ًًًًً

أنا بقايا إنسان يتظاهر أنه على قيد الحياة

[ًًًًً @eol2e]

اناظر فـ السماء واقول يارب السماء والقاع
عسى اللي صار تكفيرة ذنوب وفاتحة توبه

صحيح ان الحكي بـ الفايته مايبري الاوجاع
لكن اقل شي يذكر النساي بـ ذنوبه

همومي واجد وزلاتي كثيره وعمري ضاع
وصبري لايزال يطارد الامال بـ اعجوبه

تقول انا الوحيد اليا تضايق ما لقى فزاع
وصدقتك وكثرت اصدقاي وصارو عقوبه

عزاي اني حفيد اللي عزاويهم على المطلاع
معاصير الدول يوم الامام يجيش شعوبه

ياكم مره يضيعني التواضع لكن الاوضاع
ترد الطيب اللي مستحيل يغير اسلوبه

واذا طاح المطر والبرق لاح وقرب المرباع
ذكرت اللي تجيني راضيه وتروح مغصوبه

سلام الله على وجهٍ عليه الخاطر الملتاع
مايبرد لو نسانيس الشمال ملاعبه ثوبه

وجودي يوم راحت من يدي وانا طويل ذراع
وجود الشايب اللي بر بـ عياله و مبروبه

[ًًًًً @eol2e]

بدت رحلة الشاعر معا بدايت المشوار
على بنت ريح اصيل ماهي بحي الله

لجل عين طرقا جنبت معظم الشعار
وجتني وانا اللي يعقد الحبل ويحله

لكن الطواري تتعب العاشق المنهار
ليا حان نصف الليل ثم جات منهله

تزود غثا صدر جفاه الزمن وجار
ولاعنده الا همه وسبحه ودله

يترجم شعوره ويتصدر على الحضار
يشرد لا مرت كنها حد ابو سله

ياغاية منى الشاعر ويا منوة الافكار
ليا طل وجهك قيل حي الله الطله

من عيونك لشعرك تصير الكبار صغار
ومن الخصر يبدا وصفي وينتهى كله

لاجيتي تخلين البني كلبوها يسار
يضيع الكلام بجيتك دقه وجله

كلامك هو اللي يجذب السمع والانظار
لاقام العسل ينزل على الريق ويبله

يقولون ياستار واقول ياستار
عسى الله يثبتني لا اطلع عن المله

تشوفك عباد الله تضيع وتحتار
متى تعتقين الناس هاذي لـ وجه الله

[هاجس الصحو @wwwwewwwe0]

يومًا ما

[ًًًًً @eol2e]

لازداد صوت القصف وازداد الصياح
حنا نحب الحرب وحنا عيالها

نوقف الدنيا على ( خشم السلاح )
لاصاحت اكويت الفخر ف رجالها

اليا بطشنا لحدٍ يدور سماح
واليا رضى مشعل يحل احبالها

افعولنا تبقى ولو زاد النباح
وهامتنا مثل القمم وجبالها

(شعب الكويتي) من فلاح اليا فلاح
نفدي وطنا ياوطن : حنالها

مستشهد الواجب بعد حارب وراح
روح عن الدنيا وغادر حالها

نسعى لـ حفظ الدار بعزم وكفاح
واللي طمع فيها ماهو بـ اشوالها

الحكم لله بعده الحكم لصباح
اللي مبرهن فالسطور افعالها

[KUWAIT ARMY - الجيش الكويتي @KuwaitArmyGHQ]

تحت بيرق سيدي سمعاً وطاعة…

#الجيش_الكويتي درع الوطن وسياجه المنيع

[ًًًًً @eol2e]

يادارنا شعبك يطول الطويلات
حنا حماة الدار وحنا حزامه

في كف حكامنا رصيد البطولات
وفي كفنا نلطم عدو الكرامه

ارضٍ بـ حد السيف ماهي بشرهات
ياما حميناها فـ صبح وظلامه

لادقت الساعه لـ وقت المهمات
نحذف حلاة الروح ضد الرخامه

بيت القرين اللي يضم الشهادات
وجيههم بيضا ليوم القيامه

تسعه عاشو بين جيشٍ وطلقات
ندفع زكاة الموت لاجل الادامه

واللي طمع فينا وقص المسافات
نقص راسه مثل راس النعامه

[أبيات فُصحى. @fos7a_f]

"واللهِ ما ذَبُلَتْ أحْلامُنا أبدًا
وأَنْتَ بالْجودِ يارَب تَسْقيها"

[ًًًًً @eol2e]

