تنازلت لك عن كل حاجه ولا ابغا شي
لو تروح معك الروح مانيب داعيها
معك حق يوم انك تسوي السوايا ذي
عطيتك مكانه منت كفوً تجي فيها
تغاضيت لاكن الخطايا بعد هي هي
ماعاد اقدر اشوف الخطايا واخليها
تركت الدروب الي من اول تجيبك لي
انا كل حاجه عفتها مقدر اجيها
مع ان نظرتي ماهيب تكذب وقلبي حي
خذلني النظر في هقوتً فيك هاقيها
ما بقى شي يقطف يا الغصيّن الركيك
لو بقى شي عاتبتك و عاتبتني
راح صوتي على برهان أحبك و أبيك
و أنت بـ سكوتك المدروس غربتني
والله أني محاتي خيبة الظن فيك
لين سلمتني كفك و حببتني
جيتك أحن لك من نفسك والديك
آخ يا ليت يوم أجيك جنبتني
ليه كل ماعرفت أبديك صرت أنتهيك
و ليه كل ما رحلت بدمعتك جبتني
بان زيفك و عفّت لهفةٍ تنتحيك
عقب ما أتعبتك من اللوم و أتعبتني
تتهمني و أنا اللي تحت رحمة يديك
تاركٍ قلبي ، اللي فيه حاربتني
كان واضح علي و كان واضح عليك
مدري شلون ، صدقتك و كذبتني
أنا يوم اجي وامركم ياوليفي حنج
ولا ودي اقاربك تلدّ النظر فيّه
سبح بي غرامك سبح موج البحر فاللنجّ
غفلت وغدابي حبّك .. شويّه شوّيه
لا شفت زولك قام يدخل أعظامي بنج
أسولف مع العالم وقلبي له أنحيه
لعب بيّ غرامك فالخفا لعبة الشطرنج
ليا دار لعبه بين الأعضاء السياسيه
ماني على خبرك على قول المثل خبرك عتيق
عقب الصخب والطيش حبيت الحياة الهاديه
صديت و النيه مطيه والعمر رحلة طريق
يا رب رحله ممتعه من فوق صفراً عاديه
زهابي الايمان وسلاحي على الوصف الدقيق :
عقليّة المثقف وفراسة ابن الباديه
كان منعتني خونة الصاحب وخذلان الرفيق
فـ انا كفو لايّات هجمه من جهات معاديه
تبجحي يا نظرة المستقبل بماضي عريق
على الظنون المظلمه شمس الحقيقه باديه
وتثاقلي يا خطوة المتجوّد بعهدٍ وثيق
حتى ولو متناقضات الميديا .. متماديه
احياناً من اصغر شراره تقبس الدنيا حريق
واحيان تنبش اعمق جروحك حمامه شاديه
كم من محبه صادقه تبدّلت كرهٍ عميق
باسباب مزحٍ ما هو بوقته وكلمه غاديه !