحافظ على سرعة 120 على سبيل المثال
فبتجهدها على الفاضي
بس تعدي الطلعه ارجع ثبت السرعه
لا تلتفت لكل مثبط لك يثنيك عن صيام يوم عرفة، ففي صيامه أجر عظيم، وهو صيام يوم لا أكثر.
عن أبي قتادة الأنصاري رضي الله تعالى عنه: أنَّ رسول الله ﷺ سُئل عن صوم يوم عرفة، فقال: يُكفِّر السنة الماضية والباقية.
وش الأدق في قياس سرعة السيارة؟
عداد السيارة ولا البرامج اللي تعتمد على الـGPS؟
كثير يلاحظ الفرق في قياس السرعة بين سيارة وسيارة
على سبيل المثال لو نقيسها على ساهر راح نلاحظ أن سيارتين ماشيه 115 على طريق سرعته 100
وحده يصيدها ساهر والثانية تسلم
السبب هو التفاوت في دقة العدادات
@The_empreor454 بعض الأحيان يكون لسبب ضغط اما غطاء الراديتر خربان او بلف الحراره معلق ومسكر او ضغط من الراس ويكون عندك وجه الراس مضروب
لكن في الغالب يكون فقط مجرد انتهى عمر القطعه
وتغير الراديتر ويفضل معها غطاء الراديتر والبلف والمويه مره وحده، حتى تضمن تجديد دائرة التبريد بالكامل
حصل عندي شعر بالطبة وتهريب ماء رديتر، وما انتبهت له إلا من ريحة ماء الرديتر
وهذي من مميزات ماء الرديتر الأصلي، ريحته تشمها أول ما تفتح الشباك
أنا أستعمل حق تويوتا، لكن تقدر تستعمل أي ماء من شركة محترمة
يفيدك باللون ويميز لك التهريب وتنتبه له، وفيه نسبة تزييت تفيد طرمبة الماء وبدون أملاح على أساس ما يحوس دائرة التبريد عندك
@Trooky92 كأستخدام عادي ما تحتاج الالمنيوم
لكن حلو للي استخدامه كر
مع ان الطبات البلاستك ممتازه
اذا حصل ضغط لأي سبب كان
هي تكون نقطة ضعف وتنكسر عليك طبه
ابرك من ان الضغط يتجه إلى وجه راس وتصير التكاليف اعظم
@Trooky92 كأستخدام عادي ما تحتاج الالمنيوم
لكن حلو للي استخدامه كر
مع ان الطبات البلاستك ممتازه
اذا حصل ضغط لأي سبب كان
هي تكون نقطة ضعف وتنكسر عليك طبه
ابرك من ان الضغط يتجه إلى وجه راس وتصير التكاليف اعظم
@WFY_24 اي ماء راديتر من اي شركة محترمه يناسب اغلب السيارات وانت تختار الشركة اللي تناسبك
مثله مثل زيت المكينة
هل اذا معك تويوتا لازم تحط زيت تويوتا ؟
ولا تختار اي زيت من اي شركة محترمه ؟
الموضوع يختلف اذا كنت في منطقة ��لجية
لا تحط الا الماء الاصلي
موب "المقطر"
ماء اصلي من شركة محترمه
تكلمنا كثير عن ان الاصلي يجي فيه نسبة تزييت خفيفه تفيد نظام التبريد ودرجة الغل��ان اعلى إلخ
يفيدك الاصلي وقت التهاريب
مثل اللي بالصور .. من يوم تفتح الكبوت تعرف ان عندك تهريب .. بعكس الماء المقطر يهرب ولا تدري
السيارات اللي مروحة التبريد فيها 'كلتش' مو بمراوح كهرب، يفضل تغير الزيت أو تزيده في الكلتش بعد ممشى عالي قد يصل إلى 200 - 300 ألف كيلو
وعلامتها إذا خف أداء تبريد المروحة وقتها تعرف إنك تحتاج تصين الكلتش، وموضوعه بسيط جداً ما ياخذ وقت
السيارات الحديثة أغلبها كهرب، اللي باقي مراوح كلتش مثل اللاندكروزر وإخوانه والونيتات الأمريكية من فئة 2500 وأنت طالع .. إلخ
وإذا رجعت تركب المسامير استعمل 'اللوكتيت' (Loctite) حق المسامير والصواميل حتى ما تنحل معك بعد فترة
والكلتش له زيت خاص مو أي زيت، زيت سيلكون ثقيل جداً تويوتا تبيعه، وهذا رقمه، شاريه أنا بـ 39 ريال للعلبة
أنا احتجت لكلتش لكزس LX570 علبتين، ويختلف من سيارة إلى سيارة، وكل الكلتشات تقريباً نفس المنظومة
طريقة فكه وصيانته كالتالي:
١- تفك مسامير المروحة المثبتة على البكرة
٢- تفك صواميل المروحة من الكلتش
٣- تفك مسامير الكلتش، وقبل تفك، اختبر بولاعة أو شاخوف هل الملف يشد على نفسه وقت تولع عليه؟
وبعد ما تبرده بالماء المفترض يرجع يفك، بكذا تعرف إنه صالح
٤- إذا كان ال��لتش من الداخل نظيف مثل اللي بالصورة فقط عبِّ الزيت، وإذا كان أسود وفيه تكدسات لا، نظفه بالكامل بعدها ضف الزيت في الدوائر اللي مأشر عليها
وجلدة الوجه انتبه لها وقت ترجع تركب، وراح تكون وسيعة لكن حاول بها لين تركب