مرحبا ؟ يا اغلا من يرد التحايا بـ التحايا
ضحكتك نور الحياة وطلتك طله سعيده

المحبه ؟ كل ليله تنتشر بين الخلايا
لين ماتمشي مثل مايمشي الدم فـ وريده

العبي ياجعل يفدا وجهك الطاهر برايا
كل خصله من خصال الشعر عن خصله حميده

ان مشيتي صارت قلوب البشر حولك شضايا
وان وقفتي بـ الثقل طاحت لك الروس العنيده

في تفاصيلك جمال وفي حضور اسمك مزايا
كل جمله تشمل اسمك تعتبر جمله مفيده

لو تفرقنا الليالي ماتفرقنا الحمايا
لايزعلك ؟ القدر والله يفعل مايريده

ذكرياتك كلها بين الاماني والمنايا
ما انتهت الا وانا روحي على فقدك شهيده

يوم بانت صورتك بين الاماكن والزوايا
قلت احبك وابتسمت وجاري انشاء القصيده

لو نشوف ان الوصل صاير ضحيه لـ الخطايا
مستحيل ان الخطا يرخص محبتنا الرشيده

منزلك عالي وقدرك معتبر بين الحنايا
لو على شانك تبدد فرصة العمر الوحيده

[ًًًًً @eol2e]

حبيبي والسنين المثقله بالذكريات كثار
انا محتاج لي لحظة لقى ما احتاج لي ذكرى

تخوفني الظنون الي تسير فالظلام امرار
تعزيني الدموع الي من البارح لها مجرى

بعد لحظة غيابك مابقى غصن لحمام الدار
ومع طاري غيابك كل لحظة ليلة غدرا

تسريني وانا ماعاد لي قدرة على المشوار
ولا املك قلب يجذبه الوصال ولامعي بشرى

انا ماني الكريم المصطفى والمعتكف بالغار
ولاعندي وحي ينزل علي يامرني باقرا

ذنوبي واجده واول ذنوبي ماعرفت اختار
ومثلي ماعرف يختار غير انت وبعدك ازرا

[أبيات فُصحى. @fos7a_f]

"وَاسْتَعْمِلْنِي بِما تَسْأَلُنِي غَداً عَنْهُ،
وَاسْتَفْرِغْ أيّامِي فِي ما خَلَقْتَنِي‌ لَهُ."

[ًًًًً @eol2e]

@CC_6655 ابشري بالعوض

[ًًًًً @eol2e]

مغرياتك واجد وزينك أعجوبه
وصوتك يداويني ووجهك يسلي

عن غرامك ماني بـ معلن التوبه
هذا وانا شاعر يصوم ويصلي

ياكثر ماحب وجهك يامحبوبه
راح قلبي معك وانا معك كلي

كل فكره فيك تحسب محسوبه
انتي الهام القصيد الفريد اللي

كل عشاق الشعر معي غنو به
وانا مدري وش اقول ووش اخلي

قبل اعرفك ماعرف الحب ودروبه
ماني مولي لاكن بعدك مولي

كني اللي جالس يحسب ذنوبه
اما اسولف عنك والا على ظلي

[ًًًًً @eol2e]

يافاهقه صدر الهوى لاتنفرين
وشلون ابسلم منك وعيونك نجل

سلهامها اقوى من رصاص المارتين
وانا على موتٍ يجي منها ؟ عجل

الموت هذا حلم : كل العاشقين
واحلامهم .. بالذات مافيها دجل

وصوفك اللي دونها سمن وسمين
ادرا عليها كل ماجيت ارتجل

والله يازينك ما اوصفه للمسلمين
تبقى السلوم سلوم لايوم الاجل

من ثمن شعوره يجي شعره ثمين
في صفحة العراف يلقى له سجل

غثيتوا الشعار ؟ يامستشعرين
تشبهون الحر الاشقر بالحجل

ولا ؟ ترا شاعرك مطنوخ ورزين
ماهزه الا ضحكةٍ فيها خجل

ياشيخة ازحول العرب هل تعلمين ؟
ان انتي اجمل بنت وانا اعظم رجل

[ًًًًً @eol2e]

قولو لـ اهلها بنتكم في محزمي
لو انها مااااا هي معي متواجده

حبيتها حب العفيف المحتمي
اعهود حب (ن) بالوفا متسايده

غابت وكن الوصل حبله مرتمي
في عالم احلام (ن) عتيمه شارده

يا ليتها من صلب جدي ولحمي
او ليتها عن صدها متراااااكده

او ليت والله مااا يشابها سمي
لعلنا ننسى الطواري الباااايده

قولولها لاضاقت اي بالله ازهمي
رجل(ن) ثنى رجله لـ مهره كايده

[ًًًًً @eol2e]

في ساعةً غيمة حيا للسما جات
همالها هيض جروح السكاتي !

طرا علي أكتب لي شوية ابيات
مضمونها يا لله عليك ، امنياتي

بين الحياه وبين كثر المعانات
وبين الرجا والياس هذي حياتي

إلين ماصرتي لي أغلا الطموحات
من عقبها حبيت حتى .. شتاتي

اللي مضيعني معك ياهوى الذات
يامخاشر بـ دعوات سجدة صلاتي

علقتني بك واثرها وهم واشتات ؟
من عاد في بعدك يلمم شتاتي ؟

وشلون بسلى والمناظر والاصوات
كلها تجيبك في خلاي .. وسباتي

عزاي قلبً لد يمك عقب .. مات
وعزاك ضيعت .. بـ يدينك غلاتي

حتى ولو كنتي لي اغلا الطموحات
انا متى عينتها امنياااااااانيتي ؟

بكرا : توريني الليالي المسرات
والم وحدي في غيابك شتاتي

[ًًًًً @eol2e]

في مدخل الجامعه ولحظة من غرور
شاعر وانيقة في حسنها كم ذبل

كنا نتعازم من هو اولى بالمرور ؟
قالت : تفضل قلت انا انتي قبل

من وقتها الدنيا ولاعادت تدور
منهو يقول الريح ما هزت جبل ؟

كل النساء كانو يمروني عبور
الا بعبورك قلبي اللي ماقبل

كنا نتبادل بالنظر اجمل شعور
لو ما تبادلنا الرسايل والقبل

مخلوقة من طين ولامن عطور
كل حسن بالدنيا خذت منه دبل

قالت وش اسمك ؟ قلت انا المدعو غيور
من يقتله غيمٍ على ثوبك وبل

من ادم الاول الي يوم النشور
انا اكثر اللي حب في طهر ونبل

عشرة ليالي كانت الاجمل شعور
فيها اعتذر وقتي عن ايامي قبل

[ًًًًً @eol2e]

ياغايبه سمحت بـ غيابك واحسبك تمزحين
انشهد اني من بعدك ادور الضحك دوره

لو قلت لك ماني حزين اكذب عليك الا حزين
ماعاد باقي بيني وبين الممات الا شعره

الله يسامح من جعلني في موادعك استهين
اللي يقول الوقت ماياقف على فرقا ' مره '

توقفت من بعد فرقاك الاماني والسنين
قصة حياتي كلها قصت وراك التذكره

جيتي ورحتي عمر وصلك ضحكتين ودمعتين
على سبيل الوصف مثل الضحك عنده المقبره

وانا ؟ على رجوى لقاء وليا نويتي ترجعين؟
المقدره عند الغلا والعفو عند المعذره

[ًًًًً @eol2e]

لايلحقك يانظر عيني من الوقت خوف
انا معك ما لحقني خوف طول العمر

بين اتفاق المشاعر واختلاف الشفوف
نحاول ان المحبه فـ القلوب تعمر

انتي حبيبة شجاعٍ ما التفت لـ الضعوف
وانتي مليكة من يشوف امنياتك امر

لك وسط عيني مكان ووسط قلبي رفوف
ولك بين حدب الضلوع العوج درب وممر

واسألك وش كثر حبك لي تقولين شوف شوف
وتطالعين السماء والغيم لين انهمر

ما انت بجادل ولافاتن ولا انت بهنوف
انت من المسك مدري الورد مدري الخمر

محتاج صوتك ومحتاجك ومحتاج اشوف
حاجات واجد ماتطري لين اشوف القمر

الله يديم المحبة واللقاء والظروف
ظروف تزيد حبك جعلها تستمر

[ًًًًً @eol2e]

يابنت والله مابغيت الغرابيل
ولاطمعت بشي صعب انتظاره

انا بسيط احب شوف المخابيل
وامشي على وضح النقا والطهاره

بلاي والله فالعيون المظاليل
اللي سهمها صاب قلبي بغاره

وشعرً على هاك الردايف مسابيل
اليا انتثر غطا جسدك انتثاره

ووجهن مثل نور القمر لاظلم الليل
يسري على نوره مضيع مساره

وصوتن مثل عزف الغنا والمواويل
له بحتن تشبه لصوت القيتاره

والضحكه اللي غير عن كل ماقيل
لاياعذاب الكون مدري دماره

ماودي استرسل بكثر التفاصيل
بالمختصر لو مايفيد اختصاره

عليك مني يابعد كل هالجيل
اصخر ابيوتي مع اول زقاره

وارسملك الغيمه حروف وتماثيل
واخلدك في كل بيت بجداره

بس اسمعي لاعودت للمواصيل
الله ولا رجلن بيرضى احتقاره

لاتاخذيني بالحيل والدهاويل
انا ماحب اللي يحب انتصاره

ان كان ابوك اللي يضد الرياجيل
وجدانك اهل الشداد واهل الاماره

انا تراني من هل الجيش والخيل
وربعي منزحت العدو عن دياره

ياما كسرنا من جموع وحلاحيل
وياما خزمنا من براسه نعاره

نشرب على دم المعادي فناجيل
والصبح نرمي جثته فـ الزباره

يعني على ماقيل من دون تقليل
حنا هل التاريخ واهل الصداره

[ًًًًً @eol2e]

حضرتي وكل ماقبلك رماه الوقت للنسيان
كان الغيد عثرات الخاطايا .. وانتي التوبه